Кпсс-Ни Ак
Совет Союзну Коммунист Партиясыны Ара Комитети (1917 джылны джазына дери аты — РСДРП-ни АК; 1917—1918 — РСДРП(б)-ни АК; 1918—1925 РКП(б)-ни АК; 1925—1952 БКП(б)-ни АК) — партияны джыйылыуларыны (съездлерини) арасында баш органыды.
Ара комитетни эм кёб члени 1990 джылда XXVIII-чи джыйылыуунда сайланнганды — 412 адам. Пленумлада Ара комитет — Политбюрону, Секретариатны, Оргбюрону эмда Партия контролну комиссиясын сайлагъанды (1934—1990).
Политбюро
КПСС-ни АК-ни Политбюросу партияны Пленумларыны арасында оноу джюрютген баш органы болгъанды. Дайым орган болуб РКП(б)-ни VII-чи джыйылыуундан сора башлагъанды. Эм магъаналы политикалыкъ, кърал эмда партия ичи сорууланы оноуун этгенди.
1952-1966 джыллада «КПСС-ни АК-ни Президиуму» атны джюрютгенди.
Теорияда Политбюро КПСС-ни АК-ни пленумларында сайланнганды, алай а кертиликде КПСС-ни джыйылыуундан сора сайланнганды.
Политбюрону къурамына Политбюрону членлери, политбюргъа членликге кандидатла эмда КПСС-ни АК-ни секретарлары киргендиле.
КПСС-ни АК-ни Политбюросуну членлерини саны 7-ден башлаб (1924—25) 25-ге дери болгъанды (1952—53). Политбюрону къурамында таймаздан киргенле:
- КПСС-ни Генерал секретары
- СССР-ни Министрле Советини башчысы
- СССР-ни Баш Советини башчысы
- Къоруулау эмда Тыш ишлени министрлери (1973-1990)
- Украинаны КП-ны АК-ни биринчи секретары, КПСС-ни Москва неда Ленинград шахар комитетлерини биринчи секретарлары
Хрущевну оноуу бла АК-ни Президиумуну къурамына бир-бир республикан компартияланы биринчи секретарларын къоша башлайдыла (ол адет кечирек да къалады), 1990-1991 джыллада Политбюрогъа бютеу республикан компартияланы биринчи секретарлары киреди (Эстонияда эки юлешиннген компартияны тышында).
АК-ни Секретарияты
Аннга къуру АК-ни секретарлары киргендиле. 1990 джыл Секретариятда 5 член болгъанды.
АК-ни Оргбюросу
Бу Орган 1919-1952 джыллада болгъанды, алай а Секретариатны ишин дубль этгени себебли ролу болмагъанды.
 Бу, тамамланмагъан статьяды. Сиз болушургъа боллукъсуз проектге, тюзетиб эм информация къошуб бу статьягъа. |
This article uses material from the Wikipedia Къарачай-Малкъар (Qarachay-Malqar) article КПСС-ни АК, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ичиндегиси, CC BY-SA 4.0 лицензиягъа кёре бериледи (башха белгиленмеген эсе). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Къарачай-Малкъар (Qarachay-Malqar) (DUHOCTRUNGQUOC.VN) is an independent company and has no affiliation with Wiki Foundation.