Удораса

Удорасалöн олан муэз куйлöны Коми Республикаись Удора районын.

Этія коми группа аркмöма ХІІІ-ХVІ нэммезö.

Медодз комиэз локтöмась Ву да Пиньöг дорö ХІІІ-ХVІ веккезö Эжва катытсянь, Мозын йылö ХVІ нэм одзза джынын Емвасянь. Ву да Пиньöг ладорын комиэз пантасьöмась рытвыв чудь отиркöт (волоксайся чудь, вепссэз), сорасьöмась ныкöт. Сысянь аркмöма ассяма коми группа Ву дорын (кытчö вуджисö овны и комиэз Пиньöгланись). Мозын йылын коми группаыс аркмöм, кöр татісь комиэз сорасьыштöмась роччезкöт да яраннэзкöт. Сійöн Мозынса мымдакö неöткодьöсь Ву комиэзкöт.

ХVІІ-ХVІІІ веккезö Ву дорсянь сэтісь коми отир локтöмась Мозын ладорö да сорасьöмась татісёвöй комиэзкöт. Лоис консолидация да, ХІХ нэм кежö удораса пöртчöмась öтласа коми субэтносö асланыс удора диалектöн.

Антропология сьöрті удораса — чочкомсаридз да асыввыв балты типаöсь. Квам да лов культураын ассяма: уна мый босьтöм роч да вепс отирлісь: öтмоза ныкöт вептöны керкуэз, серöтöны, керöны орнамент дмд. Советтэз вотöдз бура вöралöмась да чериалöмась. Паськöм да кöмкöт аскодяöсь жö.

• Белицер В.Н. Очерки по этнографии народов коми. М., 1958.
• Жеребцов Л.Н. Хозяйство и быт удорских коми в 18 — начале 20 вв. Москва, 1979.
• Коми войтыр: культура да история йылысь дженьыд серпаскывъяс. Сыктывкар, 2008. ISBN 978-963-9876-02-6.
• Коми-зыряне. Историко-этнографический справочник. Сыктывкар, 1993. ISBN 5-7555-0440-7