ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ

38°54′00″N 77°2′39″W / 38.90000°N 77.04417°W / 38.90000; -77.04417

ಚಿತ್ರ:International Monetary Fund logo.svg
International Monetary Fund
IMF member states in green[೧]
IMF member states in green
ಪ್ರಧಾನ ಕಚೇರಿಅಮೇರಿಕ ಸಂಯುಕ್ತ ಸಂಸ್ಥಾನ Washington, D.C., USA
Managing DirectorDominique Strauss-Kahn
ಚಲಾವಣೆಯ ನಾಣ್ಯSpecial Drawing Rights
XDR (ISO 4217)
ಬ್ಯಾಂಕ್ ದರ3.49% for SDRs
ಜಾಲತಾಣwww.imf.org

ವಿಶ್ವಸಂಸ್ಥೆಯ ಅಂಗಸಂಸ್ಥೆಯಾದ ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಯು (IMF ) ಅಂತರರಾಷ್ಟ್ರೀಯ ಸಂಸ್ಥೆಯಾಗಿದ್ದು, ತನ್ನ ಸದಸ್ಯ ರಾಷ್ಟ್ರಗಳ ಬೃಹದಾರ್ಥಿಕ ಕಾರ್ಯನೀತಿಗಳು, ಅದರಲ್ಲಿಯೂ ಮುಖ್ಯವಾಗಿ ವಿನಿಮಯ ದರಗಳು ಹಾಗೂ ಬಾಕಿಇರುವ ಹಣಸಂದಾಯಗಳ ಮೇಲೆ ಪರಿಣಾಮ ಬೀರುವಂತಹ ಜಾಗತಿಕ ವಿತ್ತೀಯ ವ್ಯವಸ್ಥೆಯನ್ನು ನೋಡಿಕೊಳ್ಳುತ್ತದೆ. ಅಂತರರಾಷ್ಟ್ರೀಯ ವಿನಿಮಯ ದರಗಳನ್ನು ಸಬಲಗೊಳಿಸಿ ಅಭಿವೃದ್ಧಿಯನ್ನು ಮತ್ತಷ್ಟು ಸುಲಭ ಮಾಡುವ ಗುರಿಯನ್ನು ಗಮನದಲ್ಲಿ ಇಟ್ಟುಕೊಂಡು ಸ್ಥಾಪಿಸಲಾಗಿರುವ ಸಂಸ್ಥೆಯಾಗಿದೆ. ಹಲವು ಬಡ ರಾಷ್ಟಗಳಿಗೆ ಹೆಚ್ಚಿನ ಮಟ್ಟದ ಹತೋಟಿಯೊಂದಿಗೆ ಅಗತ್ಯ ಇರುವಷ್ಟು ಸಾಲವನ್ನು ನೀಡುತ್ತಿದೆ. ಇದರ ಕೇಂದ್ರ ಕಾರ್ಯಾಲಯವು ಅಮೇರಿಕ ಸಂಯುಕ್ತ ಸಂಸ್ಥಾನವಾಷಿಂಗ್ಟನ್, ಡಿ.ಸಿ.ಯಲ್ಲಿದೆ.

ಸಂಸ್ಥೆ ಹಾಗೂ ಉದ್ದೇಶ

ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ 
ವಾಷಿಂಗ್ಟನ್, D.Cಯಲ್ಲಿರುವ ಕೇಂದ್ರ ಕಾರ್ಯಾಲಯ

ವಿನಿಮಯ ದರಗಳನ್ನು ನಿಯಂತ್ರಿಸುವುದು ಹಾಗೂ ಅಂತರರಾಷ್ಟ್ರೀಯ ಸಂದಾಯ ವ್ಯವಸ್ಥೆಯ ಪುನರ್‌ನಿರ್ಮಾಣಕ್ಕೆ ಸಹಾಯ ಮಾಡುವ ಧ್ಯೇಯೋದ್ಧೇಶ ಹೊಂದಿದ ಈ ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆಯು 1944ನೇ ಇಸವಿಯ ಜುಲೈನಲ್ಲಿ ಸ್ಥಾಪನೆಯಾಗಿದ್ದು ಪ್ರಾರಂಭದಲ್ಲಿ 45 ಸದಸ್ಯರನ್ನು ಒಳಗೊಂಡಿತ್ತು. ಈ ರಾಷ್ಟ್ರಗಳು ಅಸಮತೋಲಿತ(ಕಾಂಡನ್, 2007) ಹಣಸಂದಾಯ ಸೌಲಭ್ಯದೊಂದಿಗೆ ಅಗತ್ಯ ಇರುವ ರಾಷ್ಟ್ರಗಳಿಗೆ ತಾತ್ಕಾಲಿಕವಾಗಿ ಹಣ ನೀಡುತ್ತವೆ. ವಿಶ್ವ ಆರ್ಥಿಕ ವ್ಯವಸ್ಥೆಯನ್ನು ಸಬಲಗೊಳಿಸಲು ಅನುಕೂಲವಾಗಲೆಂದು ಮೊದಲ ಬಾರಿಗೆ IMFಅನ್ನು ಸ್ಥಾಪಿಸಿದ್ದು ಪ್ರಾಮುಖ್ಯತೆ ಪಡೆಯಿತು. ತನ್ನ ಸದಸ್ಯ ರಾಷ್ಟ್ರಗಳ ಆರ್ಥಿಕತೆಯನ್ನು ಉತ್ತಮ ಸ್ಥಿತಿಗೆ ಕೊಂಡೊಯ್ಯಲು ಸಹಾಯ ಮಾಡುತ್ತಿರುವುದರಿಂದಾಗಿ ತನ್ನ ಪ್ರಾಮುಖ್ಯತೆಯನ್ನು ಈಗಲೂ IMF ಉಳಿಸಿಕೊಂಡಿದೆ. "186 ದೇಶಗಳನ್ನು (2009ನೇ ಇಸವಿಯ ಜೂನ್ 29ರಂತೆ) ಒಳಗೊಂಡಿರುವ, ಜಾಗತಿಕ ವಿತ್ತೀಯ ಸಹಕಾರವನ್ನು ಪೋಷಿಸುವತ್ತ ಕೆಲಸ ಮಾಡಿ, ಹಣಕಾಸಿನ ಸಬಲತೆಯನ್ನು ಉಳಿಸಿಕೊಂಡು, ಅಂತರರಾಷ್ಟ್ರೀಯ ವ್ಯಾಪಾರವನ್ನು ಸುಗಮಗೊಳಿಸುವುದು, ಹೆಚ್ಚಿನ ಉದ್ಯೋಗಾವಕಾಶವನ್ನು ಒದಗಿಸುವುದು ಹಾಗೂ ಉತ್ತಮ ಆರ್ಥಿಕತೆಯನ್ನು ಬೆಳೆಸುವುದು ಹಾಗೂ ಬಡತನವನ್ನು ಕಡಿಮೆ ಮಾಡುವ ಉದ್ದೇಶ ಹೊಂದಿರುವ ಒಂದು ಸಂಸ್ಥೆಯಾಗಿದೆ" ಎಂದು IMF ತನ್ನ ಉದ್ದೇಶದ ಬಗ್ಗೆ ವಿಷದಪಡಿಸುತ್ತದೆ. ತೈವಾನ್ (1980ನೇ ಇಸವಿಯಲ್ಲಿ ತೆಗೆದು ಹಾಕಲಾಯಿತು), ಉತ್ತರ ಕೊರಿಯಾ, ಕ್ಯೂಬಾ (1964ನೇ ಇಸವಿಯಲ್ಲಿ ತ್ಯಜಿಸಿದವು) ಹೊರತುಪಡಿಸಿ, ಆಂಡೊರಾ, ಮೊನಾಕೊ, ಲೈಚೆನ್ಸ್‌ಟೈನ್, ಟುವಾಲು ಹಾಗೂ ನೌರು, ಈ ಎಲ್ಲಾ UN ಸದಸ್ಯ ರಾಷ್ಟ್ರಗಳು IMFನಲ್ಲಿ ನೇರವಾಗಿ ಸ್ಪರ್ಧಿಸುತ್ತವೆ. 24-ಸದಸ್ಯರ ಕಾರ್ಯನಿರ್ವಾಹಕ ಮಂಡಳಿಯನ್ನು ಸದಸ್ಯ ರಾಷ್ಟ್ರಗಳು ಪ್ರತಿನಿಧಿಸುತ್ತಾರೆ (ಹೆಚ್ಚಿನ ಬಹುಮತ ಪಡೆದ ಐದು ಸದಸ್ಯರು ಐದು ಕಾರ್ಯನಿರ್ವಾಹಕ ನಿರ್ದೇಶಕರನ್ನು ನೇಮಕ ಮಾಡುತ್ತಾರೆ, ಇನ್ನುಳಿದ ಸದಸ್ಯರು ಹತ್ತೊಂಬತ್ತು ಕಾರ್ಯನಿರ್ವಾಹಕ ನಿರ್ದೇಶಕರನ್ನು ಆಯ್ಕೆಮಾಡುತ್ತಾರೆ), ಹಾಗೂ ಎಲ್ಲ ಸದಸ್ಯರು ಒಟ್ಟಾಗಿ IMFನ ಕಾರ್ಯಾಧಿಕಾರಿ ಮಂಡಳಿಯ ಅದ್ಯಕ್ಷರನ್ನು ಆಯ್ಕೆ ಮಾಡುತ್ತಾರೆ.

ಇತಿಹಾಸ

1944ನೇ ಇಸವಿಯ ಜುಲೈನಲ್ಲಿ ನಡೆದ ಸಂಯುಕ್ತ ರಾಷ್ಟ್ರಗಳ ಹಣಕಾಸಿನ ಹಾಗೂ ವಿತ್ತೀಯ ಸಮ್ಮೇಳನವು ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಸ್ಥಾಪನೆಗೆ ಕಾರಣವಾಯಿತು. ಯುನೈಟೆಡ್ ಸ್ಟೇಟ್ಸ್‌ನ ನ್ಯೂ ಹ್ಯಾಂಪ್‌ಷೈರ್‌ನಲ್ಲಿರುವ ಬ್ರೆಟನ್ ವುಡ್ಸ್‌ ಎಂಬ ಪ್ರದೇಶದ ಮೌಂಟ್ ವಾಷಿಂಗ್ಟನ್ ಹೊಟೇಲಿನಲ್ಲಿ 45 ಸರ್ಕಾರಗಳ ವಿವಿಧ ಪ್ರತಿನಿಧಿಗಳು ಭೇಟಿಯಾಗಿ, ಆ ಸಭೆಯಲ್ಲಿ ಪಾಲ್ಗೊಂಡಿದ್ದ ಪ್ರತಿನಿಧಿಗಳು ಒಂದು ನಿರ್ದಿಷ್ಟ ಚೌಕಟ್ಟಿನೊಳಗೆ ಅಂತರರಾಷ್ಟ್ರೀಯ ಆರ್ಥಿಕ ಸಹಕಾರ ನೀಡುವುದಾಗಿ ಒಪ್ಪಿಕೊಂಡರು. ಮೊದಲು 1945ನೇ ಇಸವಿಯ ಡಿಸೆಂಬರ್ 27ರಂದು ಪ್ರಥಮವಾಗಿ ಸೇರ್ಪಡೆಗೊಂಡ 29 ರಾಷ್ಟ್ರಗಳು ನಿಬಂಧನೆಗಳ ಒಪ್ಪಂದಕ್ಕೆ ಸಹಿ ಹಾಕಿದಾಗ IMF ವಿಧ್ಯುಕ್ತವಾಗಿ ಸ್ಥಾಪನೆಯಾಗಿತ್ತು. 1943ನೇ ಇಸವಿಯಲ್ಲಿ ಸ್ಥಾಪನೆಯಾದ IMFನ ಮೂಲ ಉದ್ದೇಶಗಳು ಇಂದಿಗೂ ಹಾಗೆಯೇ ಇವೆ (ನೋಡಿರಿ #ಸಹಾಯ ಹಾಗೂ ಸುಧಾರಣೆಗಳು. )

ಇಂದು

ಜಾಗತಿಕ ಆರ್ಥಿಕತೆಯ ಮೇಲಿನ ತನ್ನ ಪ್ರಭಾವವನ್ನು IMF ಒಂದೇ ಮಟ್ಟದಲ್ಲಿ ಏರಿಕೆ ಆಗುವಂತೆ ನೋಡಿಕೊಂಡಿದ್ದು ಮತ್ತಷ್ಟು ಹೆಚ್ಚಿನ ಸದಸ್ಯರನ್ನು ತನ್ನತ್ತ ಸೆಳೆದುಕೊಂಡಿದೆ. IMF ಸ್ಥಾಪನೆಯಾದಾಗ ಆಗ ಇದ್ದ 44 ಸದಸ್ಯ ರಾಷ್ಟ್ರಗಳ ಸಂಖ್ಯೆ ಈಗ ನಾಲ್ಕು ಪಟ್ಟು ಹೆಚ್ಚಾಗಿದ್ದು, ಅದರಲ್ಲಿಯೂ ಮುಖ್ಯವಾಗಿ ಹಲವಾರು ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳು ಹಾಗೂ ಇತ್ತೀಚೆಗಷ್ಟೇ ಪತನವಾದ ಸೋವಿಯತ್ ಬ್ಲಾಕ್‌ನ ಹಲವಾರು ರಾಷ್ಟ್ರಗಳು ರಾಜಕೀಯವಾಗಿ ಸ್ವಾತಂತ್ರ್ಯ ಗಳಿಸುವಂತೆ ಮಾಡಿದೆ. ಬದಲಾಗುತ್ತಿರುವ ವಿಶ್ವ ಆರ್ಥಿಕತೆಯ ಜೊತೆ IMFನ ಸದಸ್ಯತ್ವದ ವಿಸ್ತರಣೆಗಾಗಿ, ಉದ್ದೇಶಗಳನ್ನು ಪರಿಣಾಮಕಾರಿಯಾಗಿ ಈಡೇರಿಸಲು ಮತ್ತಷ್ಟು ಹೆಚ್ಚಿನ ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕಾಗಿದೆ. 2008ನೇ ಇಸವಿಯಲ್ಲಿ, ವರಮಾನದಲ್ಲಿ ಕುಸಿತ ಕಂಡುಬಂದದ್ದರಿಂದಾಗಿ, ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆಯ ಕಾರ್ಯನಿರ್ವಾಹಕ ಮಂಡಳಿಯು IMFನ ಮೀಸಲು ಚಿನ್ನದ ಕೆಲವು ಭಾಗವನ್ನು ಮಾರಾಟ ಮಾಡಲು ಒಪ್ಪಿಗೆ ನೀಡಿತು. 2008ನೇ ಇಸವಿಯ ಏಪ್ರಿಲ್ 7ರಂದು ಮಂಡಳಿ ತೆಗೆದುಕೊಂಡ ಈ ತೀರ್ಮಾನವನ್ನು 2008ನೇ ಇಸವಿಯ ಏಪ್ರಿಲ್ 27ರಲ್ಲಿ, IMF ವ್ಯವಸ್ಥಾಪಕ ನಿರ್ದೇಶಕ ಡೊಮಿನಿಕೆ ಸ್ಟ್ರಾಸ್ ಕಾಹ್ನ್‌ ಸ್ವಾಗತಿಸಿದ್ದು, ಇದಕ್ಕಾಗಿ ಮುಂದಿನ ಕೆಲವು ವರ್ಷಗಳ ಕಾಲ ಆದಾಯದ ಕೊರತೆಯನ್ನು ನೀಗಿಸುವ ಸಲುವಾಗಿ ಅಂದಾಜು $400 ದಶಕೋಟಿಯ ವೆಚ್ಚವನ್ನು ಕಡಿತಗೊಳಿಸುವ ಯೋಜನೆಯೊಂದನ್ನು ರೂಪಿಸಿದ್ದು ನಿಧಿ ಸಂಗ್ರಹಕ್ಕಾಗಿ ಹೊಸ ಚೌಕಟ್ಟೊಂದನ್ನು ತಯಾರಿಸಲಾಗಿದೆ. ಈ ಹಣಕಾಸು ಪತ್ರದಲ್ಲಿ $100 ದಶಲಕ್ಷವನ್ನು ಸರಿಯಾದ ರೀತಿಯಲ್ಲಿ ಉಪಯೋಗಿಸುವುದೂ ಸೇರಿದಂತೆ 2011ನೇ ಇಸವಿಯ ತನಕ 380 ಸಿಬ್ಬಂದಿಗಳನ್ನು ತೆಗೆದುಹಾಕುವುದು ಸೇರಿದೆ.2009ರ G-20 ಲಂಡನ್‌ ಸಮ್ಮೇಳನದಲ್ಲಿ ಮುಂದುವರೆಯುತ್ತಿರುವ ಜಾಗತಿಕ ಹಣಕಾಸಿನ ಬಿಕ್ಕಟ್ಟಿನ ಸಂದರ್ಭದಲ್ಲಿ ತನ್ನ ಸದಸ್ಯ ರಾಷ್ಟ್ರಗಳ ಅಗತ್ಯ ಬೇಡಿಕೆಗಳನ್ನು ಈಡೇರಿಸಲು IMFಗೆ ಮತ್ತಷ್ಟು ಹೆಚ್ಚಿನ ಹಣಕಾಸಿನ ಸಂಪನ್ಮೂಲಗಳ ಅವಶ್ಯಕತೆಯಿದೆ ಎಂಬ ತೀರ್ಮಾನವನ್ನು ಕೈಗೊಳ್ಳಲಾಯಿತು. ಈ ನಿರ್ಣಯದ ಒಂದು ಭಾಗವಾಗಿ, G-20 ನಾಯಕರು IMFನ ಸಾಲದ ಮೊತ್ತದ ನಗದನ್ನು ಹತ್ತುಪಟ್ಟು ಅಂದರೆ $500 ಶತಕೋಟಿಯಷ್ಟು ಹೆಚ್ಚಿಗೆ ಮಾಡಲು ತೀರ್ಮಾನ ಮಾಡಿದ್ದು, ವಿಶೇಷ ಹಿಂಪಡೆತ ಹಕ್ಕುಗಳನ್ನು ಬಳಸಿಕೊಂಡು ಸದಸ್ಯ ರಾಷ್ಟ್ರಗಳಿಗೆ ಮತ್ತೊಮ್ಮೆ $250 ಶತಕೋಟಿಯನ್ನು ನೀಡಲು ತೀರ್ಮಾನಿಸಿದರು.

ದತ್ತಾಂಶ ಪ್ರಸರಣ ವ್ಯವಸ್ಥೆಗಳು

ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ 
IMF ದತ್ತಾಂಶ ಪ್ರಸರಣ ವ್ಯವಸ್ಥೆಗಳಲ್ಲಿ ಭಾಗಿಯಾದವರು: [22] [23] [24] [25] [26] [27]

1995ನೇ ಇಸವಿಯಲ್ಲಿ, IMFನ ಸದಸ್ಯ ರಾಷ್ಟ್ರಗಳು ತಮ್ಮ ಆರ್ಥಿಕ ಹಾಗೂ ಹಣಕಾಸಿನ ದತ್ತಾಂಶಗಳನ್ನು ಸಾರ್ವಜನಿಕರಿಗೆ ತಿಳಿಸಲು ನಿರ್ದೇಶನ ಮಾಡುವತ್ತ ಗಮನಹರಿಸುವಂತೆ ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆಯು ದತ್ತಾಂಶ ಪ್ರಸರಣ ವ್ಯವಸ್ಥೆಯ ಮಾನದಂಡಗಳನ್ನು ರೂಪಿಸುವತ್ತ ಕಾರ್ಯ ಪ್ರವೃತ್ತವಾಯಿತು. ದಿ ಇಂಟರ್‌ನ್ಯಾಷನಲ್ ಮಾನಿಟರಿ ಅಂಡ್ ಫೈನಾನ್ಷಿಯಲ್ ಕಮಿಟಿಯು (IMFC) ಪ್ರಸರಣ ಮಾನಕಗಳ ಮಾರ್ಗದರ್ಶನ ಸೂತ್ರಗಳಿಗೆ ಅನುಮೋದನೆ ನೀಡಿದ್ದು ಅವುಗಳನ್ನು ಎರಡು ಶ್ರೇಣಿಗಳಾಗಿ ವಿಂಗಡಿಸಲಾಗಿದೆ, ಅವುಗಳೆಂದರೆ: ಸಾಮಾನ್ಯ ದತ್ತಾಂಶ ಪ್ರಸರಣ ವ್ಯವಸ್ಥೆ (GDDS) ಹಾಗೂ ವಿಶೇಷ ದತ್ತಾಂಶ ಪ್ರಸರಣ ವ್ಯವಸ್ಥಾ ಮಾನಕ (SDDS). ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಕಾರ್ಯನಿರ್ವಾಹಕ ಮಂಡಳಿಯು SDDS ಹಾಗೂ GDDSಗಳಿಗೆ 1996ನೇ ಇಸವಿ ಹಾಗೂ 1997ನೇ ಇಸವಿಯಲ್ಲಿ ಅನುಕ್ರಮವಾಗಿ ಅನುಮೋದನೆ ನೀಡಿತು ಹಾಗೂ ಸಾಕಷ್ಟು ಸುಧಾರಣೆಗಳನ್ನು ತಂದಿದ್ದು ಅವುಗಳನ್ನು ಪರಿಷ್ಕರಣೆ ಮಾಡಿ “ಗೈಡ್ ಟು ಜನರಲ್ ಡಾಟಾ ಡಿಸೆಮಿನೇಷನ್ ಸಿಸ್ಟಮ್” ಎಂಬ ಹೆಸರಿನಲ್ಲಿ ಪ್ರಕಟಿಸಲಾಯಿತು. ಈ ವ್ಯವಸ್ಥೆಯನ್ನು ಪ್ರಮುಖವಾಗಿ ದೇಶದಲ್ಲಿರುವ ಸಂಖ್ಯಾಶಾಸ್ತ್ರಜ್ಞರನ್ನು ಹಾಗೂ ಸಂಖ್ಯಾಶಾಸ್ತ್ರದ ವ್ಯವಸ್ಥೆಗಳನ್ನು ಗಮನದಲ್ಲಿ ಇರಿಸಿಕೊಂಡು ಮಾಡಲಾಗಿದೆ. ಇವುಗಳು ವಿಶ್ವ ಬ್ಯಾಂಕ್‌ ಶತಮಾನದ ಅಭಿವೃದ್ಧಿ ಕಾರ್ಯ ಯೋಜನೆ ಹಾಗೂ ಬಡತನ ಕಡಿಮೆ ಮಾಡುವ ಯೋಜನೆಗಳ ಭಾಗವೇ ಆಗಿದೆ. IMF ತನ್ನ ಸದಸ್ಯ ರಾಷ್ಟ್ರಗಳು ಅಲ್ಲಿನ ಆರ್ಥಿಕ ಹಾಗೂ ಹಣಕಾಸಿನ ದತ್ತಾಂಶಗಳನ್ನು ಸಾರ್ವಜನಿಕರಿಗೆ ಸಿಗುವಂತೆ ಮಾಡಲು ಒಂದು ವ್ಯವಸ್ಥೆಯಡಿಯಲ್ಲಿ ಸಾಗುವಂತೆ ಮಾರ್ಗದರ್ಶನಗಳನ್ನು ನೀಡಿ ಮಾನಕಗಳನ್ನು ಸ್ಥಾಪಿಸಿದೆ. ಪ್ರಸ್ತುತವಾಗಿ ಅವುಗಳಲ್ಲಿ ಎರಡು ವ್ಯವಸ್ಥೆಗಳಿವೆ: ಅಂತರರಾಷ್ಟ್ರೀಯ ಬಂಡವಾಳ ಮಾರುಕಟ್ಟೆಗಳಿಗೆ ಪ್ರವೇಶಿಸುತ್ತಿರುವ ಅಥವಾ ಈಗಾಗಲೇ ಪ್ರವೇಶಿಸಿರುವ ತನ್ನ ಸದಸ್ಯ ರಾಷ್ಟ್ರಗಳಿಗೆ ಸಾಮಾನ್ಯ ದತ್ತಾಂಶ ಪ್ರಸರಣ ವ್ಯವಸ್ಥೆ (GDDS) ಹಾಗೂ ಇದರ ಮತ್ತೊಂದು ಭಾಗವಾದ ವಿಶೇಷ ದತ್ತಾಂಶ ಪ್ರಸರಣ ವ್ಯವಸ್ಥೆ (SDDS) ಎಂಬುವೇ ಆ ಎರಡು ವ್ಯವಸ್ಥೆಗಳು. ಸದಸ್ಯ ರಾಷ್ಟ್ರಗಳು ದತ್ತಾಂಶಗಳ ಗುಣಮಟ್ಟವನ್ನು ಹಾಗೂ ಅಂಕಿಅಂಶಗಳ ಬೆಳೆಸುವ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳುವಂತೆ ಮಾಡುವ ಚೌಕಟ್ಟನ್ನು ನಿರ್ಮಿಸುವಂತೆ ಮಾಡುವುದೇ IMF ಸ್ಥಾಪಿಸಿದ GDDSನ ಮೂಲ ಉದ್ದೇಶವಾಗಿದೆ. ಇದರೊಂದಿಗೆ ಇವುಗಳಲ್ಲಿ ಪ್ರಸ್ತುತ ಇರುವ ಅಂಕಿಅಂಶಗಳ ಸಂಗ್ರಹಣಾ ವಿಧಾನಗಳು ಹಾಗೂ ಅವುಗಳನ್ನು ಸಬಲಗೊಳಿಸುವ ಯೋಜನೆಗಳನ್ನು ತಿಳಿಸುವ ಅಪರದತ್ತವನ್ನು ರೂಪಿಸುವುದೂ ಸೇರಿದೆ. ಈ ಚೌಕಟ್ಟನ್ನು ನಿರ್ಮಿಸುವ ಸಂದರ್ಭದಲ್ಲಿ, ಒಂದು ರಾಷ್ಟ್ರ ತನ್ನ ಹಣಕಾಸಿನ ಹಾಗೂ ಆರ್ಥಿಕ ದತ್ತಾಂಶಗಳ ಸಕಾಲಿಕತೆ, ಪಾರದರ್ಶಕತೆ, ವಿಶ್ವಾಸಾರ್ಹತೆ ಹಾಗೂ ಗ್ರಾಹ್ಯತೆಯಂತಹ ಪ್ರಮುಖವಾದವುಗಳನ್ನು ನಿರ್ಧರಿಸಿ ತನ್ನು ಹೆಚ್ಚಿಸಲು ಸಾಂಖ್ಯಿಕ ಮೌಲ್ಯವನ್ನು ನಿರ್ಧರಿಸುತ್ತದೆ. ಕೆಲವು ರಾಷ್ಟ್ರಗಳು ಪ್ರಾಥಮಿಕವಾಗಿ GDDSಅನ್ನು ಬಳಕೆ ಮಾಡಿದರೂ, ನಂತರದಲ್ಲಿ ಮುಂದುವರಿದಂತೆ SDDSಯನ್ನು ಬಳಸಿಕೊಳ್ಳುತ್ತಿವೆ. IMF ಸದಸ್ಯರಲ್ಲದ ಕೆಲವು ರಾಷ್ಟ್ರಗಳೂ ಸಹ ಈ ವ್ಯವಸ್ಥೆಗೆ ಅಂಕಿಅಂಶಗಳ ದತ್ತಾಂಶಗಳನ್ನು ನೀಡಿವೆ:

  • ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  Palestinian National Authority – GDDS
  • ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಹಾಂಗ್ ಕಾಂಗ್ – SDDS
  • ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  European Union ಸಂಸ್ಥೆಗಳು:
    • ಯೂರೊವಲಯದ ಯೂರೋಪಿಯನ್ ಸೆಂಟ್ರಲ್ ಬ್ಯಾಂಕ್ – SDDS
    • ಸಂಪೂರ್ಣ EUಗೆ ಯೂರೋಸ್ಟಾಟ್ – SDDS, ಇವುಗಳ ಮೂಲಕ ದತ್ತವನ್ನು ಪೂರೈಸುತ್ತವೆ ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  Cyprus (ತಾನೇ ಖುದ್ದಾಗಿ ಯಾವುದೇ DDSವ್ಯವಸ್ಥೆಯನ್ನು ಬಳಸುವುದಿಲ್ಲ) ಹಾಗೂ ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  Malta (ಸ್ವಇಚ್ಛೆಯಿಂದ ಕೇವಲ GDDSಅನ್ನು ಮಾತ್ರ ಬಳಸಲಾಗುವುದು)

ಅತಿ ಹೆಚ್ಚಿನ ಮಟ್ಟದಲ್ಲಿ ಸಾಲ ಪಡೆದಿರುವ ರಾಷ್ಟ್ರಗಳೆಂದರೆ ಮೆಕ್ಸಿಕೊ, ಹಂಗೇರಿ ಹಾಗೂ ಉಕ್ರೇನ್.

ಸದಸ್ಯತ್ವಕ್ಕೆ ಬೇಕಾದ ಅರ್ಹತೆಗಳು

ಯಾವುದೇ ರಾಷ್ಟ್ರವು IMFನ ಸದಸ್ಯತ್ವ ಕೋರಿ ಅರ್ಜಿ ಹಾಕಬಹುದಾಗಿದೆ. ಈ ಅರ್ಜಿಯನ್ನು ಮೊದಲು IMFನ ಕಾರ್ಯನಿರ್ವಾಹಕ ಮಂಡಳಿಯು ಪರಿಗಣನೆ ಮಾಡುತ್ತದೆ. ಕಾರ್ಯನಿರ್ವಾಹಕ ಮಂಡಳಿಯಿಂದ ಅರ್ಜಿ ಪರಿಗಣನೆ ಆದ ನಂತರ ಅದರ ವರದಿಯನ್ನು "ಸದಸ್ಯತ್ವ ನಿರ್ಣಯ"ಕ್ಕೆ ಶಿಫಾರಸ್ಸುಗಳನ್ನು ನೀಡುತ್ತಾ IMFನ ಅಧ್ಯಕ್ಷರ ಮಂಡಳಿಗೆ ಒಪ್ಪಿಸಲಾಗುತ್ತದೆ. ಈ ಶಿಫಾರಸ್ಸುಗಳಲ್ಲಿ IMF ಅರ್ಜಿ ಸಲ್ಲಿಸಿದ ರಾಷ್ಟ್ರಕ್ಕೆ ನೀಡಬಹುದಾದ ನಿಯತಾಂಶಗಳು, ಸೇರ್ಪಡೆಯಾಗಲು ಚಂದಾಹಣ ಸಂದಾಯದ ರೀತಿ, ಹಾಗೂ ಇನ್ನಿತರೆ ಕ್ರಮಗಳನ್ನು ಮತ್ತು ಸದಸ್ಯತ್ವದ ಕರಾರುಗಳನ್ನು ಒಳಗೊಂಡಿರುತ್ತದೆ. ಅಧ್ಯಕ್ಷ ಮಂಡಳಿಯು "ಸದಸ್ಯತ್ವ ನಿರ್ಣಯ"ವನ್ನು ಅಂಗೀಕರಿಸಿದ ನಂತರ, ಅರ್ಜಿ ಸಲ್ಲಿಸಿದ ರಾಷ್ಟ್ರವು IMFನ ಸದಸ್ಯತ್ವ ಪಡೆಯಲು ಅಗತ್ಯವಾಗಿ ಮಾಡಬೇಕಾದ IMFನ ಒಪ್ಪಂದದ ನಿಯಮಾವಳಿಗಳನ್ನು ಸಹಿಹಾಕಲು ಬೇಕಾದ ರೀತಿಯಲ್ಲಿ ತನ್ನ ಕಾನೂನುಗಳಲ್ಲಿ ಬದಲಾವಣೆಗಳನ್ನು ಅಳವಡಿಸಬೇಕಾಗುತ್ತದೆ. ಅದೇ ರೀತಿಯಲ್ಲಿ, ಅಪರೂಪದ ಸಾಧ್ಯತೆಯಾದರೂ ಯಾವುದೇ ಸದಸ್ಯ ರಾಷ್ಟ್ರವು ನಿಧಿಯಿಂದ ತನ್ನ ಪಾಲನ್ನು ಹಿಂಪಡೆಯಬಹುದಾಗಿದೆ. ಉದಾಹರಣೆಗೆ, 2007ನೇ ಇಸವಿಯ ಏಪ್ರಿಲ್‌ನಲ್ಲಿ, ಈಕ್ವೆಡಾರ್‌ನ ಅಧ್ಯಕ್ಷ ರಾಫೆಲ್ ಕರ್ರೇಯಾರವರು, ರಾಷ್ಟ್ರವು ವಿಶ್ವ ಬ್ಯಾಂಕಿನ ಪ್ರತಿನಿಧಿಯನ್ನು ತಮ್ಮ ದೇಶದಿಂದ ಹೊರಹಾಕಲಾಗಿದೆ ಎಂದು ಘೋಷಿಸಿದರು. ಅದಾದ ಕೆಲವೇ ದಿನಗಳಲ್ಲಿ, ಅಂದರೆ ಏಪ್ರಿಲ್ ತಿಂಗಳ ಅಂತ್ಯದಲ್ಲಿ, ವೆನಿಜುವೆಲಾದ ಅಧ್ಯಕ್ಷ ಹ್ಯೂಗೊ ಚವೇಜ್ ತಮ್ಮ ರಾಷ್ಟ್ರವು IMF ಹಾಗೂ ವಿಶ್ವ ಬ್ಯಾಂಕಿನ ಸದಸ್ಯತ್ವವನ್ನು ಹಿಂಪಡೆಯುತ್ತದೆ ಎಂದು ತಿಳಿಸಿದರು. ಚವೇಜ್ ಈ ಎರಡೂ ಸಂಸ್ಥೆಗಳನ್ನು “ಉತ್ತರ ದೇಶದವರ ಹಿತ ರಕ್ಷಣೆಗಾಗಿ ಮಾತ್ರ ಕಾರ್ಯ ನಿರ್ವಹಿಸುತ್ತಿರುವ ಸರ್ವಾಧಿಕಾರದ ಸಾಧನಗಳು” ಎಂದು ಬಣ್ಣಿಸಿದರು. ಹಾಗಿದ್ದರೂ 2009ನೇ ಇಸವಿಯ ಜೂನ್‌ ತಿಂಗಳ ಹೊತ್ತಿಗೆ, ಎರಡೂ ರಾಷ್ಟ್ರಗಳು ಮೇಲಿನ ಸಂಸ್ಥೆಗಳಲ್ಲಿ ಸದಸ್ಯತ್ವವನ್ನು ಉಳಿಸಿಕೊಂಡಿವೆ. ಅದರಿಂದ ಹೊರನಡೆದರೆ ರಾಷ್ಟ್ರಗಳ ನಡುವಿನ ಸಂಬಂಧಗಳು ಮತ್ತಷ್ಟು ಹಾಳಾಗಬಹುದೆಂದು ತಿಳಿದು ವೆನಿಜುವೆಲಾ ಅಲ್ಲಿಯೇ ಇರಬೇಕಾಯಿತು. IMFನಲ್ಲಿ ಸದಸ್ಯರ ಮೀಸಲು ಪ್ರಮಾಣವು, ಅದರ ಚಂದಾದಾರತ್ವ, ಮತಗಳ ಗಣನೆ, IMFನಿಂದ ಸಾಲಪಡೆಯಬಲ್ಲ ಅವಕಾಶ, ಹಾಗೂ ವಿಶೇಷ ಹಿಂಪಡೆತ ಹಕ್ಕುಗಳ (SDRಗಳು) ಮಿತಿಯನ್ನು ಸೂಚಿಸುತ್ತದೆ. ಯಾವುದೇ ಸದಸ್ಯ ರಾಷ್ಟ್ರವು ತನ್ನ ಮೀಸಲು ಪ್ರಮಾಣವನ್ನು ಏಕಪಕ್ಷೀಯವಾಗಿ ಏರಿಕೆ ಮಾಡಲು ಸಾಧ್ಯವಿಲ್ಲ—ಏರಿಕೆಗೆ ಕಾರ್ಯನಿರ್ವಾಹಕ ಮಂಡಳಿಯು ಅನುಮೋದನೆ ನೀಡಬೇಕು ಹಾಗೂ ವಿಶ್ವ ಆರ್ಥಿಕತೆಯಲ್ಲಿ ರಾಷ್ಟ್ರದ ಪಾತ್ರದಂತಹ ಕೆಲವು ಅನಿರ್ದಿಷ್ಟ ಮೌಲ್ಯಗಳು ಸೂತ್ರಗಳಿಗೆ ಹೊಂದಾಣಿಕೆಯಾಗಬೇಕು. ಉದಾಹರಣೆಗೆ, ಅತಿ ಸಣ್ಣ G7 ಆರ್ಥಿಕತೆಯ ಮಿತಿಯಲ್ಲಿ (ಕೆನಡಾ) ಇರುವ ಉದ್ದೇಶದಿಂದ 2001ನೇ ಇಸವಿಯಲ್ಲಿ, ಚೀನಾವನ್ನು ಮೀಸಲು ಪ್ರಮಾಣವನ್ನು ಏರಿಕೆ ಮಾಡದಿರುವಂತೆ ನಿಯಂತ್ರಿಸಿತು. 2005ನೇ ಇಸವಿಯ ಸೆಪ್ಟೆಂಬರ್‌ನಲ್ಲಿ, IMFನ ಸದಸ್ಯ ರಾಷ್ಟ್ರಗಳು ದೇಶಗಳು, ಚೀನಾ ಸೇರಿದಂತೆ ನಾಲ್ಕು ರಾಷ್ಟ್ರಗಳಿಗೆ ಮೀಸಲು ಪ್ರಮಾಣವನ್ನು ಹೆಚ್ಚಿಸಲು ನಡೆಸಿದ ಸಭೆಯಲ್ಲಿ ಮೊದಲ ಸುತ್ತಿನಲ್ಲಿ ಒಪ್ಪಿಗೆ ನೀಡಿದವು. 2008ನೇ ಇಸವಿಯ ಮಾರ್ಚ್ 28ರಂದು, ಮೀಸಲು ಪ್ರಮಾಣ ಹಾಗೂ ಮತಗಳ ಷೇರುಗಳನ್ನು ಮುಂದುವರಿದ ಮಾರುಕಟ್ಟೆಯಿಂದ ಹೊಸ ಮಾರುಕಟ್ಟೆಗಳಲ್ಲಿ ಹಾಗೂ ಅಭಿವೃದ್ಧಿ ಹೊಂದುತ್ತಿರುವ ದೇಶಗಳಿಗೆ ವರ್ಗಾಯಿಸಿ ಸಂಸ್ಥೆಯ ಆಡಳಿತಕ್ಕೆ ಮತ್ತಷ್ಟು ಸುಧಾರಣೆ ತರುವ ಸಲುವಾಗಿ ಸಾಕಷ್ಟು ಚರ್ಚೆ ಹಾಗೂ ಸಮಾಲೋಚನೆಗಳನ್ನು ನಡೆಸಿದ ಮೇಲೆ IMFನ ಕಾರ್ಯನಿರ್ವಾಹಕ ಮಂಡಳಿ ಪ್ರಸಕ್ತ ಅವಧಿಯನ್ನು ಮುಕ್ತಾಯಗೊಳಿಸಿತು. ಸಂಸ್ಥೆಯ ಅಧ್ಯಕ್ಷೀಯ ಮಂಡಳಿಯು ಈ ಸುಧಾರಣೆಗಳಿಗೆ 2008ನೇ ಇಸವಿಯ ಏಪ್ರಿಲ್ 28ರೊಳಗೆ ಮತ ಚಲಾವಣೆ ಮಾಡಬೇಕಾಗಿದೆ.

ಸದಸ್ಯರ' ಮೀಸಲಾತಿ ಪ್ರಮಾಣ ಹಾಗೂ ಮತಚಲಾಯಿಸುವ ಹಕ್ಕು, ಮತ್ತು ಅಧ್ಯಕ್ಷೀಯ ಮಂಡಳಿ

ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಂದರ್ಭಗಳಲ್ಲಿ 85%ನಷ್ಟು ಅಧಿಕ ಬಹುಮತ ಪಡೆಯಬೇಕಾಗುತ್ತದೆ. ಅಧಿಕ ಬಹುಮತ ಇದ್ದ ಸಂದರ್ಭದಲ್ಲಿಯೂ ಆ ನಿರ್ಣಯವನ್ನು ವಜಾ ಮಾಡುವ ಅಧಿಕಾರ ಇರುವುದು ಯುನೈಟೆಡ್ ಸ್ಟೇಟ್ಸ್‌ಗೆ ಮಾತ್ರ. ಮತಚಲಾವಣೆಯ ಹಕ್ಕಿನ (ಒಟ್ಟಾರೆ 2,216,193 ಮತಗಳು) ಆಧಾರದಲ್ಲಿ ಉನ್ನತ ಮಟ್ಟದಲ್ಲಿರುವ 20 ಸದಸ್ಯ ರಾಷ್ಟ್ರಗಳನ್ನು ಕೆಳಗೆ ಪಟ್ಟಿಮಾಡಲಾಗಿದೆ:

IMF ಸದಸ್ಯ ರಾಷ್ಟ್ರ ಪ್ರಮಾಣ: SDRಗಳು ದಶಲಕ್ಷಗಳಲ್ಲಿ ಪ್ರಮಾಣ: ಒಟ್ಟು ಮೊತ್ತದ ಶೇಕಡಾ ಅಧ್ಯಕ್ಷ ಬದಲಿ ಅಧ್ಯಕ್ಷ ಮತಗಳು: ಸಂಖ್ಯೆ ಮತಗಳು: ಒಟ್ಟು ಮೊತ್ತದ ಶೇಕಡಾ ಪ್ರಮಾಣ
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಯುನೈಟೆಡ್‌ ಸ್ಟೇಟ್ಸ್‌ 37149.3 17.09 ಟಿಮೊಥಿ F. ಗೆಥ್ನರ್ ಬೆನ್ ಬೆರ್ನಂಕ್ 371743 16.77
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಜಪಾನ್‌ 13312.8 6.12 ನಾವೊಟೊ ಕನ್ ಮಸಾಕಿ ಶಿರಕಾವ 133378 6.02
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಜರ್ಮನಿ 13008.2 5.98 ಏಕ್ಸೆಲ್‌‌ A. ವೆಬರ್ ವುಲ್ಫ್‌ಗ್ಯಾಂಗ್ ಸ್ಕೌಬಲ್/ಷಾಬಲ್‌ 130332 5.88
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಫ್ರಾನ್ಸ್‌ 10738.5 4.94 ಕ್ರಿಸ್ಟೀನ್ ಲಾಗರ್ಡ್ ಕ್ರಿಶ್ಚಿಯನ್ ನೊಯೆರ್ 107635 4.85
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಯುನೈಟೆಡ್‌ ಕಿಂಗ್‌ಡಮ್‌ 10738.5 4.94 ಅಲಿಸ್ಟೇರ್‌ ಡಾರ್ಲಿಂಗ್ ಮರ್ವಿನ್ ಕಿಂಗ್ 107635 4.85
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಚೀನಾ 8090.1 3.72 ಜೊವು ಕ್ಸಿಯಾವೊಚೌನ್ ಹು ಕ್ಸಿಯಾವೊಲಿಯನ್ 81151 3.66
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಇಟಲಿ 7055.5 3.25 ಗಿಯೊಲಿಯೊ ಟ್ರೆಮಂಥಿ ಮಾರಿಯೊ ದ್ರಾಘಿ 70805 3.2
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಸೌದಿ ಅರೇಬಿಯಾ 6985.5 3.21 ಇಬ್ರಾಹಿಂ A. ಅಲ್-ಅಸ್ಸಾಫ್ ಹಮಾದ್ ಅಲ್-ಸಯಾರಿ 70105 3.17
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಕೆನಡಾ 6369.2 2.93 ಜಿಮ್ ಫ್ಲಹೆರ್ಥಿ ಮಾರ್ಕ್ ಕಾರ್ನಿ 63942 2.89
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ರಷ್ಯಾ 5945.4 2.74 ಅಲೆಕ್ಸಿಯೆ ಕುದ್ರಿನ್ ಸೆರ್ಗೆ ಐಗ್ನಟೀವ್ 59704 2.7
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ನೆದರ್ಲೆಂಡ್ಸ್ 5162.4 2.38 ನೌಟ್ ವೆಲ್ಲಿಂಕ್ L.B.J. ವಾನ್ ಗೀಸ್ಟ್ 51874 2.34
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಬೆಲ್ಜಿಯಂ 4605.2 2.12 ಗೈ ಕ್ವಾದೆನ್ ಜೀನ್-ಪಿಯೆರ್ರೆ ಅರ್ನಾಲ್ಡಿ 46302 2.09
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಭಾರತ 4158.2 1.91 ಪ್ರಣಬ್‌ ಮುಖರ್ಜಿ ದುವ್ವುರಿ ಸುಬ್ಬರಾವ್ 41832 1.89
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಸ್ವಿಟ್ಜರ್‌ಲೆಂಡ್‌ 3458.5 1.59 ಜೀನ್-ಪಿಯೆರ್ರೆ ರೊಥ್ ಹಾನ್ಸ್-ರುಡಾಲ್ಫ್ ಮೆರ್ಜ್ 34835 1.57
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಆಸ್ಟ್ರೇಲಿಯಾ 3236.4 1.49 ವೇಯ್ನ್ ಸ್ವಾನ್ ಕೆನ್ ಹೆನ್ರಿ 32614 1.47
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಮೆಕ್ಸಿಕೊ 3152.8 1.45 ಅಗಸ್ಟಿನ್ ಕಾರ್ಸ್ಟನ್ಸ್ ಗ್ವಿಲ್ಲೆರ್ಮೊ ಆರ್ಟಿಜ್ 31778 1.43
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಸ್ಪೇನ್‌ 3048.9 1.40 ಎಲೆನಾ ಸಾಲ್ಗಾಡೊ ಮಿಗುಯೋಲ್ ಫರ್ನಾಂಡೆಜ್‌ ಆರ್ಡೊನೆಜ್ 30739 1.39
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಬ್ರೆಜಿಲ್ 3036.1 1.40 ಗುಯಿಡೊ ಮಾಂಟೆಗಾ ಹೆನ್ರಿಕ್ವಿ ಮೈರೆಲ್ಲೆಸ್ 30611 1.38
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ದಕ್ಷಿಣ ಕೊರಿಯಾ 2927.3 1.35 ಒಕ್ಯು ಕ್ವೊನ್ ಸಿಯೊಂಗ್ ಟಾಯೆ ಲೀ 29523 1.33
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ವೆನಿಜುವೆಲಾ 2659.1 1.22 ಗಸ್ಟೊನ್ ಪ್ಯಾರ್ರ ಲುಜಾರ್ಡೊ ರೋಡಿಗ್ರೊ ಕ್ಯಾಬೆಜಾ ಮೊರಲೆಸ್ 26841 1.21
ಉಳಿದ 166 ರಾಷ್ಟ್ರಗಳು 60081.4 29.14 ಅನುಕ್ರಮ ಅನುಕ್ರಮ 637067 28.78

ಸಹಾಯ ಹಾಗೂ ಸುಧಾರಣೆಗಳು

ತೀವ್ರತರದಲ್ಲಿ ಹಣಕಾಸಿನ ಹಾಗೂ ಆರ್ಥಿಕ ತೊಂದರೆಗಳನ್ನು ಅನುಭವಿಸುತ್ತಿರುವ ರಾಷ್ಟ್ರಗಳಲ್ಲಿ IMF ತನ್ನ 186 ಸದಸ್ಯ ರಾಷ್ಟ್ರಗಳಿಂದ ಸಂಗ್ರಹಿಸಿದ ನಿಧಿಯನ್ನು ಉಪಯೋಗಿಸಿಕೊಂಡು ಸಹಾಯ ಮಾಡುವುದು IMFನ ಮೂಲ ಉದ್ದೇಶವಾಗಿದೆ. ಈ ರೀತಿಯ ತೊಂದರೆಗಳಿಂದಾಗಿ ಉಳಿಕೆ ಸಂದಾಯಗಳನ್ನು ನೀಡಲು ಕಷ್ಟಪಡುತ್ತಿರುವ ಸದಸ್ಯ ರಾಷ್ಟ್ರಗಳು, ಅವು ಗಳಿಸುವ ಹಾಗೂ/ಅಥವಾ ಬೇರೆಡೆಗಳಿಂದ ಸಾಲ ಪಡೆಯಲು ಶಕ್ತವಾಗಿರುವ ಮತ್ತು ರಾಷ್ಟ್ರಗಳು ತಮ್ಮ ಪ್ರಮುಖ ಅಗತ್ಯತೆಗಳನ್ನು ಪೂರೈಸಿಕೊಳ್ಳಲು ಬೇಕಾಗಿರುವ ಸಾಮಾನು ಮತ್ತು ಸರಂಜಾಮುಗಳನ್ನು ಪಡೆಯುವ ಕಾರ್ಯಗಳಿಗೆ ತಗುಲುವ ವೆಚ್ಚಗಳು ಸೇರಿದಂತೆ ಇನ್ನಿತರ ವಿಚಾರಗಳಿಗಾಗಿ ಸಾಲವನ್ನು ಪಡೆಯಬಹುದಾಗಿದೆ. ಇದಕ್ಕೆ ಪ್ರತಿಯಾಗಿ, "ವಾಷಿಂಗ್ಟನ್ ಕನ್ಸೆನ್ಸಸ್‌"ಗಳೆಂದು ಕರೆಸಿಕೊಳ್ಳುವ ರಾಷ್ಟ್ರಗಳು ಕೆಲವು ಸುಧಾರಣಾ ಕ್ರಮಗಳನ್ನು ಅನುಷ್ಠಾನ ಮಾಡಬೇಕಾಗುತ್ತದೆ. ಸ್ಥಿರ ವಿನಿಮಯ ದರಗಳು ಕಾರ್ಯನೀತಿಗಳ ಮೂಲಕ ವಿತ್ತ, ಹಣಕಾಸು, ಹಾಗೂ ರಾಜಕೀಯ ನೀತಿಗಳಿಂದ ದುಷ್ಪರಿಣಾಮಕ್ಕೆ ಒಳಗಾಗುತ್ತಿರುವ ರಾಷ್ಟ್ರಗಳ ಪರಿಸ್ಥಿತಿಯನ್ನು ಉತ್ತಮಗೊಳಿಸಲು ಸುಧಾರಣೆಗಳು ಸಹಾಯಕವಾಗಿವೆ. ಉದಾಹರಣೆಗೆ, ಆಯವ್ಯಯದಲ್ಲಿ ತೀವ್ರತರದ ಕೊರತೆ, ತಡೆಯಿಲ್ಲದ ಹಣದುಬ್ಬರ ಕಂಡುಬಂದ ರಾಷ್ಟ್ರಗಳಲ್ಲಿ ಬೆಲೆಗಳ ಮೇಲೆ ಅತಿಯಾದ ನಿಯಂತ್ರಣ, ಹಾಗೂ ಹಣದ ಅಧಿಕ ಮೌಲ್ಯೀಕರಣ ಅಥವಾ ಅಪಮೌಲ್ಯೀಕರಣಗಳು ಬಾಕಿ ಸಂದಾಯವನ್ನು ಹೆಚ್ಚಾಗುವಂತೆ ಮಾಡುತ್ತದೆ. ಇದರಿಂದಾಗಿ, IMF ನಿಜವಾಗಿಯೂ ಹಣಕಾಸಿನ ಅಪಾಯಗಳಿಂದ ಪಾರಾಗುವುದಕ್ಕೆ ಸಹಾಯ ಮಾಡಬೇಕೆ ಹೊರತು ಅಜಾಗರೂಕತೆಯಿಂದ ನಿಧಿಯ ಹಣವನ್ನು ಹಂಚುವುದರ ಬದಲಿಗೆ ಹಣಕಾಸಿನ ಅಪಾಯಗಳನ್ನು ತಡೆಯುವಲ್ಲಿ ಉತ್ತಮ ಹೊಂದಾಣಿಕೆಯ ಕ್ರಮಗಳನ್ನು ಕೈಗೊಂಡು ಕಾರ್ಯಕ್ರಮಗಳನ್ನು ರೂಪಿಸಬೇಕು.

ಸೇನಾ ಸರ್ವಾಧಿಕಾರತ್ವಗಳಿಗೆ IMF/ವಿಶ್ವ ಬ್ಯಾಂಕ್‌ ನೀಡಿದ ಬೆಂಬಲಗಳು

IMF ಕಾರ್ಯನೀತಿ ರೂಪಿಸುವವರು, ಅಮೇರಿಕಾ ಹಾಗೂ ಐರೋಪ್ಯ ಸಂಸ್ಥೆಗಳೊಂದಿಗೆ ಸ್ನೇಹ ಹೊಂದಿರುವ ಸೇನಾ ಸರ್ವಾಧಿಕಾರತ್ವಗಳಿಗೆ ಬೆಂಬಲ ನೀಡುತ್ತಿರುವುದರಿಂದ ಶೀತಲ ಸಮರದ ನಂತರ ಬ್ರೆಟನ್ ವುಡ್ಸ್‌ ಸಂಸ್ಥೆಗಳ ಪಾತ್ರ ವಿವಾದಾತ್ಮಕವಾಗಿದೆ ಎಂದೇ ಹೇಳಬಹುದು. ಪ್ರಜಾಪ್ರಭುತ್ವದ, ಮಾನವ ಹಕ್ಕುಗಳು, ಹಾಗೂ ಕಾರ್ಮಿಕ ಹಕ್ಕುಗಳನ್ನು IMF ಸಾಮಾನ್ಯವಾಗಿ ಉದಾಸೀನತೆ ಅಥವಾ ಶತ್ರುತ್ವದಿಂದ ಕಾಣುತ್ತದೆ ಎಂದು ಹೇಳಲಾಗಿದೆ. ಈ ವಿವಾದವು ಜಾಗತೀಕರಣ-ವಿರೋಧಿ ಚಳವಳಿಗೆ ಸಹಕಾರ ನೀಡಿದೆ. ಪ್ರಜಾಪ್ರಭುತ್ವವದಲ್ಲಿ ಆರ್ಥಿಕ ಸ್ಥಿರತೆ ಎನ್ನುವುದು ಪೂರ್ವಗಾಮಿ ಆಗಿರುತ್ತದೆ ಎಂದು ಕೆಲವರು IMFನ ಪರವಾಗಿ ವಾದ ಮಂಡಿಸುತ್ತಾರೆ; ಹಾಗಿದ್ದರೂ, IMFನಿಂದ ಸಾಲ ಪಡೆದ ನಂತರ ಕುಸಿದಿರುವ ಹಲವಾರು ಪ್ರಜಾಪ್ರಭುತ್ವ ರಾಷ್ಟ್ರಗಳ ಉದಾಹರಣೆಗಳಿವೆ. ಪ್ರಜಾಪ್ರಭುತ್ವದ ಅಡಿಯಲ್ಲಿ-ಚುನಾಯಿತವಾದ ಸರ್ಕಾರಗಳಿದ್ದಾಗ ಸಾಲನೀಡುವುದಕ್ಕೆ ತಿರಸ್ಕರಿಸಿದ್ದ IMF ಹಾಗೂ ವಿಶ್ವ ಬ್ಯಾಂಕುಗಳು, 1960ನೇ ಇಸವಿಯಲ್ಲಿ ಬ್ರೆಜಿಲ್‌ ದೇಶದಲ್ಲಿ ಸರ್ವಾಧಿಕಾರಿ ಕಾಸ್ಟೆಲ್ಲೊ ಬ್ರಾಂಕೊರವರು ಮಿಲಿಟರಿ ಆಡಳಿತವನ್ನು ತಂದ ನಂತರ ಹತ್ತು ಹಲವು ದಶಲಕ್ಷ ಡಾಲರ್‌ಗಳಷ್ಟು ಸಾಲವನ್ನು ನೀಡಲಾಯಿತು.ಸೇನಾ ಸರ್ವಾಧಿಕಾರತ್ವಕ್ಕೆ ಒಳಪಟ್ಟಿದ್ದ ಅಥವಾ ಈಗಲೂ ಒಳಪಟ್ಟಿದ್ದು IMF/ವಿಶ್ವ ಬ್ಯಾಂಕ್‌ಗೆ (ಹಲವಾರು ಮೂಲಗಳಿಂದ ಲಭ್ಯವಾಗಿದ್ದ ಬೆಂಬಲವನ್ನು $ಶತಕೋಟಿಗಳಲ್ಲಿ ನೀಡಲಾಗಿದೆ) ಸದಸ್ಯರಾಗಿರುವ ರಾಷ್ಟ್ರಗಳು :

IMF/ವಿಶ್ವ ಬ್ಯಾಂಕಿನ ಸಹಾಯ ಪಡೆದ ರಾಷ್ಟ್ರ ಸರ್ವಾಧಿಕಾರತ್ವ ಚಾಲನೆಗೆ ಬಂದ ವರ್ಷ ಅಂತ್ಯಗೊಂಡ ವರ್ಷ ಸರ್ವಾಧಿಕಾರತ್ವ ಆರಂಭವಾದಾಗ ಸಾಲದ %[clarification needed] ಪ್ರಮಾಣ ಸರ್ವಾಧಿಕಾರಿತ್ವ ಕೊನೆಗೊಳ್ಳುವ ವೇಳೆಗೆ ಸಾಲದ % ಪ್ರಮಾಣ 1996ನೇ ಇಸವಿಯಲ್ಲಿ ರಾಷ್ಟ್ರದ ಸಾಲ ಸರ್ವಾಧಿಕಾರಿ ಆಳ್ವಿಕೆಯಲ್ಲಿ ಉತ್ಪಾದನೆಯಾದ ಸಾಲದ ಮೊತ್ತ $ ಶತಕೋಟಿ ಒಟ್ಟಾರೆ ಸಾಲದ ಮೊತ್ತದಲ್ಲಿ ಸರ್ವಾಧಿಕಾರಿ ಆಳ್ವಿಕೆಯಲ್ಲಿ ಉತ್ಪಾದನೆಯಾದ ಸಾಲದ %
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಅರ್ಜೆಂಟೈನಾ ಸೇನಾ ಸರ್ವಾಧಿಕಾರತ್ವ 1976 1983 9.3 48.9 93.8 39.6 42%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಬೊಲಿವಿಯಾ ಸೇನಾ ಸರ್ವಾಧಿಕಾರತ್ವ 1962 1980 0 2.7 (5.2%) 2.7 52%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಬ್ರೆಜಿಲ್ ಸೇನಾ ಸರ್ವಾಧಿಕಾರತ್ವ 1964 1985 1-5 105.1 179 100 56%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಚಿಲಿ Auಆಗಸ್ಟೊ ಪಿಂನೊಚೆ/ಷೆಟ್ 1973 1989 (5.2%) 18 27.4 12.8 47%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಎಲ್ ಸಾಲ್ವಡಾರ್ ಸೇನಾ ಸರ್ವಾಧಿಕಾರತ್ವ 1979 (1994). 0.9 2-2 2-2 1-3 59%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಇಥಿಯೋಪಿಯಾ ಮೆಂಗಿಸ್ತು ಹೈಲೆ ಮಾರಿಅಮ್ 1977 1991 0.5 4.2 10 3.7 37%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಹೈಟಿ ಜೀನ್-ಕ್ಲಾಡ್ ದುವಾಲಿಯರ್ 1971 1986 0 0.7 0.9 0.7 78%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಇಂಡೋನೇಷಿಯಾ ಸುಹಾರ್ತೊ 1967 1998 129 129 126 98%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಕೀನ್ಯಾ ಮೋಯಿ 1979 2002 2.7 6.9 6.9 4.2 61%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಲೈಬೀರಿಯಾ ಡೊಯೆ 1979 1990 0.6 1.9 2.1% 1-3 62%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಮಾಳವಿ ಬಾಂದಾ 1964 (1994). 1.0% 2 2.3 1.9 83%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ನೈಜೀರಿಯಾ ಬುಹಾರಿ/ಬಬಂಗಿದಾ/ಅಬಚಾ 1984 1998 17.8 31.4 31.4 13.6 43%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಪಾಕಿಸ್ತಾನ ಜಿಯಾ-ಉಲ್ ಹಕ್ 1977 1988 7.6 17
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಪಾಕಿಸ್ತಾನ ಪರ್ವೇಜ್ ಮುಷರ್ರಫ್ 1999 2008
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಪೆರುಗ್ವೆ/ಪರಾಗುವಾ ಸ್ಟ್ರೋಎಸ್ನರ್ 1954 1989 0.1 2.4 2.1% 2.3 96%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಫಿಲಿಪ್ಪೀನ್ಸ್‌ ಮಾರ್ಕೋಸ್ 1965 1986 1.5 28.3 41.2 26.8 65%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಸೊಮಾಲಿಯ ಸೈಯದ್ ಬರ್ರೆ 1969 1991 0 2.4 2.6 2.4 92%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ದಕ್ಷಿಣ ಆಫ್ರಿಕಾ ವಣ೯ಭೇದ ನೀತಿ 1948 1992 18.7 23.6 18.7 79%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಸೂಡಾನ್ ನಿಮೈರಿ/ಅಲ್-ಮಹ್‌ದಿ 1969 ಇಂದಿನವರೆಗೆ 0.3 17 17 16.7 98%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಸಿರಿಯಾ ಅಸ್ಸಾದ್ 1970 ಇಂದಿನವರೆಗೆ 0.2 21.4 21.4 21.2 99%
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ  ಥೈಲೆಂಡ್‌ ಸೇನಾ ಸರ್ವಾಧಿಕಾರತ್ವ 1950 1983 0 13.9 90.8 13.9 15
ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಜೈರೆ/ಕಾಂಗೊ ಗಣರಾಜ್ಯ ಮೊಬುಟು 1965 1997 0.3 12.8 12.8 12.5 98%

ಟಿಪ್ಪಣಿಗಳು: ಸರ್ವಾಧಿಕಾರಿತ್ವ ಕಾಲದಲ್ಲಿ ಸಾಲ ಪಡೆದುಕೊಂಡವರು; 1970ನೇ ಇಸವಿಯಲ್ಲಿ ವಿಶ್ವ ಬ್ಯಾಂಕ್‌ ಪ್ರಕಟಿಸಿದ ಪಟ್ಟಿ. ಸರ್ವಾಧಿಕಾರಿತ್ವ ಕೊನೆಗೊಳ್ಳುವ ವೇಳೆಗೆ ಸಾಲದ ಮೊತ್ತ (ಅಥವಾ 1996ನೇ ಇಸವಿಯ ಹೊತ್ತಿಗೆ, ಇತ್ತೀಚೆಗೆ ಪಡೆದ ವಿಶ್ವ ಬ್ಯಾಂಕ್‌ ದತ್ತಾಂಶ).

ಟೀಕೆಗಳು

"The interests of the IMF represent the big international interests that seem to be established and concentrated in Wall Street."

— Che Guevara, Marxist revolutionary, 1959

ರಚನಾತ್ಮಕವಾಗಿ ಹೊಂದಾಣಿಕೆ ಮಾಡಿಕೊಂಡಿರುವ ಕಾರ್ಯಕ್ರಮಗಳೂ (SAP) ಸೇರಿದಂತೆ ಅವರು ಮಾಡುವ ಧನಸಹಾಯ "ನಿಯಮಾಧೀನತೆಗಳು" ಎನ್ನುವುದಕ್ಕೆ ಒಳಪಟ್ಟಿದೆ ಎಂದು ಆರ್ಥಿಕ ತಜ್ಞರು ಎರಡು ರೀತಿಯ ಟೀಕೆಗಳನ್ನು ಮಾಡಿದರು. ಈ ನಿಯಮಾಧೀನತೆಗಳು (ಸಾಲಪಡೆಯಲು IMFನಲ್ಲಿ ಕೆಲವು ನಿಯಮಾವಳಿಗಳನ್ನು ಮಾಡಲಾಗಿದ್ದು, ಆರ್ಥಿಕ ನಿರ್ವಹಣಾ ಗುರಿಗಳನ್ನು ಸ್ಥಾಪಿಸಲಾಗಿದೆ) ಸಾಮಾಜಿಕ ಸಬಲತೆಯನ್ನು ಕುಂಠಿತಗೊಳಿಸುತ್ತದೆ ಎಂದು ಹೇಳಲಾಗಿದ್ದು IMFನ ಘೋಷಿತ ಉದ್ದೇಶಗಳನ್ನು ತಡೆಹಿಡಿಯುತ್ತದೆ ಹಾಗೂ ಇತ್ತ ರಚನಾತ್ಮಕವಾಗಿ ಹೊಂದಾಣಿಕೆ ಮಾಡಿಕೊಂಡಿರುವ ಕಾರ್ಯಕ್ರಮಗಳು ಸಾಲ ಸ್ವೀಕರಿಸುವ ದೇಶಗಳಲ್ಲಿ ಬಡತನ ಹೆಚ್ಚಾಗುವಂತೆ ಮಾಡುತ್ತದೆ. SAPನಲ್ಲಿ ಪ್ರಮುಖವಾದ ಒಂದು ನಿಯಮವು ತೊಂದರೆಗೊಳಗಾದ ದೇಶಗಳ ಸರ್ಕಾರಗಳು ತನ್ನಲ್ಲಿರುವ ರಾಷ್ಟ್ರೀಯ ಸಂಪತ್ತನ್ನು ಮಾರಾಟ ಮಾಡುವಂತೆ ಮಾಡುತ್ತದೆ, ಇದು ಸಾಧಾರಣವಾಗಿ ಪಾಶ್ಚಿಮಾತ್ಯ ಸಂಸ್ಥೆಗಳಿಗೆ ಮಾರುವುದಾಗಿರುತ್ತದಲ್ಲದೇ ಅತ್ಯಂತ ಹೆಚ್ಚಿನ ರಿಯಾಯಿತಿ ಬೆಲೆಯಲ್ಲಿ ಅವುಗಳನ್ನು ನೀಡಬೇಕಾಗಿರುತ್ತದೆ.[ಸೂಕ್ತ ಉಲ್ಲೇಖನ ಬೇಕು] ರಾಷ್ಟ್ರೀಯ ಆರ್ಥಿಕತೆ ಕುಸಿದಿರುವ ಸಂದರ್ಭಗಳಲ್ಲಿಯೂ ಹೆಚ್ಚು ತೆರಿಗೆಯನ್ನು ವಿಧಿಸುವುದು ಸರ್ಕಾರ ತನ್ನ ಆದಾಯವನ್ನು ಗಳಿಸಲು ಹಾಗೂ ಆಯವ್ಯಯದ ಕೊರತೆಗಳನ್ನು ನೀಗಿಸಲು IMF ಕೆಲವುಬಾರಿ "ಕಠಿಣ ಕಾರ್ಯಕ್ರಮಗಳನ್ನು" ಬಳಸಿಕೊಳ್ಳುವಂತೆ ಸೂಚಿಸುತ್ತದೆ. ರಾಷ್ಟ್ರಗಳಿಗೆ ಸಾಂಸ್ಥಿಕ ತೆರಿಗೆಯನ್ನು ಕಡಿಮೆ ಮಾಡಿಕೊಳ್ಳುವಂತೆ ಸೂಚಿಸಲಾಗುತ್ತದೆ. ಮಾಜಿ ಪ್ರಮುಖ ಆರ್ಥಿಕ ತಜ್ಞ ಹಾಗೂ ವಿಶ್ವ ಬ್ಯಾಂಕಿನ ಹಿರಿಯ ಉಪಾಧ್ಯಕ್ಷರಾದ ಜೋಸೆಫ್ E. ಸ್ಟಿಗ್ಲಿಟ್ಜ್, ತಮ್ಮ ಗ್ಲೋಬಲೈಜೇಷನ್ ಅಂಡ್ ಇಟ್ಸ್ ಡಿಸ್‌ಕಂಟೆಂಟ್ಸ್‌ ಎಂಬ ಪುಸ್ತಕದಲ್ಲಿ ಈ ಕಾರ್ಯನೀತಿಗಳನ್ನು ಟೀಕೆಮಾಡಿದ್ದಾರೆ. ಆರ್ಥಿಕ ವ್ಯವಸ್ಥೆಯನ್ನು ಬದಲಾಯಿಸಬೇಕಾಗಿದ್ದು ಕೆಲವು ರಾಷ್ಟ್ರಗಳು ನಿಧಿಯನ್ನು ಕೆನ್ಸೀಯನ್ ಮೌಲ್ಯ ವರ್ಧನೆಗೆ ಬಳಕೆ ಮಾಡುತ್ತದೆ, ಇದರಿಂದಾಗಿ IMF "ಯಾವುದೇ ಹಾನಿಕಾರಕ ಕಾರ್ಯಗಳಲ್ಲಿ ಪಾಲ್ಗೊಳ್ಳುವುದಿಲ್ಲ, ಆದರೆ ಅದು ಪಾಶ್ಚಿಮಾತ್ಯ ಹಣಕಾಸಿನ ಸಮುದಾಯದ ಪರ ಮಾರ್ಗಗಳನ್ನು ಪ್ರತಿಬಿಂಬಿಸುತ್ತದೆ" ಎಂದು ಅವರು ವಾದಿಸುತ್ತಾರೆ. ಬ್ರೆಟನ್ ವುಡ್ಸ್‌ ಸಂಸ್ಥೆಗಳ ಕೋರಿಕೆಯ ಮೇರೆಗೆ ಕಾರ್ಯನೀತಿ ಪ್ರಸ್ತಾಪಗಳನ್ನು ಸರಿಯಾದ ರೀತಿಯಲ್ಲಿ ಮಾಡಿ IMFನಿಂದ ಮಾದರಿ ರಾಷ್ಟ್ರವೆಂದು ಕರೆಸಿಕೊಂಡಿದ್ದ ಅರ್ಜೆಂಟೈನಾದ ಆರ್ಥಿಕ ಸ್ಥಿತಿ 2001ನೇ ಇಸವಿಯಲ್ಲಿ ಹಠಾತ್ತನೆ ಕುಸಿಯಿತು, IMF- ಅದರ ಆಯವ್ಯಯದ ಮೇಲೆ ಹೇರಿದ ನಿಬಂಧನೆಗಳು ಸರ್ಕಾರ ತನ್ನ ರಾಷ್ಟದ ಮೂಲಭೂತ ವ್ಯವಸ್ಥೆಯನ್ನು ಸರಿಪಡಿಸುವ ಸಾಮರ್ಥ್ಯವನ್ನು ಹಾಳುಮಾಡಿದಷ್ಟೇ ಅಲ್ಲದೆ ಆರೋಗ್ಯ, ಶಿಕ್ಷಣ ಹಾಗೂ ರಕ್ಷಣಾ ಇಲಾಖೆಯಷ್ಟೇ ಅಲ್ಲದೆ ದೇಶದ ಕೆಲವು ಸಂಪನ್ಮೂಲಗಳನ್ನು ಖಾಸಗೀಕರಣಗೊಳಿಸುವಂತೆ ಮಾಡಿತು ಎಂದು ನಂಬಲಾಗಿದೆ. ಅರ್ಜೆಂಟೈನಾದ ಹಣಕಾಸಿನ ಸಂಯುಕ್ತತೆಯನ್ನು ಸರಿಯಾದ ರೀತಿಯಲ್ಲಿ ರೂಪಿಸದೇ ಇರುವುದು ಈ ಹಣಕಾಸಿನ ಬಿಕ್ಕಟ್ಟಿಗೆ ಕಾರಣವಾಗಿದ್ದು, ಇದರಿಂದಾಗಿ ಖರ್ಚು ಮತ್ತಷ್ಟು ಹೆಚ್ಚಾಯಿತು ಎಂದು ಇತರರು ಹೇಳುತ್ತಾರೆ. ಈ ಬಿಕ್ಕಟ್ಟಿನಿಂದಾಗಿ ಅರ್ಜೆಂಟೈನಾ ಹಾಗೂ ದಕ್ಷಿಣ ಅಮೆರಿಕಾದ ಇತರೆ ದೇಶಗಳಲ್ಲಿ ಈ ಸಂಸ್ಥೆಯನ್ನು ಹೆಚ್ಚಾಗಿ ದ್ವೇಷಿಸತೊಡಗಿದ್ದು, ಅಲ್ಲಿನ ಆರ್ಥಿಕ ಬಿಕಟ್ಟಿಗೆ IMF ಅನ್ನು ದೂಷಿಸಲಾಯಿತು. ಪ್ರಸ್ತುತ — ಅಂದರೆ 2006ನೇ ಇಸವಿಯ ಹೊತ್ತಿಗೆ— ಬಿಕ್ಕಟ್ಟಿನಿಂದ ಪಾರಾಗಲು ಆ ಪ್ರದೇಶದಲ್ಲಿ ಸರ್ಕಾರಗಳು ಕೊಂಚ ಮಟ್ಟಿಗೆ ಎಡ ಪಂಥೀಯರತ್ತ ವಾಲಿದ್ದು ದೊಡ್ಡ ಪ್ರಮಾಣದ ವ್ಯಾಪಾರಗಳಿಂದ ಸ್ವತಂತ್ರಗೊಂಡು ಸ್ಥಳೀಯ ಆರ್ಥಿಕ ಕಾರ್ಯನೀತಿಗಳನ್ನು ಅಭಿವೃದ್ದಿ ಪಡಿಸಿದರು. IMFನ ರಚನಾತ್ಮಕ ಹೊಂದಾಣಿಕೆ ಕಾರ್ಯಕ್ರಮಗಳಿಂದ ಕೀನ್ಯಾದಲ್ಲಿ ಕೂಡ ಇಂತಹುದೇ ಸಮಸ್ಯೆ ಎದುರಾಗಿರುವುದು ಮತ್ತೊಂದು ಉದಾಹರಣೆಯಾಗಿದೆ. IMF ಈ ರಾಷ್ಟ್ರಕ್ಕೆ ಪ್ರವೇಶಿಸುವುದಕ್ಕಿಂತ ಮುಂಚೆ, ಕೀನ್ಯಾದ ಸೆಂಟ್ರಲ್ ಬ್ಯಾಂಕು ರಾಷ್ಟ್ರದಲ್ಲಿ ಚಲಾವಣೆಯಲ್ಲಿರುವ ಹಣದ ಮೇಲೆ ನಿಯಂತ್ರಣ ಹೊಂದಿತ್ತು. IMF ಕೀನ್ಯಾದ ಸೆಂಟ್ರಲ್ ಬ್ಯಾಂಕು ಹಣದ ಸುಲಭ ಚಲಾವಣೆಗೆ ಅನುಕೂಲ ಮಾಡಿಕೊಡಬೇಕು ಎಂಬ ಆದೇಶ ನೀಡಿತು. ಹಾಗಿದ್ದರೂ, ಅದು ಮಾಡಿಕೊಂಡ ಕೊಂಚ ಮಟ್ಟಿಗಿನ ಬದಲಾವಣೆ ಕಮಲೇಶ್ ಮನುಸುಕ್‌ಲಾಲ್ ದಂಜಿ ಪತ್ನಿಯವರನ್ನು ತನ್ನತ್ತ ಆಕರ್ಷಿಸುವಲ್ಲಿ ಸಫಲವಾಯಿತೇ ಹೊರತು ವಿದೇಶಿ ಬಂಡವಾಳವನ್ನು ತನ್ನತ್ತ ಸೆಳೆಯಲು ವಿಫಲವಾಯಿತು, ಸರ್ಕಾರದಲ್ಲಿನ ಕೆಲವು ಭ್ರಷ್ಟ ಅಧಿಕಾರಿಗಳ ಜೊತೆಗೂಡಿ ಶತಕೋಟಿಗಳಷ್ಟು ಕೀನ್ಯಾದ ಷಿಲ್ಲಾಂಗ್‌ಗಳನ್ನು ಬರಿದುಮಾಡಿದ್ದು ಅದನ್ನು ಗೋಲ್ಡನ್‌ಬರ್ಗ್ ಕಳಂಕವೆಂದೇ ಕುಖ್ಯಾತಿ ಪಡೆದಿದ್ದು, ರಾಷ್ಟ್ರವನ್ನು IMF ಸುಧಾರಣೆ ಸೂತ್ರಗಳನ್ನು ಅಳವಡಿಸಿಕೊಳ್ಳುವುದಕ್ಕಿಂತ ಮುಂಚೆ ಇದ್ದುದಕ್ಕಿಂತಲೂ ಕೆಟ್ಟ ಪರಿಸ್ಥಿತಿಗೆ ದೂಡಿತು.[ಸೂಕ್ತ ಉಲ್ಲೇಖನ ಬೇಕು] ರೊಮೇನಿಯಾದ ಮಾಜಿ ಪ್ರಧಾನ ಮಂತ್ರಿಯಾದ ಟರಿಸೀನೊ ಒಂದು ಸಂದರ್ಶನದಲ್ಲಿ, "2005ನೇ ಇಸವಿಯಿಂದ, IMF ರಾಷ್ಟ್ರಗಳ ಆರ್ಥಿಕ ಕಾರ್ಯಗಳನ್ನು ನಿರ್ವಹಿಸಿದ ರೀತಿಗೆ ಮೆಚ್ಚುಗೆ ವ್ಯಕ್ತಪಡಿಸುವ ಸಂದರ್ಭಗಳಲ್ಲಿ ನಿರಂತರ ತಪ್ಪುಗಳನ್ನು ಮಾಡುತ್ತಿದೆ " ಎಂದು ಹೇಳುತ್ತಾರೆ. ಸೆಪ್ಟೆಂಬರ್ 2007ನೇ ಇಸವಿಯಲ್ಲಿ "ಸುಭದ್ರ ಮೂಲನಿಯಮಗಳನ್ನು ಹೇರಿ ಹಾಗೂ ಕಾರ್ಯನೀತಿಗಳನ್ನು ಸರಿಯಾಗಿ ಪಾಲನೆ ಮಾಡಿದ್ದೇ ಆದಲ್ಲಿ, ನಿರ್ದೇಶಕರು ಮಧ್ಯಂತರ ಸಮಯದಲ್ಲಿ ಐರಿಷ್ ಆರ್ಥಿಕ ಬೆಳವಣಿಗೆ ಏರಿಕೆಯಾಗುವಂತೆ ನೋಡಿಕೊಳ್ಳಬಹುದು" ಎಂದು IMF ತಿಳಿಸಿತ್ತು. ಇದಾದ ಹದಿನೇಳು ತಿಂಗಳ ನಂತರ ಏಪ್ರಿಲ್ 2009ರಲ್ಲಿ ನೊಬೆಲ್ ಪದವಿ ಪುರಸ್ಕೃತರಾದ ಆರ್ಥಿಕ ತಜ್ಞ ಪೌಲ್ ಕ್ರೂಗ್‌ಮನ್ ನ್ಯೂಯಾರ್ಕ್ ಟೈಮ್ಸ್ ಎಂಬ ಪತ್ರಿಕೆಯಲ್ಲಿ, ಜಾಗತಿಕ ಆರ್ಥಿಕತೆಯ ದುಷ್ಪರಿಣಾಮಕ್ಕೆ ಐರ್ಲೆಂಡ್ ಒಂದು ನಿದರ್ಶನ ಎಂದು ತಿಳಿಸಿದ್ದಾರೆ. ಒಟ್ಟಾರೆಯಾಗಿ IMF ಪಡೆದ ಯಶಸ್ಸು ತೀರಾ ಕಡಿಮೆ ಎಂದೇ ಹೇಳಬಹುದು.[ಸೂಕ್ತ ಉಲ್ಲೇಖನ ಬೇಕು] ಸಂಸ್ಥೆಯನ್ನು ಜಾಗತಿಕ ಆರ್ಥಿಕತೆಯನ್ನು ಸಬಲಗೊಳಿಸಲೆಂದು ಉದ್ದೇಶಿಸಿದ್ದರೂ, 1980ನೇ ಇಸವಿಯಿಂದ ಈಚೆಗೆ 100ಕ್ಕೂ ಹೆಚ್ಚಿನ ರಾಷ್ಟ್ರಗಳ (ಅಥವಾ ಸಂಸ್ಥೆಯ ಸದಸ್ಯತ್ವ ಹೊಂದಿದ ಪ್ರಸಿದ್ದ ರಾಷ್ಟ್ರಗಳು) ಇಷ್ಟು ಪ್ರಮಾಣದಲ್ಲಿ ಆರ್ಥಿಕ ಕುಸಿತ ಹಿಂದೆಂದೂ ಕಂಡರಿಯದ ರೀತಿಯಲ್ಲಿ ಅಂದರೆ GDPಯು ಶೇಕಡಾ ನಾಲ್ಕು ಅಥವಾ ಅದಕ್ಕಿಂತಲೂ ಹೆಚ್ಚು ಪ್ರಮಾಣದಲ್ಲಿ ಕುಸಿದಿದ್ದು, ಬ್ಯಾಂಕಿಂಗ್ ಕ್ಷೇತ್ರಗಳು ಕುಸಿದುಬಿದ್ದಿದೆ ಎಂದು ವಿಶ್ಲೇಷಣೆಗಳು ತಿಳಿಸುತ್ತವೆ.[ಸೂಕ್ತ ಉಲ್ಲೇಖನ ಬೇಕು] ಯಾವುದೇ ಬಿಕ್ಕಟ್ಟಿಗೆ IMF ತಡವಾಗಿ ಪ್ರತಿಕ್ರಿಯೆ ನೀಡುತ್ತದೆ, ಹಾಗೂ ಅವುಗಳನ್ನು ತಡೆಯುವುದರ ಬದಲಿಗೆ ಅಂತಹ ಪರಿಸ್ಥಿತಿ ನಿರ್ಮಾಣವಾದ ನಂತರ ಬಹಳಷ್ಟು ತಡವಾಗಿ (ಅಥವಾ ಅವುಗಳನ್ನು ಹುಟ್ಟುಹಾಕುತ್ತದೆ ಕೂಡಾ) ಪ್ರತಿಕ್ರಿಯಿಸುತ್ತದೆ ಎಂದು ಹಲವು ಆರ್ಥಿಕ ತಜ್ಞರು ಸುಧಾರಣೆ ಮಾಡಬೇಕೆಂದು ವಾದ ಮಂಡಿಸುತ್ತಾರೆ. 2006ನೇ ಇಸವಿಯಲ್ಲಿ, ಮಧ್ಯಮ ಮಟ್ಟದ ಕೌಶಲ್ಯಗಳು ಎಂದು ಕರೆಯಲ್ಪಡುವ IMFನ ಸುಧಾರಣಾ ನೀತಿಗಳಿಗೆ ಸಂಸ್ಥೆಯ ಸದಸ್ಯ ರಾಷ್ಟ್ರಗಳು ಅನುಮೋದನೆ ನೀಡಿದವು. ಈ ಕಾರ್ಯಕ್ರಮಗಳಲ್ಲಿ ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳಲ್ಲಿ ಆರ್ಥಿಕತೆಯನ್ನು ಗಮನಿಸಲು ಅಥವಾ ಸದಸ್ಯ ರಾಷ್ಟ್ರಗಳು ಜಾಗತಿಕವಾಗಿ ಸಬಲವಾಗಲು ಹಾಗೂ ಬಡತನವನ್ನು ಕಡಿಮೆ ಮಾಡಲು ಬೃಹತ್ ಪ್ರಮಾಣದ ಆರ್ಥಿಕ ಕಾರ್ಯನೀತಿಗಳನ್ನು ಅಳವಡಿಸಿಕೊಳ್ಳುವಲ್ಲಿ ಸಹಾಯ ಮಾಡುವಂತಹ IMF ಆಡಳಿತ ವ್ಯವಸ್ಥೆಗಳಲ್ಲಿ ಬದಲಾವಣೆ ತರುವುದೂ ಸೇರಿದೆ. 2007ನೇ ಇಸವಿಯ ಜೂನ್ 15ರಂದು, IMFನ ಕಾರ್ಯನಿರ್ವಾಹಕ ಮಂಡಳಿ 2007ರಲ್ಲಿ ದ್ವಿಪಕ್ಷೀಯ ಪರಿವೀಕ್ಷಣೆಗಾಗಿ ಮಾಡಿದ ನಿರ್ಣಯವನ್ನು ಸಂಸ್ಥೆಯ ಸದಸ್ಯ ರಾಷ್ಟ್ರಗಳು ಅಂಗೀಕರಿಸುವ ಮೂಲಕ, IMF ಯಾವ ರೀತಿಯಲ್ಲಿ ರಾಷ್ಟ್ರಗಳ ಮಟ್ಟದಲ್ಲಿ IMF ಆರ್ಥಿಕ ಪರಿಣಾಮಗಳನ್ನು ಹೇಗೆ ಯಾವ ರೀತಿಯಲ್ಲಿ ವಿಶ್ಲೇಷಣೆ ಮಾಡಬೇಕು ಎಂಬ 30-ವರ್ಷಗಳಷ್ಟು ಹಿಂದೆ ಮಾಡಿದ್ದ ಹಳೆಯ ನಿರ್ಣಯಗಳನ್ನು ತೆಗೆದುಹಾಕಿದವು.

ಆಹಾರ ಲಭ್ಯತೆ ಮೇಲಿನ ಪರಿಣಾಮ

ಹಲವಾರು ಸಾರ್ವಜನಿಕ ಸಾಮಾಜಿಕ ಸಂಸ್ಥೆಗಳು ಪ್ರಮುಖವಾಗಿ ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳ ಜನರ' ಆಹಾರ ಲಭ್ಯತೆ ಮೇಲೆ ನೇರ ಪರಿಣಾಮ ಬೀರಿರುವುದರಿಂದ IMFನ ಕಾರ್ಯನೀತಿಗಳನ್ನು ಟೀಕೆಮಾಡಿದ್ದಾರೆ. 2008ರ ಅಕ್ಟೋಬರ್‌ನಲ್ಲಿ ನಡೆದ ಸಂಯುಕ್ತ ರಾಷ್ಟ್ರ ಸಂಘದ ವಿಶ್ವ ಆಹಾರ ದಿನದಂದು, ಅಂದಿನ US ಅಧ್ಯಕ್ಷರಾದ ಬಿಲ್ ಕ್ಲಿಂಟನ್ ಆ ಸಂಸ್ಥೆಗಳೊಂದಿಗೆ ಕೈಜೋಡಿಸಿ ಒಕ್ಕೊರಲಿನಿಂದ ವಿಶ್ವ ಬ್ಯಾಂಕ್‌ ಹಾಗೂ IMF ಆಹಾರ ಹಾಗೂ ಕೃಷಿ ಕುರಿತಾಗಿ ಮಾಡಿರುವ ಕಾರ್ಯನೀತಿಗಳನ್ನು ತಮ್ಮ ಭಾಷಣದಲ್ಲಿ ವಿರೋಧಿಸಿದರು:

We need the World Bank, the IMF, all the big foundations, and all the governments to admit that, for 30 years, we all blew it, including me when I was President. We were wrong to believe that food was like some other product in international trade, and we all have to go back to a more responsible and sustainable form of agriculture.

— Former US President Bill Clinton, Speech at United Nations World Food Day, October 16, 2008

ಸಾರ್ವಜನಿಕ ಆರೋಗ್ಯದ ಮೇಲಿನ ಪರಿಣಾಮ

ಕೇಂಬ್ರಿಡ್ಜ್ ಹಾಗೂ ಯಾಲೆ ವಿಶ್ವವಿದ್ಯಾಲಯಗಳ ವಿಶ್ಲೇಷಕರು 2008ನೇ ಇಸವಿಯಲ್ಲಿ, ಅಧ್ಯಯನ ನಡೆಸಿ IMF ತಾನು ನೀಡುವ ಅಂತರರಾಷ್ಟ್ರೀಯ ಸಾಲಗಳ ಭಾಗವಾಗಿ ಹೆಚ್ಚು ಷರತ್ತುಗಳನ್ನು ಹೇರುತ್ತಿದ್ದು, ಇದರಿಂದಾಗಿ ಪೂರ್ವ ಐರೋಪ್ಯ ರಾಷ್ಟ್ರಗಳಲ್ಲಿ ಸಾರ್ವಜನಿಕ ಆರೋಗ್ಯ ವ್ಯವಸ್ಥೆ ಹಾಳಾಗಿರುವುದರಿಂದ ಸಾವಿರಾರು ಜನರು ಕ್ಷಯರೋಗದಿಂದ ಬಳಲಿ ಮರಣ ಹೊಂದುತಿದ್ದಾರೆ ಎಂದು ವಿಜ್ಞಾನ ವಿಭಾಗದ ಮುಕ್ತ ಸಾರ್ವಜನಿಕ ಗ್ರಂಥಾಲಯದಲ್ಲಿ ಪ್ರಕಟಿಸಿದ್ದಾರೆ. IMFನಿಂದ ಸಾಲ ಪಡೆದ 21 ದೇಶಗಳಲ್ಲಿ, ಕ್ಷಯರೋಗಕ್ಕೆ ಮರಣಹೊಂದಿದವರ ಸಂಖ್ಯೆ ಶೇಕಡಾ 16.6 %ನಷ್ಟು ಏರಿಕೆ ಕಂಡಿದೆ.

ಮುಕ್ತ ಮಾರುಕಟ್ಟೆಯ ಪರವಾದಿಗಳಿಂದ ಟೀಕೆಗಳು

ಸಾಮಾನ್ಯವಾಗಿ IMF ಹಾಗೂ ಅದರ ಬೆಂಬಲಿಗರು ವಿತ್ತೀಯ ನಿಯಂತ್ರಣವನ್ನು ಆಚರಣೆಗೆ ತರಬೇಕೆಂದು ಹೇಳುತ್ತಾರೆ. ಅದೇ ರೀತಿಯಲ್ಲಿ, ಸಾಮಾನ್ಯವಾಗಿ ಪೂರೈಕೆಯಿಂದ ಆರ್ಥಿಕತೆಯನ್ನು ನಿಯಂತ್ರಿಸುತ್ತಿರುವ ಬೆಂಬಲಿಗರು IMFನೊಂದಿಗೆ ಭಿನ್ನಾಭಿಪ್ರಾಯ ಹೊಂದಿದ್ದಾರೆ. ಹಣದ ಅಪಮೌಲ್ಯವನ್ನು ನಿರಂತರವಾಗಿ ಪ್ರತಿಪಾದಿಸುವ IMFನ ವಾದಕ್ಕೆ, ಅದು ಹಣದುಬ್ಬರವನ್ನು ಏರಿಕೆಯಾಗುವಂತೆ ಮಾಡುತ್ತದೆ ಎಂದು ಪೂರೈಕೆಯಿಂದ ಆರ್ಥಿಕತೆಯನ್ನು ನಿಯಂತ್ರಿಸುವ ಬೆಂಬಲಿಗರು ವಿರೋಧ ವ್ಯಕ್ತಪಡಿಸುತ್ತಾರೆ. ಎರಡನೆಯದಾಗಿ ಆರ್ಥಿಕತೆ ಕುಗ್ಗುವಂತೆ ಮಾಡುವ "ಕಠಿಣ ಕಾರ್ಯಕ್ರಮಗಳ" ಮೂಲಕ ಹೆಚ್ಚುವರಿ ತೆರಿಗೆಗಳನ್ನು ವಿಧಿಸುತ್ತಾರೆ. ತನ್ನ ಆರ್ಥಿಕತೆಯನ್ನು ಸರಿಪಡಿಸಿಕೊಳ್ಳಲು ಹೆಣಗಾಡುತ್ತಿರುವ ಬಡ ರಾಷ್ಟ್ರಗಳ ಸರ್ಕಾರಗಳಿಗೆ IMF ಹಣದ ಅಪಮೌಲ್ಯ ಮಾಡಲು ಸೂಚಿಸುತ್ತವೆ. IMFನ ಈ ಕಾರ್ಯನೀತಿಗಳು ಆರ್ಥಿಕ ಬೆಳವಣಿಗೆಯನ್ನು ಹಾಳಾಗುವಂತೆ ಮಾಡುತ್ತದೆ ಎಂದು ಕೆಲವು ಆರ್ಥಿಕ ತಜ್ಞರು ಅಭಿಪ್ರಾಯ ಪಡುತ್ತಾರೆ. ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆಯ ಮೀಸಲು ಚಿನ್ನಕ್ಕೆ ಕಡಿಮೆ ಬೆಲೆ ನಿಗದಿಪಡಿಸಿದ್ದರಿಂದಾಗಿ ಆ ಸಂಸ್ಥೆಯ ಮೇಲೆ ದಾವೆಗಳನ್ನು ಹೂಡಲಾಗಿದೆ. 1945ರಲ್ಲಿ, ಈ ಪ್ರಕ್ರಿಯೆ ಆರಂಭಿಸಿದ IMF ಪ್ರತಿ ಟ್ರಾಯ್ ಔನ್ಸ್ ಚಿನ್ನಕ್ಕೆ US$35 ನಿಗದಿಪಡಿಸಿತು. 1973ನೇ ಇಸವಿಯಲ್ಲಿ, ನಿಕ್ಸನ್ ಆಡಳಿತದಲ್ಲಿ ಸ್ಥಿರ ಸಂಪತ್ತಾದ ಚಿನ್ನದ ಬೆಲೆಯನ್ನು ಮಾರುಕಟ್ಟೆಯ ಬೆಲೆಗೆ ನಿಗದಿಪಡಿಸಿದರು. ಯುನೈಟೆಡ್ ಸ್ಟೇಟ್ಸ್‌ ಹೊರಗೆ ಪೆಟ್ರೊಡಾಲರ್‌ಗಳ ಬೆಲೆಏರಿಕೆಯ ಪರಿಣಾಮದಿಂದ ಸ್ಥಿರ ವಿನಿಮಯ ದರಗಳ ವ್ಯವಸ್ಥೆಯಡಿಯಲ್ಲಿ ಫೋರ್ಟ್ ನಾಕ್ಸ್‌ನಲ್ಲಿ ಚಿನ್ನದ ಬೆಲೆಯನ್ನು ನಿಗದಿಪಡಿಸಿದರು.[ಸೂಕ್ತ ಉಲ್ಲೇಖನ ಬೇಕು] ಚಿನ್ನದೊಂದಿಗೆ ಹಣದ ಸ್ಥಿರ ವಿನಿಮಯ ದರಗಳು ಬಂಧಿಸಲ್ಪಟ್ಟಿದ್ದರೂ ಅವುಗಳು ಮತ್ತೆ ಚಲ ದರಕ್ಕೆ ಅಂದರೆ ಬೆಲೆ ಹಾಗೂ ವಿನಿಮಯಗಳಿಗೆ ನೇರವಾಗಿ ಮಾರುಕಟ್ಟೆಯನ್ನು ಅವಲಂಬಿಸಿದವು. ಸಾಲದ ಹೊರೆ ಹೆಚ್ಚಾಗಿರುವ ದೇಶಗಳಲ್ಲಿ ಈ ರೀತಿಯ ಸ್ಥಿರ ದರ ವ್ಯವಸ್ಥೆಯು ಕೇವಲ ಹೆಸರಿಗೆ ಮಾತ್ರ ಕಾರ್ಯನಿರ್ವಹಿಸಿದ್ದು ಸಂಸ್ಥೆಯ ಸಹಾಯವು ಸೀಮಿತ ಪರಿಧಿಯಲ್ಲಿ ಕೆಲಸ ಮಾಡುತ್ತಿದೆ. ಪ್ರಸ್ತುತ ಇರುವ IMF ನಿಯಮಗಳು, ಸದಸ್ಯರು ತಮ್ಮ ರಾಷ್ಟ್ರದ ಹಣಕ್ಕೆ ಚಿನ್ನವನ್ನು ತಳುಕುಹಾಕುವುದನ್ನು ತಡೆಯುತ್ತದೆ.[ಸೂಕ್ತ ಉಲ್ಲೇಖನ ಬೇಕು]

ಅಭಿಪ್ರಾಯಗಳನ್ನು ಸರಿಪಡಿಸಿಕೊಳ್ಳುವತ್ತ ಪ್ರಯತ್ನ

ಏಷ್ಯಾದಲ್ಲಿ ಶೇಕಡಾ 60ಕ್ಕಿಂತಲೂ ಹೆಚ್ಚು ಭಾಗ ಹಾಗೂ ಶೇಕಡಾ 70ರಷ್ಟು ಆಫ್ರಿಕನ್ನರು IMF ಹಾಗೂ ವಿಶ್ವ ಬ್ಯಾಂಕ್‌ ತಮ್ಮ ರಾಷ್ಟ್ರಗಳ ಮೇಲೆ ಧನಾತ್ಮಕ ಪರಿಣಾಮಗಳನ್ನು ಬೀರುತ್ತದೆ ಎಂದು ನಂಬಿದ್ದಾರೆ ಎನ್ನುವುದನ್ನು ಪ್ಯೂ ಸಂಶೋಧನಾ ಕೇಂದ್ರ ತಂಡವು ತೋರಿಸಿಕೊಟ್ಟಿದೆ. ಹಾಗಿದ್ದರೂ ಈ ಸಮೀಕ್ಷೆಯಲ್ಲಿ ಒಟ್ಟಾರೆಯಾಗಿ ವಿಶ್ವ ವ್ಯಾಪಾರ ಸಂಸ್ಥೆ ಸೇರಿದಂತೆ ಎಲ್ಲ ಅಂತರರಾಷ್ಟ್ರೀಯ ಸಂಸ್ಥೆಗಳನ್ನು ಪರಿಗಣಿಸಲಾಗಿದೆ. ಹಾಗೂ, ಪಾಶ್ಚಿಮಾತ್ಯ ರಾಷ್ಟ್ರಗಳಲ್ಲಿಯೂ ಸಹ ಅಷ್ಟೇ ಪ್ರಮಾಣದ ಜನರು ಅಂತರರಾಷ್ಟ್ರೀಯ ಸಂಸ್ಥೆಗಳು ತಮ್ಮ ರಾಷ್ಟ್ರಗಳ ಮೇಲೆ ಧನಾತ್ಮಕ ಪರಿಣಾಮಗಳನ್ನೇ ಬೀರಿದೆ ಎನ್ನುವುದನ್ನು ಒಪ್ಪಿಕೊಳ್ಳುತ್ತಾರೆ. ಬಹುಪಕ್ಷೀಯ ನೀತಿಗಳೊಂದಿಗೆ ಬಡ ರಾಷ್ಟ್ರಗಳ ಸಾಲ ಮನ್ನಾ ಮಾಡುವ ಯೋಜನೆಯನ್ನು ಪ್ರಥಮ ಬಾರಿಗೆ 2005ನೇ ಇಸವಿಯಲ್ಲಿ ಕಾರ್ಯರೂಪಕ್ಕೆ ತಂದ IMF, ಇದನ್ನು ಅಳವಡಿಸಿಕೊಂಡ ಪ್ರಥಮ ಅಂತರರಾಷ್ಟ್ರೀಯ ಸಂಸ್ಥೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಯಿತು. 2006ನೇ ಇಸವಿಯ ಅಂತ್ಯದ ವೇಳೆಗೆ, ಉಪ-ಸಹಾರ ಆಫ್ರಿಕಾ ಹಾಗೂ ಮಧ್ಯ ಅಮೇರಿಕಾದ 23 ರಾಷ್ಟ್ರಗಳಿಗೆ IMF ಸಾಲವನ್ನು ನೀಡಿತ್ತು[ಸೂಕ್ತ ಉಲ್ಲೇಖನ ಬೇಕು].

ವ್ಯವಸ್ಥಾಪಕ ನಿರ್ದೇಶಕ

ಐತಿಹಾಸಿಕವಾಗಿ IMFನ ವ್ಯವಸ್ಥಾಪಕ ನಿರ್ದೇಶಕರು ಯುರೋಪಿನವರಾಗಿದ್ದು ವಿಶ್ವ ಬ್ಯಾಂಕ್‌ನ ಅಧ್ಯಕ್ಷ ಸ್ಥಾನವನ್ನು ಯುನೈಟೆಡ್ ಸ್ಟೇಟ್ಸ್‌ನವರು ಅಲಂಕರಿಸುತ್ತಾರೆ, ಈ ಪದ್ಧತಿ ಬಹುಕಾಲದಿಂದಲೂ ನಡೆದುಕೊಂಡು ಬಂದಿದೆ. ಹಾಗಿದ್ದರೂ, ತನ್ನ ಈ ರೀತಿಯ ಮಾನಕಗಳು ಪ್ರಶ್ನೆಗೆ ಒಳಪಡುತ್ತಿದ್ದು ತನ್ಮೂಲಕ ಸದಸ್ಯತ್ವ ಹೊಂದಿದ ಯಾವುದೇ ರಾಷ್ಟ್ರವೂ ಈ ಸ್ಥಾನಗಳಿಗಾಗಿ ಸ್ಪರ್ಧಿಸಲು ಅನುಕೂಲ ಮಾಡಲಾಗುತ್ತಿದೆ. ವ್ಯವಸ್ಥಾಪಕ ನಿರ್ದೇಶಕರನ್ನು ನಿರ್ಧರಿಸುವ ಕಾರ್ಯನಿರ್ವಾಹಕ ನಿರ್ದೇಶಕರನ್ನು, ತಾವು ಪ್ರತಿನಿಧಿಸುತ್ತಿರುವ ದೇಶಗಳ ಹಣಕಾಸು ಸಚಿವರು ಚುನಾಯಿಸುತ್ತಾರೆ. IMFನ ಮೊದಲ ನಿಯೋಗಿ ವ್ಯವಸ್ಥಾಪಕ ನಿರ್ದೇಶಕ, ಸೆಕೆಂಡ್ ಇನ್ ಕಮ್ಯಾಂಡ್, ಮುಂಚಿನಿಂದಲೂ (ಹಾಗೂ ಇಂದಿಗೂ) ಅಮೇರಿಕಾದವರೇ ಆಗಿರುತ್ತಾರೆ. IMFನ ಪ್ರಮುಖ ಸ್ಥಾನಗಳನ್ನು ಪಾಶ್ಚಿಮಾತ್ಯ ಶಕ್ತಿಗಳು ನಿಯಂತ್ರಿಸುತ್ತಿದ್ದು, ಅದರ ಸದಸ್ಯ ರಾಷ್ಟ್ರಗಳು ಕಾರ್ಯನಿರ್ವಾಹಕ ಮಂಡಳಿಗೆ ಮತ ಚಲಾಯಿಸುವ ಅಧಿಕಾರದ ಮೀಸಲು ಪ್ರಮಾಣವು ಆ ರಾಷ್ಟ್ರದ ಜಾಗತಿಕ ಆರ್ಥಿಕತೆಯ ಗಾತ್ರದ ಮೇಲೆ ಅವಲಂಬಿತವಾಗಿವೆ. ಮಂಡಳಿಯು ಅಪರೂಪಕ್ಕೊಮ್ಮೆ ಮಾತ್ರ ಮತ ಚಲಾಯಿಸುತ್ತದೆ ಹಾಗೂ ಸಂಸ್ಥೆಯಲ್ಲಿ ಒಟ್ಟಾರೆಯಾಗಿ ನೋಡಿದಾಗ ಬಹುದೊಡ್ಡ ಷೇರುದಾರರಾದ US ಅಥವಾ ಯುರೋಪಿಯನ್ನರ ವಿರುದ್ಧವಾಗಿ ಮತ ಚಲಾಯಿಸುವುದು ಬಹಳ ಅಪರೂಪ ಎಂದು ವಿಮರ್ಶಕರು ದೂರುತ್ತಾರೆ. ಮತ್ತೊಂದು ಕಡೆ, ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳನ್ನು ಪ್ರತಿನಿಧಿಸುತ್ತಿರುವ ಕಾರ್ಯನಿರ್ವಾಹಕ ನಿರ್ದೇಶಕರುಗಳು ತಮ್ಮ ವಲಯದಲ್ಲಿ ಈ ಬಗ್ಗೆ ಹೆಚ್ಚಾಗಿ ಸಮರ್ಥನೆ ಮಾಡಿಕೊಳ್ಳುತ್ತವೆ. ಉದಾಹರಣೆಗೆ ಅಲೆಗ್ಸಾಂಡ್ರೆ ಕಾಫ್ಕಾ, ಲ್ಯಾಟಿನ್ ಅಮೇರಿಕಾ ದೇಶಗಳನ್ನು ಸತತ 32 ವರ್ಷಗಳ ಕಾಲ ಕಾರ್ಯನಿರ್ವಾಹಕ ನಿರ್ದೇಶಕರಾಗಿ (21ರಲ್ಲಿ ಮಂಡಳಿಯ ಡೀನ್ ಆಗಿ ಕಾರ್ಯ ನಿರ್ವಹಿಸಿದ್ದರು) ಪ್ರತಿನಿಧಿಸಿದ್ದರು. ಲಿಬಿಯಾ ಮೂಲದ ಕಾರ್ಯನಿರ್ವಾಹಕ ನಿರ್ದೇಶಕರಾದ ಮೊಹಮದ್ ಫಿನಾಯಿಷ್‌ರವರು, ಸಾಕಷ್ಟು ಅರಬ್ ದೇಶಗಳನ್ನು ಹಾಗೂ ಪಾಕಿಸ್ತಾನವನ್ನು ಪ್ರತಿನಿಧಿಸಿದ್ದು,[ಸೂಕ್ತ ಉಲ್ಲೇಖನ ಬೇಕು] 1992ನೇ ಇಸವಿಯಲ್ಲಿ ಚುನಾವಣೆ ನಡೆಯುವ ತನಕ IMFನಲ್ಲಿ ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳ ಹಕ್ಕುಗಳನ್ನು ರಕ್ಷಿಸುವ ಕಾರ್ಯ ಮಾಡಿದ್ದಾರೆ. 2004ನೇ ಇಸವಿಯ ಜೂನ್ 7ರಂದು ರೋಡ್ರಿಗೊ ರಾಟೊರವರು IMFನ ಒಂಬತ್ತನೇ ವ್ಯವಸ್ಥಾಪಕ ನಿರ್ದೇಶಕರಾಗಿ ಆಯ್ಕೆಯಾಗಿದ್ದು, 2007ನೇ ಇಸವಿಯ ಅಕ್ಟೋಬರ್‌ ಅಂತ್ಯದಲ್ಲಿ ಆ ಪದವಿಗೆ ರಾಜಿನಾಮೆ ನೀಡಿದರು. ಡೊಮಿನಿಕೆ ಸ್ಟ್ರಾಸ್ ಕಾಹ್ನ್‌ IMFನಲ್ಲಿ ವ್ಯವಸ್ಥಾಪಕ ನಿರ್ದೇಶಕರಾಗಿ ಉಮೇದುವಾರಿಕೆಗೆ EU ಮಂತ್ರಿಗಳು 2007ನೇ ಇಸವಿಯ ಜುಲೈ 10ರಂದು ಬ್ರುಸೆಲ್ಸ್‌ನಲ್ಲಿ ನಡೆದ ಎಕನಾಮಿಕ್ ಅಂಡ್ ಫೈನಾನ್ಸಿಯಲ್ ಕೌನ್ಸಿಲ್‌ Archived 2009-06-24 ವೇಬ್ಯಾಕ್ ಮೆಷಿನ್ ನಲ್ಲಿ. ನ ಸಭೆಯಲ್ಲಿ ಒಪ್ಪಿಕೊಂಡರು. ಯುನೈಟೆಡ್ ಸ್ಟೇಟ್ಸ್‌ ಹಾಗೂ 27-ರಾಷ್ಟ್ರಗಳ ಐರೋಪ್ಯ ಒಕ್ಕೂಟವೂ ಸೇರಿದಂತೆ ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆಯ 24 ಕಾರ್ಯನಿರ್ವಾಹಕ ನಿರ್ದೇಶಕರು 2007ನೇ ಇಸವಿಯ ಸೆಪ್ಟೆಂಬರ್ 28ರಂದು, Mr. ಸ್ಟ್ರೌಸ್-ಖಾನ್‌ರನ್ನು ಹೊಸ ವ್ಯವಸ್ಥಾಪಕ ನಿರ್ದೇಶಕರಾಗಿ ಆಯ್ಕೆ ಮಾಡಿದರು. ಸ್ಟ್ರೌಸ್-ಖಾನ್‌ರು, 2007ನೇ ಇಸವಿಯ ಅಕ್ಟೋಬರ್ 31ರಂದು ನಿವೃತ್ತಿ ಹೊಂದಿದ ಸ್ಪೇನ್‌ನ ರೋಡಿಗ್ರೊ ಡಿ ರೊಟೊರ ಉತ್ತರಾಧಿಕಾರಿಯಾಗಿದ್ದರು. ರಷ್ಯಾದಿಂದ ಸೂಚಿತರಾಗಿದ್ದ ಅಭ್ಯರ್ಥಿಯಾದ ಜೋಸೆಫ್ ಟೊಸೋವ್‌ಸ್ಕಿಯವರೇ ಏಕೈಕ ಇತರೆ ಸೂಚಿತ ಅಭ್ಯರ್ಥಿಯಾಗಿದ್ದರು. ಸ್ಟ್ರೌಸ್-ಖಾನ್‌ರು‌: "ಅಂತರರಾಷ್ಟ್ರೀಯ ಸಮುದಾಯಕ್ಕೆ ಸಹಾಯ ಮಾಡುತ್ತಿರುವ IMFಅನ್ನು ಆರ್ಥಿಕವಾಗಿ ಸಬಲಗೊಳಿಸಲು ಮತ್ತು ಅಭಿವೃದ್ಧಿ ಮಾಡಲು ಹಾಗೂ ಉದ್ಯೋಗಗಳನ್ನು ಸೃಷ್ಠಿಸಿ ಅದಕ್ಕೆ ಸುಧಾರಣೆ ತರಲು ಮಾಡಬೇಕಾದ ಎಲ್ಲ ಕಾರ್ಯಗಳನ್ನು ಶೀಘ್ರವಾಗಿ ಮಾಡಿ ಮುಗಿಸುತ್ತೇನೆ " ಎಂದು ಹೇಳಿದ್ದಾರೆ.

ದಿನಾಂಕ ಹೆಸರು ರಾಷ್ಟ್ರ
ಮೇ 6, 1946 – ಮೇ 5, 1951 ಕ್ಯಾಮಿಲ್ಲೆ ಗಟ್ ಬೆಲ್ಜಿಯಂ
ಆಗಸ್ಟ್‌‌ 3, 1951 – ಅಕ್ಟೋಬರ್‌‌ 3, 1956 ಐವರ್ ರೂಥ್ ಸ್ವೀಡನ್‌
ನವೆಂಬರ್‌‌ 21, 1956 – ಮೇ 5, 1963 ಪೆರ್ ಜೇಕಬ್‌ಸನ್ ಸ್ವೀಡನ್‌
ಸೆಪ್ಟೆಂಬರ್‌‌ 1, 1963 – ಆಗಸ್ಟ್‌‌ 31, 1973 ಪಿಯೆರಿ ಪೌಲ್ ಷ್ವೆಟ್ಜರ್‌ ಫ್ರಾನ್ಸ್‌‌
ಸೆಪ್ಟೆಂಬರ್‌‌ 1, 1973 – ಜೂನ್‌‌ 16, 1978 ಜೊಹಾನ್ನಸ್ ವಿಟ್ಟೆವೀನ್ ನೆದರ್ಲೆಂಡ್ಸ್‌
ಜೂನ್‌‌ 17, 1978 – ಜನವರಿ 15, 1987 ಜಾಕ್ವೆಸ್ ಡಿ ಲರೊಸಿಯೆರೆ ಫ್ರಾನ್ಸ್‌‌
ಜನವರಿ 16, 1987 – ಫೆಬ್ರವರಿ 14, 2000 ಮೈಕೆಲ್ ಕಮಡೆಸ್ಸಸ್ ಫ್ರಾನ್ಸ್‌‌
ಮೇ 1, 2000 – ಮಾರ್ಚ್‌ 4, 2004 ಹಾರ್ಸ್ಟ್ ಕೋಲ್ಹರ್ ಜರ್ಮನಿ
ಜೂನ್‌‌ 7, 2004 – ಅಕ್ಟೋಬರ್‌‌ 31, 2007 ರೋಡ್ರಿಗೊ ರಾಟೊ ಸ್ಪೇನ್‌
ನವೆಂಬರ್‌‌ 1, 2007 – ಪ್ರಸ್ತುತ ಡೊಮಿನಿಕೆ ಸ್ಟ್ರಾಸ್ ಕಾಹ್ನ್‌ ಫ್ರಾನ್ಸ್‌‌

ಮಾಧ್ಯಮಗಳಲ್ಲಿ IMFನ ಚಿತ್ರಣ

ಜಮೈಕಾ ಹಾಗೂ ಅದರ ಆರ್ಥಿಕತೆಯ ಮೇಲೆ IMF ಕಾರ್ಯನೀತಿಗಳು ಯಾವ ರೀತಿಯಲ್ಲಿ ಪ್ರಭಾವ ಬೀರಿದೆ ಎಂಬುದರ ಕುರಿತು ಲೈಫ್ ಅಂಡ್ ಡೆಬ್ಟ್ ಎಂಬ ಸಾಕ್ಷ್ಯಚಿತ್ರ ಮಾಡಲಾಗಿದೆ. 1978ನೇ ಇಸವಿಯಲ್ಲಿ, ಜಮೈಕಾ ಪ್ರಥಮ ಬಾರಿಗೆ IMFನಿಂದ ಸಾಲ ಪಡೆದ ಒಂದು ವರ್ಷದ ನಂತರವೂ, ತೆರೆದ ವಿನಿಮಯ ಮಾರುಕಟ್ಟೆಯಲ್ಲಿ ಜಮೈಕಾದ ಡಾಲರ್ ಬೆಲೆ US ಡಾಲರ್‌ಗಳಿಗಿಂತ ಹೆಚ್ಚೇ ಇತ್ತು; 1995ನೇ ಇಸವಿಯ ಹೊತ್ತಿಗೆ, ಜಮೈಕಾ ಅದರೊಂದಿಗಿನ ಸಂಬಂಧ ಕಡಿದುಕೊಂಡ ನಂತರ, ಜಮೈಕಾದ ಡಾಲರ್ ಬೆಲೆ US ಡಾಲರ್‌ನ 2 ಸೆಂಟ್‌ಗಳಷ್ಟು ಕುಸಿಯಿತು. ಈ ರೀತಿಯ ಸೂಚನೆಗಳು ಮೂರನೇ ವಿಶ್ವದ ಆರ್ಥಿಕತೆಯಲ್ಲಿ ಇದು ಸಹಾಯಕರವಲ್ಲ ಎಂಬುದನ್ನು ತಿಳಿಸುತ್ತವೆ. ದ ಡೆಟ್‌ ಆಫ್‌ ಡಿಕ್ಟೇಟರ್ಸ್‌ ಎಂಬ ಕೃತಿಯು ಸರ್ವಾಧಿಕಾರಿ ಆಡಳಿತಕ್ಕೆ ಒಳಗಾಗಿರುವ ದೇಶಗಳಿಗೆ IMF ಶತಕೋಟಿಗಳಷ್ಟು ಡಾಲರ್‌ಗಳನ್ನು ಸಾಲವಾಗಿ ನೀಡಿದ್ದು, ವಿಶ್ವದಾದ್ಯಂತ ಇರುವ ಅತಿಕ್ರೂರಿ ಸರ್ವಾಧಿಕಾರಿಗಳಿಗೆ ವಿಶ್ವ ಬ್ಯಾಂಕ್‌, ಬಹುರಾಷ್ಟ್ರೀಯ ಬ್ಯಾಂಕುಗಳು ಹಾಗೂ ಇನ್ನಿತರೆ ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆಗಳೂ ಸಹ ಹಣವನ್ನು ನೀಡಿವೆ ಎಂಬ ವಿಚಾರವನ್ನು ವಿಷದಪಡಿಸುತ್ತದೆ. (ನೋಡಿರಿ : ಸೇನಾ ಸರ್ವಾಧಿಕಾರತ್ವಗಳಿಗೆ IMF/ವಿಶ್ವ ಬ್ಯಾಂಕ್‌ ನೀಡಿದ ಬೆಂಬಲಗಳು ) ರೇಡಿಯೊಹೆಡ್ ತಂಡ 1997ನೇ ಇಸವಿಯಲ್ಲಿ ಬಿಡುಗಡೆ ಮಾಡಿದ OK ಕಂಪ್ಯೂಟರ್‌ನಲ್ಲಿರುವ "ಎಲೆಕ್ಷನೀರಿಂಗ್" ಎಂಬ ಗೀತೆಯಲ್ಲಿ IMF ಬಗ್ಗೆ ಹೇಳಿದ್ದಾರೆ. ಆ ಸಾಲುಗಳು, "ಇಟ್ಸ್ ಜಸ್ಟ್ ಬ್ಯುಸಿನೆಸ್/ಕ್ಯಾಟಲ್ ಪ್ರೊಡ್ಸ್ ಅಂಡ್ ದಿ IMF/ಐ ಟ್ರಸ್ಟ್ ಐ ಕೆನ್ ರಿಲೆ ಆನ್ ಯುವರ್ ವೋಟ್ " ಎನ್ನುತ್ತವೆ. ಬ್ರೂಸ್ ಕಾಕ್‌ಬರ್ನ್ "ಕಾಲ್ ಇಟ್ ಡೆಮಾಕ್ರಸಿ" ಎಂಬ ಗೀತೆಯಲ್ಲಿ IMF ಕುರಿತು ಹೇಳಿದ್ದಾರೆ. ಆ ಹಾಡಿನ ಸಾಲುಗಳಲ್ಲಿ "IMF ಡರ್ಟಿ MF/ಟೇಕ್ಸ್ ಅವೇ ಎವೆರಿಥಿಂಗ್ ಇಟ್ ಕೆನ್ ಗೆಟ್/ಆಲ್ವೇಸ್ ಮೇಕಿಂಗ್ ಸರ್ಟನ್ ದಟ್ ದೆರ್ಸ್ ಒನ್ ಥಿಂಗ್ ಲೆಫ್ಟ್/ಕೀಪ್ ದೆಮ್ ಆನ್ ದಿ ಹುಕ್ ವಿತ್ ಇನ್‌ಸಪೋರ್ಟೆಬಲ್ ಡೆಬ್ಟ್" ಎಂದಿದೆ. ರೇಜ್ ಎಗೆನೆಸ್ಟ್ ದಿ ಮಷೀನ್, "ವಿಂಡ್ ಬಿಲೊ"ನ ಈವಿಲ್ ಎಂಪೈರ್‌ನಲ್ಲಿ IMF ಕುರಿತು "ಫ್ಲಿಪ್ ದಿಸ್ ಕ್ಯಾಪಿಟಲ್ ಎಕ್ಲಿಪ್ಸ್/ ದೆಮ್ ಬ್ಯುರಿ ಲೈಫ್ ವಿತ್ IMF ಶಿಫ್ಟ್ಸ್, ಅಂಡ್ ಪಾಯ್ಸನ್ ಲಿಪ್ಸ್" ಎಂಬ ಸಾಲುಗಳನ್ನು ಬರೆದಿದ್ದಾರೆ. ಥೀವರಿ ಕಾರ್ಪೊರೇಷನ್‌ರವರ ರೇಡಿಯೊ ರಿಟಾಲಿಯೇಷನ್ ಎಂಬ ಆಲ್ಬಮ್‌ನಲ್ಲಿರುವ "ವ್ಯಾಂಪೈರ್ಸ್" ಎಂಬ ಗೀತೆಯಲ್ಲಿ IMF ಕುರಿತು ಹೇಳಿದ್ದಾರೆ: ಆ ಗೀತೆಯ ಸಾಲುಗಳು ಹೀಗಿವೆ "ಲೈಸ್ ಅಂಡ್ ಥೆಫ್ಟ್/ ಗನ್ಸ್ ಅಂಡ್ ಡೆಬ್ಟ್/ ಲೈಫ್ ಅಂಡ್ ಡೆತ್/ IMF".

ಇವನ್ನೂ ಗಮನಿಸಿ

  • ಮೂರನೇ ವಿಶ್ವದ ಸಾಲ
  • ಆರ್ಥಿಕತೆ
  • ವಿಶೇಷ ಹಿಂಪಡೆತ ಹಕ್ಕುಗಳು
  • ಅಭಿವೃದ್ಧಿಯ ಸಹಾಯಧನ
  • ಆರ್ಥಿಕ ಸಹಕಾರ ಮತ್ತು ಬೆಳವಣಿಗೆಗಾಗಿ ಸಂಘಟನೆ
  • ಗ್ಲೋಬಲೈಜೇಷನ್ ಅಂಡ್ ಇಟ್ಸ್ ಡಿಸ್‌ಕಂಟೆಂಟ್ಸ್‌
  • ಅಭಿವೃದ್ಧಿಯ ಫಲಿತಾಂಶಗಳನ್ನು ನಿರ್ವಹಿಸುವುದು
  • ಗ್ಲೋಬಲೈಜೇಷನ್ ಅಂಡ್ ಹೆಲ್ತ್
  • ಬಾಂಕರ್
  • ಬ್ಯಾಂಕ್‌ ಫಾರ್‌ ಇಂಟರ್‌ನ್ಯಾಷನಲ್‌ ಸೆಟಲ್‌ಮೆಂಟ್ಸ್
  • ವಿಶ್ವ ಬ್ಯಾಂಕ್
  • ಇಂಟರ್-ಅಮೇರಿಕನ್ ಡೆವಲಪ್‌ಮೆಂಟ್ ಬ್ಯಾಂಕ್
  • ಬ್ರೆಟ್ಟನ್‌ ವುಡ್ಸ್‌ ವ್ಯವಸ್ಥೆ
  • ಗ್ಲೋಬಲ್ ಗವರ್ನೆನ್ಸ್ ವಾಚ್

ನೋಡಿ

  1. ಸಂಯುಕ್ತ ರಾಷ್ಟ್ರ ಸಚಿವಾಲಯ -
  2. ವಿಶ್ವ ಆರೋಗ್ಯ ಸಂಘಟನೆ -
  3. ಸಂಯುಕ್ತ ರಾಷ್ಟ್ರ ಸಂಸ್ಥೆ
  4. ವಿಶ್ವ ಸಂಸ್ಥೆಯ ಮಕ್ಕಳ ನಿಧಿ

ಹೆಚ್ಚಿನ ಮಾಹಿತಿ

ಆಕರಗಳು

Tags:

ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಸಂಸ್ಥೆ ಹಾಗೂ ಉದ್ದೇಶಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ದತ್ತಾಂಶ ಪ್ರಸರಣ ವ್ಯವಸ್ಥೆಗಳುಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಸದಸ್ಯತ್ವಕ್ಕೆ ಬೇಕಾದ ಅರ್ಹತೆಗಳುಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಸದಸ್ಯರ ಮೀಸಲಾತಿ ಪ್ರಮಾಣ ಹಾಗೂ ಮತಚಲಾಯಿಸುವ ಹಕ್ಕು, ಮತ್ತು ಅಧ್ಯಕ್ಷೀಯ ಮಂಡಳಿಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಸಹಾಯ ಹಾಗೂ ಸುಧಾರಣೆಗಳುಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಸೇನಾ ಸರ್ವಾಧಿಕಾರತ್ವಗಳಿಗೆ IMFವಿಶ್ವ ಬ್ಯಾಂಕ್‌ ನೀಡಿದ ಬೆಂಬಲಗಳುಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಟೀಕೆಗಳುಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ವ್ಯವಸ್ಥಾಪಕ ನಿರ್ದೇಶಕಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಮಾಧ್ಯಮಗಳಲ್ಲಿ IMFನ ಚಿತ್ರಣಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಇವನ್ನೂ ಗಮನಿಸಿಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ನೋಡಿಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಆಕರಗಳುಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಹೆಚ್ಚಿನ ಓದಿಗೆಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ಹೊರಗಿನ ಕೊಂಡಿಗಳುಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ

🔥 Trending searches on Wiki ಕನ್ನಡ:

ಬುದ್ಧಸಂಭೋಗಕ್ರಿಸ್ಟಿಯಾನೋ ರೊನಾಲ್ಡೊವಾಟ್ಸ್ ಆಪ್ ಮೆಸ್ಸೆಂಜರ್ಸುಗ್ಗಿ ಕುಣಿತನೀರಿನ ಸಂರಕ್ಷಣೆಜನ್ನಪ್ರಬಂಧಕೈಗಾರಿಕಾ ಕ್ರಾಂತಿಕಾವೇರಿ ನದಿಗೂಗಲ್ಸಾಮಾಜಿಕ ಸಮಸ್ಯೆಗಳುಅಂಜನಿ ಪುತ್ರದ್ರಾವಿಡ ಭಾಷೆಗಳುಭಾಷೆಕೈಗಾರಿಕೆಗಳ ಸ್ಥಾನೀಕರಣಮೂಕಜ್ಜಿಯ ಕನಸುಗಳು (ಕಾದಂಬರಿ)ರೋಸ್‌ಮರಿಚಂದ್ರಯಾನ-೨ಗೋವಿಂದ ಪೈಪಂಚತಂತ್ರಲಕ್ಷ್ಮಿತೆರಿಗೆರೇಣುಕಗುಣ ಸಂಧಿಪ್ರವಾಹಇಮ್ಮಡಿ ಪುಲಿಕೇಶಿಶಾಂತಕವಿರೇಡಿಯೋಭಾರತೀಯ ರಿಸರ್ವ್ ಬ್ಯಾಂಕ್ಸರ್ವಜ್ಞಯಲ್ಲಮ್ಮ ದೇವಿ ದೇವಸ್ಥಾನ ಸವದತ್ತಿಚಾರ್ಲಿ ಚಾಪ್ಲಿನ್ದೇವರ ದಾಸಿಮಯ್ಯಚಿಪ್ಕೊ ಚಳುವಳಿಎರಡನೇ ಮಹಾಯುದ್ಧಕ್ರೈಸ್ತ ಧರ್ಮಕನ್ನಡದಲ್ಲಿ ಮಹಿಳಾ ಸಾಹಿತ್ಯತ್ರಿಪದಿಆನಂದಕಂದ (ಬೆಟಗೇರಿ ಕೃಷ್ಣಶರ್ಮ)ಭಾರತದ ಸ್ವಾತಂತ್ರ್ಯ ದಿನಾಚರಣೆಕರ್ನಾಟಕ ಸಶಸ್ತ್ರ ಬಂಡಾಯಕೇಶಿರಾಜಪ್ರಾಚೀನ ಈಜಿಪ್ಟ್‌ಹೊಯ್ಸಳ ವಾಸ್ತುಶಿಲ್ಪಅಮ್ಮನೀತಿ ಆಯೋಗಸಂಗೊಳ್ಳಿ ರಾಯಣ್ಣಕರ್ನಾಟಕ ಹೈ ಕೋರ್ಟ್ಭರತನಾಟ್ಯಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತ ಕನ್ನಡ ಭಾಷಾ ಸಾಹಿತಿಗಳುಸವದತ್ತಿ1947-1948 ರ ಇಂಡೋ-ಪಾಕಿಸ್ತಾನ ಯುದ್ಧಮಯೂರಶರ್ಮಮಾನವ ಹಕ್ಕುಗಳುಕ್ಯಾನ್ಸರ್ಭಾರತ ಬಿಟ್ಟು ತೊಲಗಿ ಚಳುವಳಿಯಣ್ ಸಂಧಿಸಿದ್ದಲಿಂಗಯ್ಯ (ಕವಿ)ಅಲಂಕಾರಅವರ್ಗೀಯ ವ್ಯಂಜನಮಂಗಳಮುಖಿನರರೋಗ(Neuropathy)ಕಾಲಾಯ ತಸ್ಮೈ ನಮಃ (ಚಲನಚಿತ್ರ)ಭಾರತದ ರಾಷ್ಟ್ರಪತಿವಸಾಹತು ಭಾರತಆಯ್ದಕ್ಕಿ ಲಕ್ಕಮ್ಮನವೋದಯಸಂವಹನಶಿವಪ್ಪ ನಾಯಕದಾದಾ ಭಾಯಿ ನವರೋಜಿಹೂವುಮೂಲಧಾತುಭಾರತದ ಪ್ರಧಾನ ಮಂತ್ರಿಭಾರತದಲ್ಲಿ ಬ್ರಿಟಿಷ್ ಆಳ್ವಿಕೆದ್ವಿಗು ಸಮಾಸ🡆 More