Уква каркытш (рочӧнжык Городскӧй округ «Ухта») – веськӧтлан юкӧт Коми Республикаын, республикалӧн вит каркытшшезісь ӧтік.
Шӧрин – Уква карын. Уква карсянь Сыктывкарӧдз 325 км.
Каркытш (сэк – район) аркмӧтӧм Ухтаын май 17 лунӧ, 1939 во.
Уква каркытшыслӧн ыждаыс 13,2 сюрс км². Куйлӧ сія Коми му шӧрын. Ордчӧн сыкӧт куйлӧны: ойвылын – Чилимдін да Изьва районнэз, асыввылын – Сӧснагорт район, лунвылын Кулӧмдін да Кӧрткерӧс районнэз, рытвылын – Емва район.
Олӧны Уква каркытшын 127,1 сюрс морт (2007), ны коласісь Уква карын 103,4 сюрс морт. Роччез каркытшын 75 %, комиэз 9 % , украинса 6 %, беларуссэз 2 % , тотара 1 %.
Уква каркытш вылын юралісь Макаренко Александр Петрович (сія сідзжӧ карса сӧветын юралісь). Веськӧтланас медыджытнас лоӧ Казарцев Олег Владимирович. Веськӧтланыслӧн адрес: 169300, Уква кар, Бушуев туй, 11. Факс (82147) 631-01.
Ускар каркытшӧ пырӧны: ӧтік кар (Уква), нёль карок, кыкьямыс посёлок, ӧтік посад (Кедвавом) да нёль грезд.
Коми ним | Роч ним | Статус | Аркман кад |
---|---|---|---|
Боровӧй | Боровой | карчужӧма посёлок | 1930-40 |
Воднӧй | Водный | карчужӧма посёлок | 1929-31 |
Гажа Кут* | Веселый Кут | посёлок | ? |
Гажаяг | Гажаяг | грезд | XIX век шӧр |
Гӧрдъёль | Гэрдъёль | посёлок | 1930-40 |
Изъюр | Изъюр | посёлок | 1960-68 |
Изьвайыв | Изваиль | грезд | 1835 |
Кедвавом | Кедвавом | посад | 1763-1772 |
Кӧмдін | Кэмдин | посёлок | 1940-50 |
Лайков | Лайково | грезд | 1835 |
Первомайскӧй | Первомайский | посёлок | 1940 |
Поромӧсь | Поромес | грезд | 1763-1782 |
Сьӧдъю | Седъю | посёлок | 1940 |
Тобысь | Тобысь | посёлок | 1930-40 |
Уква | Ухта | кар | 1929 |
Улыс Доманик* | Нижний Доманик | посёлок | 1940 |
Шудаяг | Шудаяг | карчужӧма посёлок | 1976 |
Ярега | Ярега | карчужӧма посёлок | 1932 |
Коми Республика веськöтлöм могись янсалöм | ||||
---|---|---|---|---|
|
This article uses material from the Wikipedia Перем Коми (Perem Komi) article Уква каркытш, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Модік абу кӧ иньдӧм, пытшкӧссӧ позьӧ видзӧтны CC BY-SA 4.0 лицензия сьӧрті Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Перем Коми (Perem Komi) (DUHOCTRUNGQUOC.VN) is an independent company and has no affiliation with Wiki Foundation.