Ёзденланы Альберт
Ёзденланы Магометни джашы Альберт (1957 джыл 5 апрелде Къазахстанда туугъанды) — белгили къарачай-малкъар поэт эм джырчыды.
Биографиясы
Орта школну Хурзукда бошагъанды. Аскер къуллугъун тындыргъандан сора Первомай совхоз-техникумда окъугъанды. Бир бёлек заманны Хурзукда ишлеб, ызы бла Къарачай-Черкес кърал устазлыкъ институтда баш билим алгъанды. Педагогика илмуланы кандидатыды.
Иги кесек джылны Ёзден улу Николаевское, Чапаевское элледе культура-джарыкълыкъ ишлеге башчылыкъ этгенди. Арт джыллада Къарачай-Черкесияны Культура министерствосунда джууаблы къуллукъда ишлейди.
Ёзденланы Альберт назмула, пьесала джазгъан бла бирге кеси макъамла да чыгъарады. Атын эм алгъа кеси этген джырлары бла айтдыргъанды. Ала Къарачайда, Малкъарда, Тюркде, Америкада да джырланадыла.
Литература
Энчи китаблары
- Къачхы кечени макъамлары. Назму китабы. Нальчик, 1989.
- Тузакъ. Назмула. Махвах, 1990.
- Къара суучукъ. Назму китаб. Черкесск, 1991.
- Чолпан. Джырла, назмула. Черкесск, 1998.
- Мордамбаллары. Пьеса. Черкесск, 2000.
Джыйым китаблада
- Ышаныу. Назмула. О Сюймекликни джети джолу. Черкесск, 1995.
- Къарачай-малкъар адабиятны антологиясы. Анкара, 2002.
- Антология литературы народов Северного Кавказа. Том 1. Пятигорск, 2003.
Чыгъармачылыгъыны юсюнден
- Хубийланы О. Джашаугъа сюймеклик. О «Ленинни байрагъы», 17.10.1985.
- Байрамукъланы Х Чууакъ кёкден джерге тюшген юлюш. О «Къарачай», 28.07.1992.
Джибериуле
This article uses material from the Wikipedia Къарачай-Малкъар (Qarachay-Malqar) article Ёзденланы Альберт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ичиндегиси, CC BY-SA 4.0 лицензиягъа кёре бериледи (башха белгиленмеген эсе). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Къарачай-Малкъар (Qarachay-Malqar) (DUHOCTRUNGQUOC.VN) is an independent company and has no affiliation with Wiki Foundation.