Ы́джыт Ко́ча (рочӧнжык Большӧ́й Ко́ча) — Перем ладорись Коми кытшын, Кӧчладор районас посад, Коча посадмулӧн веськӧтлан шӧрин.
Ыджыт Коча Большая Коча | |
Му: | Рочму |
Статус: | посад |
ладор: | Перем ладор |
район: | Кӧчладор район |
Важжык ниммез: | Нестерова |
Инлыдпассэс: | HGЯO |
Веськӧтлан кыв | роч, коми |
Отир лыд | 564 морт (2009) |
Час кытш: | UTC+5 |
Телефон нумерӧ содтӧт: | +7 34293 |
Почта инпас: | 619321 |
Авто нумерӧ содтӧт: | 59 |
Ыджыт Кочаын оліссез висьтасьöм сьöрті, вöлöма пö татісь отирлöн кöркö öксай нето пам, Коча нима. Сы ним сьöртi и пондöмась шуны деревнясö . А ыджытнас сія шусьö, мыля ордчöн Учöт Коча сулалö.
Ыджыт Кочаыс сулалӧ Кӧч посадсянь ойвыв-асыввылӧ 21 км ылынаын, Онолва ю шульга ладорын. Посад кузя котöртö Сылва шор.
Ыджыт Кочакӧт ордчӧн сулалӧ Учӧт Коча. Онолва кузя катытынжык — Маскаль грезд. Ыджыт Кочасянь рытвылас сулало Ыджыт Пальник грезд, ойвыв-асыввылас — Ӧбрамовка, лунвыв-асыввылас — Дзельгорт, лунвылас — Ош, лунвыв-рытвылас — Вежайка.
Ыджыт Коча посадын 8 туй :
Коми ним | Роч ним |
---|---|
Вапöлöн туй | ул. Набережная |
Медшöр туй | ул. Центральная |
Парк туй | ул. Парковая |
Сад туй | ул. Садовая |
Том туй | ул. Молодежная |
Тракт туй | ул. Трактовая |
Ыб туй | ул. Полевая |
Юдор туй | ул. Речная |
Отир олöмась Ыджыт Коча му вылын важынсянь. Посад шöрын Онолва шульга вадöрын археологгез адззöмась X-XIII векся дзебсянін. Шедöмась татісь сэкся морт лыэз, баситчан торрез.
Первуись Ыджыт Кочаыс йылісь кывсьöма 1579' годö, кöр роччез сійö гижöмась Нестерова. Сэк татöн олöмась пö 13 айка морт, а керкуэз сулалöмась 14-я. Öтік олісьöс шуöмась Лунег Нестеров.
1623'–1624' вося гижöтöм коста керöм гумагаэзісь адззамö ни грездыслісь öння нимсö. Сія кад кежö кольччöмась татöн оліссез токö куим керкуын, а 13-ыс вöлöмась енöвтöмöсь.
1769' годö Ыджыт Кочаö осьтöны волось, а 1801' во кежö Коча волостяс олöмась 1294 морт, кöдна вöлісö Строганов увтырись Шаховскöй графиня кипод увтын.
1858' во коста йöзöс гижöтікö грездісь лыддьöмась 580 морт лов. Быд во сэк чулöтлöмась вузасяннэз — юнь 19' лунö да август 17'-18' луннэзö.
1886' годö Ыджыт Кочаын оліссез видзöмась быдсöн 89 горт. Посадас вöлі ни асласныс приход, вичку бердын школа, кирпич керанін, вина вузалан. Отир быдтöмась нянь, кылöтöмась вöр. Август 10'-23' луннэзö лöсьöтлöмась ярманкаэз.
1907' во. Ыджыт Кочаö вептöмась пуовöй вичку. Вичкуыс сулаліс 1930' годöдз и вöлі Герасим, Питирим да Иона нима.
ХХ нэм пондöтчикö посадас вöлі инькаэз понда Иона да Серафим нима монастыр.
1926' восянь да öнöдз Ыджыт Коча öтлаын аслас посадмуöн (сэкся сельсовет, а одзза волось) пырö Кöчладор районö.
1930' октяб 25' лунö Ыджыт Кочаö лöсьöтісö «Коммунар» колхоз, кöдö 1951' март 1' лунö, и сэсся 1956' февраль 14' лунö гырисьмöтасö да шуасö медодз Маленков нимöн, а 1957' восянь нимыс лоас «Рассвет», 1959' годсянь – «Родина».
Ыджыт Кочаын вöлі сельсовет (Большекочинскöй сельсовет), öні татöн лöсьöтöмась Коча посадмулö веськöтлан. Юралісьыс — Рискова Мария Александровна
2009' годö Ыджыт Кочаын лыддисö 564 мортöс, этö унажык 2002' во сьöрті, кöр татöн гижöтчöмась 484 морт. Коми кытш аркмикö посадын олöмась 317 морт (1926' во).
Медыджыт уджаин: колхоз «Родина», кытöн уджалöны 60 морт кыным.
Эм кусöтчан депо да почта юкöт
Посадын быд во чулöтöны Быкобой.
Отирлöн мöдік гажыс — турун вежан лун.
Культура да велöтöм сьöрті уджалöны:
Важ монастырсянь кольччöма öтік керку, архитектура ладöрсянь сія öддьöн ассяма.
1970' воэзö А.С.Гантман кипод увтын коми-роч отделеннёись студенттэз öктöмась озыр материал микротопонимика сьöрті. Сідз миянöдз локтіс информация Ыджыт Коча ладорись ландшафттэз йылісь, кöдналісь ниммесö талуння отир натьтö вунöтöмась ни.
This article uses material from the Wikipedia Перем Коми (Perem Komi) article Ыджыт Коча (Кӧчладор район), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Модік абу кӧ иньдӧм, пытшкӧссӧ позьӧ видзӧтны CC BY-SA 4.0 лицензия сьӧрті Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Перем Коми (Perem Komi) (DUHOCTRUNGQUOC.VN) is an independent company and has no affiliation with Wiki Foundation.