Чочком бадьӧг (лат.
Lagopus lagopus) – курӧгчужӧмаэз артісь, таррез субфамилияись кай. Олӧ Ойвыв джыншарись тундраын да тайгаын.
Пантасьӧ и Коми му пасьта
Кайыс 35–38 см кузя; 400–700 г сьӧкта.
Мӧдік курӧгчужӧмаэз артын чочком бадьӧг янсӧтчӧ бура тыдалана сезонколасся диморфизмӧн: сылӧн рӧм вежласьӧ во кад сьӧрті.
Тӧвнас тыввес чочкомӧсь, токӧ бӧж вевдӧрас сьӧдӧсь. Коккез бура тывсялӧмӧсь.
Тулыснас, гожьясикӧ, айпӧлыслӧн юр да голя лоӧны кирпичкодь мурӧмаӧсь, мый ӧддьӧн контрастируйтӧ чочком лысьӧрнас.
Гожумнас да арнас айпӧв да иньпӧв ӧтмоза гӧрдӧв-мурӧмаӧсь нето сераӧсь, быдкодь гыэзӧн, пятнаэзӧн да виззезӧн вывтыраныс. Ӧвтчан тыввез чочкомӧсь, коккез да кынӧм – чочкӧмӧсь жӧ нето вежкодь-чочкомӧсь. Серпасыс быд кайлӧн ассяма.
Иньпӧлыс невна учӧтжык айпӧлысся, югытжык сысся да одзжык вежӧ рӧмсӧ.
Чочком бадегыслӧн лыддьӧны 22 пӧлӧс:
Lagopus lagopus scotica (ингл. Red Grouse) пӧлӧсісь кайезӧс, кӧдна олӧны Англияын да Шотладорын, одзжык лыддисӧ торья видӧн (L. scoticus).
This article uses material from the Wikipedia Перем Коми (Perem Komi) article Чочком бадьӧг, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Модік абу кӧ иньдӧм, пытшкӧссӧ позьӧ видзӧтны CC BY-SA 4.0 лицензия сьӧрті Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Перем Коми (Perem Komi) (DUHOCTRUNGQUOC.VN) is an independent company and has no affiliation with Wiki Foundation.