Поэзия (грек.
ποίησις — чыгъармачылыкъ, джаратыучулукъ) — сёзню къуралыууну энчи амалыды; кюнлюк тилни излеми болмагъан, сёзге къошакъ ёлчем марданы келтириудю; асламысында назму халда болгъан, суратлау чыгъармачылыкъды. Сёзню къошакъ мардасына назму бла рифма, метр э. б. саналадыла. Поэзия сёз метафоралыкъ магъанада да хайырланыучанды, кёргюзюлгенни ариулугъун, асыуулугъун белгилейди. Къатышыу болмаз ючюн илму адабиятда поэзия сёзню орнуна назмуну юсюнден айтадыла.
Бусагъатдагъы культурада поэзия деб санатны бир тюрлюсюне айтадыла, алай а бусагъат джашауубузда поэзиялыкъ алай а суратлау болмагъан кёб текст болгъанын унутмазгъа керекди (сёз ючюн реклама). Тарихде назму сыфатны текстлени къаллайы да алыргъа болгъанды. Аны магъанасы айтылгъан зат, тюз джашаудагъы сёзден айры, чертилген, магъаналы этерге излеу болгъанды.
Ритм (грек. rhythmos, rheo саркама) поэзияда назму сёзню таууш къурулушуну тизилиу джоругъуду.
Рифма (грек. ῥυθμός — келишген) — сатырланы ахырларыны тауушларыны келишиую.
Хар назму чыгъарманы назму ёлчеми болады, ол демек — таууш къурамыны къуралыууну мадары барды. Бир-бир назмуланы полиметрия бла джазадыла, назму талай тюрлю назму ёлчем бла джазылады.
Викигёзенде (Wiki Commons'да) бу категориягъа келишген медиа-файлла табарыкъсыз: Поэзия. |
This article uses material from the Wikipedia Къарачай-Малкъар (Qarachay-Malqar) article Поэзия, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ичиндегиси, CC BY-SA 4.0 лицензиягъа кёре бериледи (башха белгиленмеген эсе). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Къарачай-Малкъар (Qarachay-Malqar) (DUHOCTRUNGQUOC.VN) is an independent company and has no affiliation with Wiki Foundation.