Tripper

Usjelößd weed Tripper dörch ön Bakteriezoot, di sich Gonokokke nennt. Dörch di Övverdrachbarkeet tösche Mänsche had sich Tripper op d janze Wält vorbreit. Sö kütt mä beij Mänsche vöör, kann dobeij ävver z. B. van ön kranke Mamm op hör onjebore Kengk övverdrare wäde. Tripper vängd mo net mä beij sujenannde Risikojruppe, woronger mo beispellswiiß Prostituiirde un Lengkße vorstehd. Mo vängd di Krankheet beij all di Jruppe, di öt met wäßelnde Sexualpartnere z do had. Dat kann och ön Persun se, va dör mö öt janet erwaad. Kondome vorhindere ävver öt Övverdrare van di Erreger.

Beij dr Mann klääve di Bakterie van dr Tripper an dr Schlimm van d Harnröhr, beij d Vrau an dr Jebährmodderhals. Di Bakterie wäde zm Deel vam Liiv aavjevange un kapott jemaad, ävver zm Deel övverläve sö och un schade di Zelle, a dönö s kläve.

Beij dr Mann zeechd sich di Krankheet dörch ön Entzündung am Pimel. Eiter dröppd do öruss un vorursachd Ping. Beij önö kleene Deel van d Männer es di Krankheet net z erkänne, sö kann ävver doch va dönö övverdrare wäde. Tripper kann och dovör sorje, dat d Prostata ajejreffe weed un dä Mann kenn Kenger mi zeuje kann.

Beij d Vraue bövalle d Bakterie d Schlimmhutt van dr Jebärmodderhals. Eiter weed jebälld un da vorklävd dr Eileiter, watt dozo vühre kann, dat di Vrau kenn Kenger mi krije kann.

•  
  Jesonde Pimel
•  
  Önö dörch Tripper erkrankde Pimel
•  
  Öt Krankheetsbeld beij d Vrau

Di Bakterie könne ävver och anger Deeler van dr Liiv bevalle. Su kann di Persun Gonokokke an d Vengere ha un sich domet dörch öt Jesech riive. Di Bakterie jeroone en d Oohre un op d Hutt, wo sö sich usbreite un alles entzünde.

Tripper an d Oohre un op d Hutt sitt ösu us:

•  
  Tripper an d Oohre
•  
  Tripper op d Hutt

Wä dörch Tripper krank weed, moss no dr Doktor jo, un dä ongersöckd di Persun. Dann weed ö Antibiotikum vorschrävve. Vreuer woch dat meeßd Penicillin, ävver di Bakterie, di Tripper vorursache, hand sich döck dora jewendt un us dä Jrond mösse Kombinatiune va Antibiotika ajewandt wäde. Oppaaße moss mö, dat Mann un Vrau dat Antibiotikum kriije, sonß stäche sö sich jejendseitich wärm a.

• Övver Tripper

  Commons: Tripper – Sammlung von Bilder, Filemche un Tön op Wiki Commons