Кириченко Евгения Ивановна (1931—2021) — архитектураса история туялысь, искусствовед, академик.
Мамыслӧн нывдырся овыс — Жакова.
Кириченко Евгения Ивановна | |
Чужан лун: | 1931-ӧд вося тӧвшӧр тӧлысь 5-ӧд лун |
---|---|
Чужанін: | |
Кулан кад: | 2021-ӧд вося сора тӧлысь 1-ӧд лун (90 арӧс) |
Куланін: | |
Канму: | |
Мыйся уджыс: | |
Ошканпасъяс да премияяс: | |
Кириченко Евгения Ивановна на Викискладе |
Евгения Кириченко чужӧма 1931-ӧд вося тӧвшӧр тӧлысь 5-ӧд лунӧ Харьковын. Батьыс — Запорожстальын уджалысь инженер-конструктор Иван Диомидович Кириченко (Сталин премия босьтысь — ферровольфрам артмӧдан метод восьтӧмысь); мамыс — врач-хирург Мария Ивановна Жакова. Челядь дырйиыс олӧма немеч оккупацияын.
Помалӧма М. В. Ломоносов нима Москва канму университетса искусствовведение юкӧн (1953), Архитектура теория и историяса Шӧр туясян институтлысь (ЦНИИТИА) аспирантура. Велӧдысьясыс — Михаил Андреевич Ильин, Пётр Николаевич Максимов, Ирина Владимировна Эрн.
1964-ӧд воын дорйӧма архитектураса кандидат ним вылӧ диссертация, темаыс — «Истории развития многоквартирного жилого дома с последней трети XVIII по начало XX в. (Москва, Петербург)».
1989-ӧд воын Архитектура теория и историяса Ставсоюзса туясян институтын (ЦНИИТИА) дорйӧма архитектураса доктор ним вылӧ диссертация, темаыс — «Проблемы развития архитектуры середины XIX — начала XX века».
Кулӧма 2021-ӧд вося сора тӧлысь 1-ӧд лунӧ.
1960-ӧд воясӧ туялӧма XVIII—XIX-ӧд нэмъясса роч архитектура история, Испания, Швейцария, Канада, Португалия, Балканса странаяс, Латина Америкаса архитектура.
Е.И. Кириченко — РААСН-са академик, Россияса канму премия босьтысь (1998), Россияса искусствоын нимӧдана уджалысь (1999). Россияса архитекторъяс котырӧ пырысь, РАХ-са Почёта пырысь.
Сылысь нимсӧ пасйӧма «Человек года» энциклопедияӧ (2004), «Who is who в России» энциклопедияӧ (Швейцария, 2006).
Йӧзӧдӧма 30 сайӧ монография да небӧг, 300 сайӧ туялан статья.
This article uses material from the Wikipedia Коми article Кириченко Евгения Ивановна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.