Адамны Хакъларыны Тамал Декларациясы
Адамны хакъларыны тамал декларациясы БМО-ну Генерал Ассамблеясыны ючюнчю сессиясында 217 А (III) резолюциясы бла къабыл этилгенди (Адамны хакъларыны юсюнден халкъла арасы пакт) (10-чу декабрь 1948 джыл).
Декларация адамны тамал хакъларын белгилейди.
Декларацияны чыгъарыуда ишлеген комитетни башчысы АБШ-дан Элеонора Рузвельт болгъанды, аны орунбасары — Къытайдан Чжан Пэнчунь. Комитетге аны тышында Адам Хакъладан Европа Сюдге артдан тамада болгъан Рене Кассен (Франция), совет посол Александр Богомолов, БМО-ну адам хакъладан бёлюмю башчысы канадачы Джон Питер Хампрей; бютеулей комитетде тогъуз адам ишлегенди.
Декларацияны къуру рекомендация статусу барды, алай а ны тамалында эки зорунлу кесаматха къол салыннганды: Граждан эмда политика хакъланы юсюнден хаклкъла арасы пакт бла Экономика, социал эмда культура хакъланы юсюнден халкъла арасы пакт. Декларацияны айры бёлюмлери, сёз ючюн зулмулукъну эмда къул тутууну джасакълау зорунлудула императив марда; бир-бир къраллада Декларация тамамы бла къабыл этмей, айры бёлгелерин этедиле.
Бу документ 150 тил чакълы бир тилге кёчюрюлгенди эмда дунияда эм кёб кёчюрюрлген документге саналады.
Элеонора Рузвельт Декларациягъа «Азатлыкъланы Уллу Хартиясы» атны бергенди, ол себебден Декларациягъа бусагъатда бир-бирде Адам хакъланы хартиясыда дейдиле.
1950 джыл БМО Адамны хакъларыны кюню байрамны къурагъанды, ол Декларация алыннган кюн байрамланады.
Декларация ючюн чёб атыу хар статьягъа айры болгъанды. 31-ден 23-ю ауаз бирлик бла къабыл этилгендиле. Сюзюуден сора 3-чю статья 2-чи бла бирлешдирилгенди. Сюзюуде эмда статья статья чёб атылыу заманда кюнбатыш къралла бла совет блокну къралларыны арасында ангылашмазлыкъла ортагъа чыкъгъандыла.
Ахыры редакциясы бла Декларация , Пале де Шайода (Париж) 1948 джылны 10-чу декабрында Бирлешген Миллетлени Организациясыны Генерал Ассамблеясыны 189-чю олтурууунда 48 кърал джанындан къабыл этилгенди. Белорус ССР, Украин ССР, СССР, Чехословакия, Польша, Югославия, КъАР эмда Сауд Арабия чёб атыудан бир джары тургъандыла.
Белгиле
Джибериуле
- Резолюция № 217 (III)
- Адамны хакъларыны декларациясы(орусча)
- Декларация къабыл этилген олтурууну стенограммасы
- БМО-ну хар джыл чыкъгъан кюнлюгюнден Декларация ючюн чёб атылыуну юсюнден чыгъарыула(ингил.)
- Декларацияны къураууну тарихи(ингил.)
 Викигёзенде (Wiki Commons'да) бу категориягъа келишген медиа-файлла табарыкъсыз: Адамны хакъларыны декларациясы. |
This article uses material from the Wikipedia Къарачай-Малкъар (Qarachay-Malqar) article Адамны хакъларыны тамал декларациясы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ичиндегиси, CC BY-SA 4.0 лицензиягъа кёре бериледи (башха белгиленмеген эсе). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Къарачай-Малкъар (Qarachay-Malqar) (DUHOCTRUNGQUOC.VN) is an independent company and has no affiliation with Wiki Foundation.