Кывбертлас
Кывбертлас – челядь фольклор жанръяс лыдӧс пырысь жанр, сьӧкыд шуаннога сёрникузяяс, кодъясӧс колӧ зільны висьтавны лӧсьыда, правильнӧя да ӧдйӧ.
Ним
Коми йӧзкостса культураын кывбертлас кыв кындзи нӧшта вӧдитчӧны кывпесан да кывбертлан терминъясӧн.
Туялӧм
Коми челядь фольклор туялысь Юрий Рочев пыртіс кывбертласъяссӧ челядь ворсана фольклорӧ. Найӧ кутӧны ыджыд велӧдан функция да эстетическӧй тӧдчанлун: сӧвмӧдӧны кыв кылӧм-гӧгӧрвоӧм, отсалӧны сёрнитысьлы сӧвмӧдны сёрнитанногсӧ. Кывбертлас текст абу уна лыда да дженьыдӧсь, пример пыдди: «Батъ кок пӧв». Кывбертласъяс кутӧны тӧдчана шмонитана элемент. Паныдасьлӧ и эротическӧй вежӧртас, коді петкӧдчӧ ӧдйӧ шуаліг: «Ен зэрӧ, Сидӧр гӧрӧ, Кузьма нянь шӧралӧ».
Уна кывбертлас лӧсьӧдісны коми гижысьяс Илля Вась, Геннадий Юшков да с.в.
Ӧшмӧсъяс
- Рочев Ю.Г. Детский фольклор коми // История коми литературы. — Сыктывкар: Коми кн. изд-во, 1980. — С. 194-224.
- Челядь сьыланкывъяс да мойдкывъяс / Лöсьöдiс Ю.Г. Рочев. — Сыктывкар: Коми кн. изд-во, 1969. — 111 л.б.
- Коми фольклор: Хрестоматия / Лӧсьӧдісны да водзкывъяссӧ дасьтісны В.В. Филиппова, Н.С. Коровина. — Сыктывкар: Коми кн. изд-во, 2002. — Л.б. 250.
This article uses material from the Wikipedia Коми article Кывбертлас, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.