Коми Александр Павлович
Шаблон:Серпасыс абу
| Коми Александр Павлович | |
| Чужан лун: | 1926-ӧд вося урасьӧм тӧлысь 24-ӧд лун |
|---|---|
| Чужанін: | |
| Кулан кад: | 1989-ӧд вося моз тӧлысь 13-ӧд лун (63 арӧс) |
| Канму: | |
| Мыйся уджыс: | гижысь |
Коми Александр Павлович (1926—1989) — коми гижысь.
Олан туй
Александр Коми чужӧма Коми (Зыряна) асвеськӧдлан обласьтысь Сыктыв районса Поёл сиктын 1926-ӧд вося урасьӧм тӧлысь 24-ӧд лунӧ. 1930-ӧд воын семьяыс вуджӧма овны Сыктывкарӧ. Медводдза классӧ велӧдчӧма 4-ӧд школаын. Помалӧма 1941-ӧд воын Сыктывкарын 1-ӧд номера школаын кӧкъямыс класс, а сэсся — мотористъяслысь куим тӧлысся курсъяс. Помалӧм бӧрас уджалӧма «Вычегодсплав» трестын 16-ӧд номера катер вылын ода-кора тӧлысьсянь 1942-ӧд вося моз тӧлысь 31-ӧд лунӧдз. Водзӧ велӧдчӧма 12-ӧд номера школаын, кӧні помалӧма 1943-ӧд воын ӧкмыс класс. Гожӧмнас кык тӧлысь уджалӧма сплавын. 1943-ӧд воын 10-ӧд классын велӧдчигӧн мӧдӧдчӧма фронт вылӧ. 1943—1948-ӧд воясӧ служитӧма Сӧветскӧй армиаын. Воӧм бӧрын велӧдчӧма ВЛКСМ-са ЦК-лӧн Шӧр школаын. Сійӧс помалӧм бӧрын уджалӧма Сыктывкарса горкомын комсомолса медводдза секретарӧн. Коми канмуса педагогика институт помалӧм бӧрын уджалӧма госбезопасносьт комитетын, а сэсся вӧлӧма Коми наука шӧринса Президиумысь веськӧдлысьлӧн отсасьысьӧн войтыркостса йитӧдъяс серти.
Кулӧма 1989 вося моз тӧлысь 13-ӧд лунӧ.
Гижан удж
Ассьыс медводдза висьтъяссӧ йӧзӧдӧма «Войвыв кодзув» журналын 1984 воын. «Зарни вӧр» повесьтын гижысь шыӧдчӧма 1930-ӧд вояслань, петкӧдлӧма, кыдзи коми кресьтяна уджалӧмаӧсь вӧр заптігӧн, вӧралӧмаӧсь да вӧдитӧмаӧсь видз-му.
Небӧгъяс
- Зарни вӧр: повесть / Ред. А.В. Тентюков; Худ. С.Г. Терещенко. — Сыктывкар: Коми книжнӧй изд-во, 1993. — 168 л.б.
Ӧшмӧсъяс
Ыстӧдъяс
This article uses material from the Wikipedia Коми article Коми Александр Павлович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.