Бӧръя Спас
Бӧръя спас — коми йӧзкостса календарын куим спас празьникысь коймӧдыс, подуласьӧ вичко празьник Успенньӧ вылӧ.
Пасйӧны моз тӧлысь 28-ӧд лунӧ.
Ним
Бӧръя спас коми йӧзкостса традицияын шуӧны сідзжӧ Успенньӧ, Ӧспӧжа лун, и с.в.
Сура празьник
Бӧръя спас — сура празьник Кулӧмдін районса Помӧсдін, Луздор районса Читаёв да Спаспоруб сиктъясын (Ягын, Кӧджын), Мӧсерпом грездын.
Помӧсдінын Успенньӧ дырйи пажунӧдз уджалӧны, а сэсся праздничайтӧны. Ӧтув сур пуӧны. Крест дорын молебен лыддьӧны. Поп керкаысь керкаӧ ветлӧдлӧ да нянь тусьяс вежӧдӧ. Поплы сетӧм ыж юр пуӧны вичко дорын да юкӧны йӧз костас.
Ыджыд Кужйын муяс гӧгӧр Енъясӧн кытшлалӧны Локтӧм бӧрас пуӧны кукань либӧ ыж яй, а сійӧс ньӧбӧм вылӧ чукӧртӧны ӧтувъя сьӧм. Ывла вылын поп яйсӧ вежӧдӧ, и ставныс сёйӧны.
Эскӧмъяс
Эскӧны, мый тайӧ празьник налӧн, коді удитӧ муяс вылысь нянь идравны. Шуӧны, мый Успенньӧ кежлӧ колӧ лук керны, Пречиста кежлӧ — картупель, Звиженньӧ кежлӧ — капуста.
Видзӧдӧй тшӧтш
Успенньӧ — Енмамлӧн кулан лун.
Ӧшмӧс
This article uses material from the Wikipedia Коми article Бӧръя спас, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.