Вӧркань
Вӧркань (латин Lynx lynx, рочӧн Рысь) тайӧ кань рӧдысь вӧрса пемӧс
Ыджда да рӧм
Вӧркань кузь кока, пельпомъясӧдзыс 65 см. Юрыс неыджыд, гӧгрӧс, синмыс ыджыд. Пель йылыс гӧна.
Кок гыжйыс кузь да ён. Бӧжыс дженьыд, керыштӧмкодь.
Тӧвся гӧныс небыд да пашкыр. Гӧныс тшын да сім рӧма, мыш вылас да кокас бура тыдалӧ чутъяс.
Паськалӧм
Вӧркань ёнджыка паныдасьлӧ Комиын лунвыв районъясын, войвылас - гежӧдджыка.
Сёян
Вӧркань сёйӧ кӧчьясӧс, шыръяс да лэбачьясӧс.
Вӧралӧ пемыднас да войнас. Вермӧ дыр виччысьны да виччысьтӧг уськӧдчыны кыйдӧс вылас.
Рӧдмӧм
Вӧрканьлӧн лыдыс содӧ-чинӧ кӧч лыд серти.
Кырсасян кадыс - урасьӧм да рака тӧлысьясӧ. Вайӧ 2-3 каньпиӧс коркӧ ода-кора да лӧддза-номъя тӧлысьясӧ.
Медводдза воас каньпиян олӧны мамыскӧд.
Вӧрканьӧс кыйӧм
Вӧркань вылӧ вӧралӧны. Комиын шӧркодя дасьтӧны 100 гӧгӧр вӧркань ку. Медуна вӧлӧма 1940-ӧд воын - 202 ку.
Ӧшмӧс
Республика Коми: Энциклопедия: в 3-х т. Сыктывкар, 1999. Т. 2.
This article uses material from the Wikipedia Коми article Вӧркань, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.