Шаблон:Серпасыс абу
Митюшёва Надежда Алексеевна |
Митюшёва Надежда Алексеевна (1949) — коми общественник, ас му туялысь.
Надежда Митюшёва чужӧма 1949-ӧд вося сора тӧлысь 11-ӧд лунӧ Сыктывкарын. 1966-ӧд воын эзысь медальӧн помалӧма 4-ӧд номера сыктывкарса шӧр школа. 1968—1971-ӧд воясӧ очнӧя велӧдчӧма Ленинград канму университетса журналистика факультетын. 1971-ӧд вося моз тӧлысьсянь уджалӧма Сыктывкарын «Красное знамя» газетын. 1974—1978-ӧд воясӧ уджысь орӧдчытӧг водзӧ велӧдчӧма Ленинград канму университетса журналистика факультетын.
1972—1975-ӧд воясӧ уджалӧма И.А. Куратовлӧн литературно-мемориальнӧй музейын, 1975—1989-ӧд воясын — Коми республикаса краеведческӧй музейын (ӧні — Коми Республикаса вужвойтырлӧн музей) старшӧй научнӧй сотрудник. 1990—1994-ӧд воясын — Коми Республикаса финн-йӧгра культура шӧринын. Пенсия вылӧ петӧма 1999-ӧд воын.
1990-ӧд воясын водзмӧстчӧма общественнӧй да политическӧй олӧмын. Котыртӧма СССР-са народнӧй депутатпу В. Вахнинлысь бӧрйысьӧмводзвывса уджсӧ. Дас во чӧж водзмӧстчӧма «Доръям асьнымӧс» ютырын, 1993-ӧд восянь — веськӧдлысь. 1994—2000-ӧд воясын редактируйтӧма «Доръям асьнымӧс» газет. 1990 да 1994-ӧд воясын пырӧдчӧма Коми Республикаса Каналан Сӧветӧ бӧрйысьӧмъяс, 2003-ӧд воын — Сыктывкарса Сӧветӧ бӧрйысьӧмӧ.
Мукӧдыскӧд ӧтвылысь вуджӧдӧма коми кыв вылӧ морт инӧдъяс йылысь Декларация (1996), редакторалӧма да лӧсьӧдӧма «Мича ывла, коми вужвойтыр да морт инӧдъяс» небӧг (2001), «Финн, коми да роч учёнӧйяслӧн изьватас сёрнисикас туялӧм да талунъя олӧм» CD-ROM (Изьва, 2010). Гижӧма коми театрса искусство йылысь да йӧзӧдӧма «Коми театр. Свет минувшего» (Сыктывкар, 2014) небӧг.
Корсьысьӧма да йӧзӧдӧма коми гижысьяслысь, шылад тэчысьяслысь, актёръяслысь олан туй йывсьыс.
This article uses material from the Wikipedia Коми article Митюшёва Надежда Алексеевна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.