Twitch видеоны тікелей эфир арқылы жүргізетін, Twitch Interactive басқаруындағы, Amazon компаниясының еншілесі, видео ойынға және киберспортқа мамандандырылған қызмет.
Twitch платформасында видеоны тікелей эфирде және сұраныс бойынша көруге болады. Бұл қызмет 2011 жылы маусым айында видео ойындарды тікелей эфирде хабарлайтын Justin.tv платформасына көмекші ретінде жасалған. Видео ойындардан басқа Twitch платформасында музыка, влог тақырыбында тікелей эфир жүргізуге болады.
Twitch | |
URL | |
---|---|
Коммерциялық | Иә |
Сайттың түрі | Видеостриминг қызметі |
Тіркелу | Міндетті емес |
Тіл(дер)і | Көптілді |
Сервердің орналасқан жері | Сан-Франциско, |
Иесі | Amazon |
Ашылған уақыты | 6 маусым, 2011; 8 жыл бұрын |
Қазіргі статусы | Белсенді |
2012 жылдың ақпан айында сайт кірушілер саны 15 миллионға жетті. Кірушілердің негізін жасы 18-ден 34-ке дейінгі адамдар құрайды. 2012 жылдың қыркүйек айында сайтқа 20 миллион адам кірген, ал 2013 жылдың тамыз айында бұл сан 45 миллионға жеткен.
Twitch арқылы видео ойындар, киберспорттық жарыстар тікелей эфир арқылы өткізіледі.
Видео ойындардан басқа бұл платформада Music & Performing Arts (қаз. Музыка және шығармашылық өнер) санаты танымал. Бұл санатта арна авторлары көрермендердің сұранысы бойынша әртүрлі әндерді орындайды. Сондай-ақ Just Chatting (қаз. Жай сөйлесу) деген санатта танымал. Бұл санатта стримерлер өз көрермендерімен сөйлеседі, сұрақтарына жауап береді.
Travel & Outdoors (қаз. Саяхат және Таза ауада) деген санатты да назарсыз қалдыруға болмайды, бұл санатта авторлар көшеде жүріп тікелей эфир өткізеді.
Twitch кез келген құрылғының браузері арқылы қол жетімді. Ресми қосымшасы IOS және Android-та қол жетімді. Сондай-ақ ресми қосымшасы ДК қолданушыларына қол жетімді.
TwitchCon бұл жыл сайын Twitch-ке және оның мәдениетіне арналған құрылтай. Бұл құрылтай стримерлер өз жазылушыларымен және басқа да стримерлермен, жаңа серіктестермен, демеушілермен танысуға мүмкіндік береді. Сондай-ақ жанкүйерлер бұл құрылтайда өз сүйікті стримерлерімен жүздесуге және суретке түсуге мүмкіндік алады. Алғашқы TwitchCon 2015 жылы Сан-Франциско қаласында өтті.
TwitchCon АҚШ-тан тыс жерде алғаш рет Берлинде 2019 жылы өтті.
2020 жылы TwitchCon Амстердамда өткізіледі деп жоспарланған, бірақ коронавирус қаупінен болдырылмады.
Негізгі штаб-пәтері АҚШ-та Сан-Франциско қаласында орналасқан. Қосымша штаб-пәтерлер Амстердамда және Сингапурда орналасқан.
Ортаққорда бұған қатысты медиа файлдар бар: Category:Twitch |
This article uses material from the Wikipedia Қазақша article Twitch, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәлімет CC BY-SA 4.0 лицензиясы аясында қолжетімді (басқа шарттар көрсетілмеген жағдайда). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Қазақша (DUHOCTRUNGQUOC.VN) is an independent company and has no affiliation with Wiki Foundation.