لَل دؠد
لَل دؠد (۱۳۲۰ - ۱۳۹۲) ( کٲشُر : /lal dʲad/ ) چھےٚ کٲشِرِ زَبٲنؠ ہٕنٛز گۄڈنٕچ تھَدِ پایٕچ شٲعِر ماننہٕ یِوان۔ أمِس چھِ لَل مٲج تہٕ لَلیشوَری تہِ وَنان۔ سۄ زایہِ سیٚم پور ناوٕ گامِس مَنٛز۔
لَل دؠد | |
|---|---|
| پیدٲیِش | ۱۳۲۰ پندرریتھن، کٔشیٖر |
| موت | ۱۳۹۲ |
| باقٕے ناو | لَلیشوَری، لَل مٲج |
| ناماوَر | وستُن، شٲعِری |
أمِس کۆرُکھ لۄکچہِ وٲنٛسہِ پَدمان پورٕ أکِس برَٛہمَن گَرَس مَنٛز خانٛدَر ۔ پَدمان پورَس چھِ از کَل پونٛپَر وَنان۔ دَپان أمِس میٛوٗل نہٕ وٲرِو گَرَس مَنٛز سۄکھ۔ ہَش ٲس تَنگ کَران۔ یوٗت تہِ کھؠن تہِ ٲسٕس نہٕ پوٗرٕ دِوان۔ کٲم ٲسٕس پوٗرٕ ہؠوان ۔
لَل دیٚدِ دِتؠ نہٕ وؠداکھ۔ تَمہِ کۆر صَبٕر۔ تَمہِ کۆر پَنہٕ نِس گۄرٕ شَبدَس تھَپھ۔ تَمہِ وۆن «گۄرَن دۆپنَم اکُے وَژُن، نیٚبرِ دۆپنَم انٛدرَ اژُن...» ۔ امہِ ژھونٛڈ سارِنٕے مُشکِلَن ہُنٛد حَل پانَس مَنٛز۔ وَق ووت أمِس گۄو پَرماتما ہَس سٟتؠ میُل۔
This article uses material from the Wikipedia कश्मीरी / كشميري article لَل دؠد, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تَمام مَواد چھُ CC BY-SA 4.0 تَحَت دٕستِیاب، اَگر کانٛہہ باقٕے اِجازَت نامہٕ چھُ نہٕ موجوٗد. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki कश्मीरी / كشميري (DUHOCTRUNGQUOC.VN) is an independent company and has no affiliation with Wiki Foundation.