Оруслула

Кёбюсюне Россия Федерацияда джашайдыла, алай а Белоруссия, Украина, Къазакъстан, Эстония, Латвия, Молдавия, Литва къраллада да кёб оруслу джашайды. Орус тилде сёлешедиле. Аланы, орта тарих, культура эмда этник тамырла байлайдыла.

Оруслула бусагъатда 150 миллион адам чакълы бир бардыла, аладан Россияда 115,9 миллион адам джашайды, ол, къралда джашагъан бютеу халкъны санындан, 79,8 % болады. Кёбюсюне христиан (православ, ортодокс) динни тутадыла.

Россияны тышында оруслуланы эм уллу юлюшлери Приднестровьедеди — халкъыны бютеу санындан 30,4 % чакълы бирди (2004 джыл санау).

Къалгъан алгъыннгы СССР-ни къралларында оруслуланы юлюшлери былайды:

• Латвия (29,6 %, 2000 джыл санау бла эмда 27,7 % 2009 джылгъа бичиу бла),
• Эстония (25,6 %, 2000 джыл санау),
• Къазахстан (23,7 %, 2009 джыл санау),
• Украина (17,3 %, 2001 джыл санау),
• Къыргъызстан (12,5 %, 1999 джыл санау),
• Абхазия (10,9 %, 2003 джыл санау),
• Белоруссия (8,3 %, 2009 джыл санау),
• Литва (6,3 %, 2001 джыл санау),
• Молдавия (5,9 %, 2004 джыл санау, ПМР тергелмегенлей),
• Юзбекистан (4,9 %, 2000 джылгъа),
• Тюркмения (3,5 %, 2001 джылгъа),
• Къыбыла Тегей (2,8 %),
• Азербайджан (1,8 %, 1999 джыл санау),
• Гюрджю (1,5 %, 2002 джыл санау, Абхазия бла Къыбыла Тегей тергелмегенлей),
• Таджикистан (1,1 %, 2000 джыл санау),
• Эрмен (0,5 %, 2001 джыл санау),
• Тау Къарабах (0,1 %, 2005 джыл санау).

Бу, Россияны юсюнден тамамланмагъан статьяды. Сиз болушургъа боллукъсуз проектге, тюзетиб эм информация къошуб бу статьягъа.