Jriffith Singe Versök

Dä brettesche Bakteerijje-Fochscho Frederick Griffith hädd_em Johr 1928 dat noh ėmm benannte weßßeschafflijje Äxpirimänt versooht, wat mer hück als Em Griffith singe Versök kennt.

Hee di Sigg_is_op Kölsch
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)

Ungesök hät hä beshtemmpte Bakteerije (mer sare och jet ůnjenou Bazzille doför)

Jriffith Singe Versök
Em Griffith singe Versök fengk et „Prenziip fůn de Transfommazjůhn“ ėn de Pneumokokke

Et woh ein fůn de eezte en singe Aat, woh bei eruß kohm, dat et müjjellėsch sin künnt, dat mansch Bakteerėjje Erbennfommazjůhne ungereijn ußtuusche künne. Dat jeiht övver ene Vörjang, dä mer de jeneetėsche Transfommazjůhn nänne deijt.

Dä Jriffith hät zwei Stämm fun Pneumokokke jebruch. Domet künne sesch Müüß aanshtekke, un dofůn könne se ok krangk wäde. Dä eine Shtamm hëijß „Typ II-R“ un es nomaal unjevääerlesch för de Müüß, dä andere nennt mer der „Typ III-S“, dä määt de Müüß för jewöönlesch krangk, un se jonn sujaa draan kappott. Dä einzėjje Ongerscheed zwesche dänne Shtämm eß, dat öm dä jefääelesche Shtamm eröm en Aat Kapsel uß polysaccharide Zocker eröm es. Wat enne_dren eß, eß einfaach ene „Typ II-R“. Dat R shteiht och för „rüh“, dat S för „Saccharid“. Die Höll uß Zocker schöz dat Bakteerijum dojääje, dat et Ėmmuhnsüsteem em Weetsdier dä Krankheijtsärrääjer fenge kann, et wėrrek wi_j_en Mask. Dröm krijje dė Müüß eets met, dat jët nit schtemmp, wann et ald ze shpääd_es. Bei de Bakteerijje „Typ II-R“, di keine so_ne Schotzscheld han, es dat anders, un se wäde fům Ėmmuhnsüsteem äkannt, opjejreffe, un nidderjeronge.

En singem Versök hät dä Griffith eetß Bekteerije us dämm Stamm „Typ III-S“ kappott jemaat. Dat jingk, indämm dat hä se esu heiß jemaat hät, dat se et nit övverlääve kůnnte. Die han dann och kei Müüß mieh krangk jemaat. Donoh hät hä de harmlose kapodde Bakteerie uß däm Stamm „Typ III-S“ met dä harmlose uß däm Stamm „Typ II-R“ jemesch, un di Meschung dä Müüß jejovve. Do sin di dann op eimohl doch fun krangk jewoode! Ovschůnn jeede för sesch dä Müüß nix aandonn kunnt, kunnte se kombineet e Weetsdier ömbränge.

Jriffith hädd_et och henkrääje, em Bloot fůn dä duude Müüß sowool läävende Bakteerije uß dämm Pneumokokke-Shtamm „Typ II-R“ ze fėnge, als och läävende Bakteerije uß dämm Shtamm „Typ III-S“. Hä trok dä Schloß doh drůß, dat et ööhnßwie müjjelesch wohr, dat fůn däm Shtamm „Typ II-R“, dä joh noch am Lääve wohr, mansche Bakteerije „ömjwandelt“ oddo „transfommeet“ woode wohre en Bakteerije uß däm jevährlejje Shtamm „Typ III-S“. Doför maat hä e „Prenziip fůn de Transfommazjůhn“ ėn de Pneumokokke uß däm kapodde Shtamm „Typ III-S“ verantwootlesch, wat op öhnß en Aat un Wihß en dä kappodde Bakteerije noch övverish sinn, un wėrreke moot.

Hück weße mer sujaa, dat dat „Prenziip fůn de Transfommazjůhn“ de DNS en däm Stamm „Typ III-S“ singe Zëllkääne wohr. Woh de Bakteerije ald fůn dä Hetz kapott jingke, hät de DNS se övverlääf, un dann han de Bakteerije uß dämm Shtamm „Typ II-R“ di DNS opjenomme. Dämm Stamm „Typ III-S“ singe DNS hät dat Jeen, ůdder de Jeene, di de Schotz-Kapsel uß Zockere opboue. Met däm Jeen en sėnge Ußshtattůng, kůnnte de förmoolijje „Typ II-R“-Bakteerije jez och esu en Kapsel opboue, un wohre domet och för em Weetsdier singe Immuhn-Affwehr jeschötz. Su han se övverlääf, un do kůnnte se dann och dat Weetsdier ömbrenge.

Dämm „Prenziip fůn de Transfommazjůhn“ sėng akkeraate Natur als DNS op_ze_zëije eß shpääder drei Fochschore em Versök fun Avery, MacLeod, un McCarty jelonge, un zweij andere han et mem Hershey un Chase ierem Versök beshtäätesch.

Loor och noh

  • de Jeneetėk

Quelle

    ußerdämm:
  1. Avery, MacLeod, un McCarty: „Studies on the Chemical Nature of the Substance Inducing Transformation of Pneumococcal Types: Induction of Transformation by a Desoxyribonucleic Acid Fraction Isolated from Pneumococcus Type III“ em „Journal of Experimental Medicine“, Band 79, Thema 1, Sigge 137–158, 1994. (Betrik sesch op däm Jriffith singe ojinaale Versök)
  2. Daniel Hartl un Elizabeth Jones: „Genetics: Analysis of Genes and Genomes, 6th edition“, Verlach Jones & Bartlett, 2005, 854 Sigge. ISBN 0-7637-1511-5.

Websigge


Jriffith Singe Versök  Hee dä Atikel eß anfänglesch översatz uß de Wikipedija op Änglish
Jriffith Singe Versök  Mieh Aatikkel övver Weßßeschaaf & Teschnigk fingßte op dä Pooz:Weßßeschaaf & Teschnigk

 

Tags:

🔥 Trending searches on Wiki Ripoarisch:

El-QaedaMoscheeKomeetRhein-Erft-KreisTripperJoohr 18627. AujußßHochdeutsche Naame (un ier kölsche Översäzzung)Joohr 1982Frida KahloJoohr 1815FrömmichDrajoneKurów1. Juuli16. DezemmberPluuto (Zwerchplaneet)Joohr 2006Joohr 44 v. Chr.BonnStenkstieewelJoohr 1922Joohr 1836Bröl21. MääzBahkauvLimburrsh (Provinß, Belljie)Catharina BrandtNeue WeltJoohr 1785DemokratieWiesbadenSunnesystemJoohr 1869RhingNeddelängHindi (Sprooch)6. OktoberSalomoneJoohr 1799Vatikan🡆 More