Торокан нето гöрд торокан (лат.
Blattella germanica) — сія геббез чукӧрись подаок.
Миян керкуэзын олöны кык пöлöс тöрöканнэз: гöрдöсь да сьöдöсь.
Торокан мортлö уна умöльсö керö. Ветлöтöны нія быдлаöт, сёйöны мый шедас, а сыбöрсянь кайöны сёян вылö, лякöсьтöны сійöс. Уна микроб тороканыс кынöмын оз кулö, и кöр сія кайö сёян вылö и пакöсьтитö сійö, сэк кольöны уна микроббезыс.
Тороканлö туша бердас, а сідз-жö и коккез бердас лякасьö уна нять и бус. Быдöс сія этійö буссö и нятьсö паськöтö быдлаö, кытчö токо оз сюр: и сёян вылö, и пызан вылö, и бекöррез вылö, а öтлаöн и кольö микроббез. Торокан вермö паськöтны сэтшöм шогöттэз: холера, туберкулёз, кынöм тиф и уна мöдік вуджан шогöттэз. Сідз-жö нія вуджöтöны и курöг-тип шогöттэз: курöг холера, курог мыт.
Торокан мампöв кольттезсö оз тэч кытчö шедас, кыдз лудык, а новйöтö сьöрас, торья кöзичкаокын. Эта кöзичкаокыс мампöвлöн быдмö бöр туша понын. Миян сійöс шуöны торокан кольтьöн. Эта колькын овлывлö 20-50 кольтьöдз. Куим недель бöрсянь мампöлыс кольтьсö чапкö. Кольк кыш потö и сы пытшкись петöны учöтик чочком личинкаэз. Нія чужöмöн сідз-жö, кыдз и ыджыт тороканнэз. Абуöсь токо борддэз. Личинкаэз сёйöны сійö-жö, мый и ыджыт тороканнэз. Быдмöны и вежöны асьсиныс кучиксö (леняйтöны).
Нёлись кучик вежöм бöрсянь личинкаэзлöн пондöны петны борддэз. Кватись кучик вежöм бöрсянь (1 ½ - 3 ½ тöлісь) лоöны ыджыт тороканнэз.
Олікас (олö 100-130 лун) мампöв вайö 3-4 кольть.
This article uses material from the Wikipedia Перем Коми (Perem Komi) article Торокан, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Модік абу кӧ иньдӧм, пытшкӧссӧ позьӧ видзӧтны CC BY-SA 4.0 лицензия сьӧрті Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Перем Коми (Perem Komi) (DUHOCTRUNGQUOC.VN) is an independent company and has no affiliation with Wiki Foundation.