Youtube

Laes hie wie v'r mit de versjillende saorte Limburgs ómgaon.

YouTube is 'n website die gebroekers 't meugelik maak videofilmkes d'rop te zètte, op te zeuke, te betrachten en te becommentariëre. d'n Inhaad varieertj van richtige filme, toet meziek, nuuts, documentaires, videoblogs, teikenfilme, humor en nag väöl mieë. Noe d'n tied is 't de grótste website op 't internet.

YouTube woort opgerich in fibberwarie 2005 door drie aaj mitwirkers van PayPal. 't Grótste versjil mitte anger videosites die 't haw in daen tied waas det alle video's automatisch woorten ómgezatj nao e gangbaar formaot, flash (.flv). Same mit 't feit det de website gratis is zörgdje daoveur det YouTube al gaw de grótste videosite van 't internet is gewore.

't Euverdeil aan video's op YouTube waere door 't vouk d'rop gezatj, mer 't guuef ouch e deil media die zelf häör eige matterjaal besjikbaar stèlle. Veur filmkes te kónne zeen hoof me zich neet te registrere, mer 't uploade van filmkes is waal behaje veur geregistreerde gebroekers. E deil video's is aafgesjurmp veure jeug en kan pas waere bekeke door geregistreerde gebroekers die ajer zeen es 18.

In november 2006 woort YouTube euvergenómme door Google, wovan 't noe 'n óngeraafdeiling is.