ನಿಂಬೆ: ಸಸ್ಯದ ನೋಥೋಸ್ಪೀಸೀಸ್

ನಿಂಬೆಯು ಸದಾ ಹಸಿರಾಗಿರುವ ಒಂದು ಚಿಕ್ಕ ಮರ, ರೂಟೇಸೀ ಕುಟುಂಬಕ್ಕೆ ಸೇರಿದ ಜನಪ್ರಿಯ ಫಲವೃಕ್ಷ (ಲೈಮ್).

ಲಿಂಬೆ
ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ
Scientific classification
ಸಾಮ್ರಾಜ್ಯ:
plantae
(ಶ್ರೇಣಿಯಿಲ್ಲದ್ದು):
ಆವೃತ ಬೀಜಿಗಳು
(ಶ್ರೇಣಿಯಿಲ್ಲದ್ದು):
ಯೂಡಿಕೋಟ್ಸ್
(ಶ್ರೇಣಿಯಿಲ್ಲದ್ದು):
ರೋಸಿಡ್ಸ್
ಗಣ:
Sapindales
ಕುಟುಂಬ:
Rutaceae
ಕುಲ:
ಸಿಟ್ರಸ್
ಪ್ರಜಾತಿ:
C. × limon
Binomial name
Citrus × limon, often given as C. limon
(L.) Burm.f.

ಇದಕ್ಕೆ ನಿಂಬೆಗಿಡ ಎಂದು ಕೂಡ ಕರೆಯಲಾಗುತ್ತದೆ.

ಬಾಳೆ ಮತ್ತು ಮಾವಿನ ನಂತರ ಅತಿ ಹೆಚ್ಚು ಬೇಡಿಕೆ ಇರುವ ಹಣ್ಣಿನ ಬೆಳೆಯೇ ನಿಂಬೆ. ತೋಟಗಾರಿಕೆ ಬೆಳೆಯಾಗಿರುವ ಇದು ಕಡಿಮೆ ಫಲವತ್ತತೆಯ ಮಣ್ಣಿನಲ್ಲಿ ಚೆನ್ನಾಗಿ ಬೆಳೆಯುವ ಗುಣ ಹೊಂದಿದೆ. ಇದು ವಿಟಾಮಿನ್ ಸಿ ಅನ್ನು ಯಥೇಚ್ಛವಾಗಿ ಹೊಂದಿದೆ. ಇದರ ವೈಜ್ಞಾನಿಕ/ಶಾಸ್ತ್ರೀಯ ಹೆಸರು ಸಿಟ್ರಸ್ ಆರಂಟಿಫೋಲಿಯ ( Citrus aurantifolia).

ವಿವರಣೆ

ಇದು ಸುಮಾರು 5 ಮೀ. ಎತ್ತರಕ್ಕೆ ತುಂಬ ಕವಲೊಡೆದು ಬೆಳೆಯುವ ಸಣ್ಣ ಗಾತ್ರದ ಮರ. ಕಾಂಡದುದ್ದಕ್ಕೂ ಚಿಕ್ಕ ಚಿಕ್ಕ ಮುಳ್ಳುಗಳುಂಟು. ಸರಳ, ಪರ್ಯಾಯ ಮಾದರಿಯಲ್ಲಿ ಜೋಡಣೆಗೊಂಡಿದೆ. ಎಲೆತೊಟ್ಟಿನ ಆಚೀಚೆ ಸಣ್ಣರೆಕ್ಕೆಯಂಥ ರಚನೆಗಳುಂಟು. ಎಲೆಗಳಲ್ಲಿ ತೈಲಗ್ರಂಥಿಗಳಿವೆ. ಇವುಗಳಲ್ಲಿ ಉತ್ಪತ್ತಿಯಾಗುವ ತೈಲದಿಂದಾಗಿ ಎಲೆಗಳಿಗೆ ವಾಸನೆಯಿದೆ. ಹೂಗೊಂಚಲುಗಳು ಎಲೆಗಳ ಕಂಕುಳಲ್ಲಿ ಸ್ಥಿತವಾಗಿವೆ. ಒಂದೊಂದರಲ್ಲೂ 1-7 ಹೂಗಳುಂಟು. ಹೂಗಳ ಬಣ್ಣ ಬಿಳಿ. ಪ್ರತಿ ಹೂವಿನಲ್ಲಿ 5 ದಳಗಳು, 20-25 ಕೇಸರಗಳು, 9-11 ಕೋಣೆಗಳಿಂದ ಕೂಡಿದ ಅಂಡಾಶಯ ಉಂಟು. ಫಲ ಹೆಸ್ಪರಿಡಿಯಮ್ ಎಂಬ ಬಗೆಯದು. ಗುಂಡಗೆ ಇಲ್ಲವೆ ಅಂಡಾಕಾರವಾಗಿದೆ. ಹಣ್ಣಿನ ಬಣ್ಣ ಹಳದಿ. ಸಿಪ್ಪೆ ತೆಳು; ತಿರುಳಿಗೆ ಬಲವಾಗಿ ಅಂಟಿಕೊಂಡಿದೆ. ಒಳಗೆ ಅನೇಕ ತೊಳೆಗಳನ್ನು ಬಿಡಿಸಲು ಬಾರದು. ಹಣ್ಣಿನ ರಸದಲ್ಲಿ ಇತರ ಜಂಬೀರ ಫಲಗಳ ರಸದಲ್ಲಿರುವಂತೆಯೇ ಅಧಿಕ ಮೊತ್ತದ ಸಿಟ್ರಿಕ್ ಆಮ್ಲ ಹಾಗೂ ಸಿ. ವೈಟಮಿನ್ನುಗಳಿವೆ.

ಇದರ ರುಚಿ ತುಂಬ ಹುಳಿಯಾಗಿದ್ದು, ಸ್ವಲ್ಪ ಒಗರು ಒಗರಾಗಿರುತ್ತದೆ.

ಇದು ಆಯುರ್ವೈದಿಕ ಔಷಧೀಯ ಗುಣಗಳನ್ನು ಹೊಂದಿದೆ.

ವ್ಯಾಪ್ತಿ ಮತ್ತು ಮೂಲ

ನಿಂಬೆ ಉಷ್ಣವಲಯದ ದೇಶಗಳಲ್ಲೆಲ್ಲ ಕಾಣದೊರೆಯುತ್ತದೆ. ಇದು ಮೂಲತಃ ಏಷ್ಯಾದ ಮೂಲದ್ದಾಗಿದೆ. ಇದು ಪೂರ್ವ ಏಷ್ಯದ ದ್ವೀಪಸಮೂಹಗಳ ಮೂಲ ನಿವಾಸಿಯೆಂದೂ ಅಲ್ಲಿಂದ ಇದನ್ನು ಏಷ್ಯದ ಮುಖ್ಯ ಭೂಭಾಗಕ್ಕೆ ಕೊಂಡೊಯ್ಯಲಾಯಿತೆಂದೂ ಸ್ವಿಂಗಲ್ ಎಂಬಾತ ಹೇಳಿದರೆ ಉತ್ತರ ಭಾರತದಲ್ಲಿ ಕಾಡುಗಿಡವಾಗಿ ಬೆಳೆಯುತ್ತಿರುವುದಾಗಿ ಇದರ ತವರು ಭಾರತವೇ ಇರಬೇಕೆಂದು ಇನ್ನು ಕೆಲವರು ಅಭಿಪ್ರಾಯಪಡುತ್ತಾರೆ. ಇದನ್ನು 13ನೆಯ ಶತಮಾನದಲ್ಲಿ ಯೂರೋಪಿಗೆ ತೆಗೆದುಕೊಂಡು ಹೋಗಿ ಬೆಳೆಸಲಾಯಿತೆನ್ನಲಾಗಿದೆ. ಸ್ಪ್ಯಾನಿಷರ ಮೂಲಕ ಇದು ಅಮೆರಿಕವನ್ನು ಸೇರಿತು. ಇಂದು ಮೆಕ್ಸಿಕೊ, ಈಜಿಪ್ಟ್, ವೆಸ್ಟ್ ಇಂಡೀಸುಗಳು ಇದರ ಕೃಷಿಗೆ ಹೆಸರಾಗಿವೆ.

ಬೆಳೆಯುವ ವಿಧಾನ

ಮೊದಲು 2x2 ಉದ್ದಗಲ ಮತ್ತು ಅಷ್ಟೇ ಆಳದ ಗುಂಡಿ ತೊಡಬೇಕು. ಗಿಡದಿಂದ ಗಿಡಕ್ಕೆ 18 ಅಡಿ ಅಂತರ ಇರಬೇಕು. ಗುಂಡಿ ತೋಡಿ 15 ದಿನ ಬಿಸಿಲಿಗೆ ಒಣಗಲು ಬಿಡಬೇಕು. ಬಳಿಕ ಗುಂಡಿ ತೋಡಿದ ಮೇಲ್ಭಾಗದ ಮಣ್ಣನ್ನು ಗುಂಡಿಗೆ ಹಾಕಬೇಕು. ಅದಕ್ಕೆ ಕಾಂಪೋಸ್ಟ್, ಎರೇಹುಳು ಗೊಬ್ಬರ ಕೊಡಬೇಕು. ನಂತರ ಗುಂಡಿಯಲ್ಲಿ ಗಿಡ ನೆಡಬೇಕು. ಎಕರೆಗೆ ನೆಡಲು 100 ಗಿಡ ಬೇಕಾಗುತ್ತದೆ. ಬಳಿಕ ನಿಯಮಿತವಾಗಿ ನೀರು ಹಾಯಿಸಬೇಕು. ಇದರ ಮಧ್ಯೆ ಅಂತರ ಬೇಸಾಯವಾಗಿ ವಿವಿಧ ಬೆಳೆ ಬೆಳೆಯಬಹುದು. ನಿಂಬೆ ಗಿಡ ನೆಟ್ಟ 6 ವರ್ಷದವರೆಗೆ ಅಂತರ ಬೇಸಾಯ ಮಾಡಬಹುದು. ನಿಂಬೆ ಗಿಡ ನೆಟ್ಟ 4ನೇ ವರ್ಷದಿಂದ ಹಣ್ಣು ಬಿಡಲು ಶುರು ಮಾಡುತ್ತದೆ. ಚೆನ್ನಾಗಿ ನಿರ್ವಹಣೆ ಮಾಡಿದರೆ ಗಿಡದಿಂದ ವರ್ಷಕ್ಕೆ 2 ಸಾವಿರದಿಂದ 3 ಸಾವಿರದವರೆಗೆ ನಿಂಬೆ ಹಣ್ಣು ಸಿಗುತ್ತದೆ. ಜೂನ್‌ದಿಂದ ಆಗಸ್ಟ್‌ವರೆಗೆ ನಿಂಬೆ ಗಿಡ ನಾಟಿ ಮಾಡಲು ಪ್ರಶ್ಶಸ್ತ. ಒಂದು ನಿಂಬೆ ಗಿಡ ನೆಟ್ಟರೆ ಕನಿಷ್ಠ 50 ವರ್ಷದವರೆಗೆ ಇಳುವರಿ ಪಡೆಯಬಹುದು.

ಇದರಲ್ಲಿ ಪ್ರಮುಖವಾಗಿ ಕಾಗ್ಜಿ ಲೈಮ್ ಮತ್ತು ತಾಹೇತಿ ನಿಂಬೆ ಮತ್ತು ಸ್ಥಳೀಯ ತಳಿಗಳು

ನಿಂಬೆಯನ್ನು ಬೀಜಗಳಿಂದಾಗಲೀ ಕಣ್ಣು ಕಸಿ ಇಲ್ಲವೆ ಗೂಟ ವಿಧಾನದಿಂದಾಗಲೀ ವೃದ್ಧಿಸಬಹುದು. ಬೀಜಗಳಿಂದ ಬೆಳೆಸಿದ ಗಿಡಗಳು ಹೆಚ್ಚು ಫಲ ಕೊಡುವುದಿಲ್ಲ. ನಿಂಬೆಗಿಡಗಳನ್ನು ಗಿಡದಿಂದ ಗಿಡಕ್ಕೆ 3-4 ಮೀ ಅಂತರವಿರುವಂತೆ ಬೆಳೆಸಲಾಗುತ್ತದೆ. 3ಮೀ ಅಂತರ ಬಿಟ್ಟರೆ ಎಕರೆಗೆ 300 ಸಸಿಗಳೂ 4 ಮೀ ಅಂತರ ಬಿಟ್ಟರೆ 190 ಸಸಿಗಳೂ ಇದ್ದಂತಾಗುವುವು. ನಿಂಬೆ ಬೆಳೆಸುವ ನೆಲದಲ್ಲಿ ಎಲೆಗೊಬ್ಬರವೂ, ಕಬ್ಬಿಣ, ತಾಮ್ರ ಮ್ಯಾಂಗನೀಸ್, ಜಿಂಕ್ ಹಾಗೂ ಮೆಗ್ನೀಷಿಯಮ್ ಖನಿಜಗಳೂ ಯಥೇಚ್ಛವಾಗಿರಬೇಕು.

ನಿಂಬೆಯಲ್ಲಿ ಮೆಕ್ಸಿಕನ್ (ವೆಸ್ಟ್ ಇಂಡಿಯನ್) ಹಾಗೂ ತಾಹಿತಿ (ಪರ್ಶಿಯನ್) ಎಂಬ ಮುಖ್ಯ ತಳಿಗಳುಂಟು. ತಾಹಿತಿ ತಳಿಯ ಹಣ್ಣು ಬೀಜರಹಿತ. ಭಾರತದಲ್ಲಿ ಪ್ರಸಿದ್ಧ ತಳಿಗಳಾವುವೂ ಇಲ್ಲ. ಅಸ್ಸಾಮಿನಲ್ಲಿ ಬೆಳೆಯುವ ಅಭ್ಯಾಪುರಿ ಎಂಬುದು ಉತ್ತಮ ಬಗೆಯದೆನಿಸಿದೆ.

ಉಪಯೋಗಗಳು

ನಿಂಬೆಯನ್ನು ಅದರ ತಾಜಾ ಹಣ್ಣಿಗಾಗಿ ಬೆಳೆಸುವುದೇ ವಾಡಿಕೆ. ಇದರ ರಸದಿಂದ ಷರಬತ್ತು ತಯಾರಿಸುವುದಲ್ಲದೆ ಮಾರ್ಮಲೆಂಡ್, ಕಾರ್ಡಿಯಲ್ ಮುಂತಾದವನ್ನೂ ತಯಾರಿಸುವರು. ನಿಂಬೆಯರಸವನ್ನು ಬಟ್ಟಿಯಿಳಿಸಿ ತೈಲವನ್ನು ತೆಗೆವುದಿದೆ. ಸಿಪ್ಪೆಯಿಂದಲೂ ಎಣ್ಣೆಯನ್ನು ಪಡೆಯಬಹುದು. ಈ ಎಣ್ಣೆಯನ್ನು ಪಾನೀಯಗಳಿಗೆ ವಾಸನೆ ಕಟ್ಟಲೂ ಸಿಹಿತಿಂಡಿಗಳ ತಯಾರಿಕೆಯಲ್ಲೂ ಬಳಸುವುದಿದೆ.

ಈ ಗೋಲಾಕಾರದ ಹಳದಿ ಬಣ್ಣದ ಹಣ್ಣುಗಳನ್ನು ಪ್ರಮುಖವಾಗಿ ತಂಪುಪಾನೀಯವಾಗಿ ಬಳಸಲಾಗುವುದು ಹಾಗೂ ಅಡಿಗೆಗೂ ಕೂಡ ಹೇರಳವಾಗಿ ಬಳಸುತ್ತಾರೆ.

ಉತ್ಪಾದನೆ

೨೦೧೦ರಲ್ಲಿ ಭಾರತವು ನಿಂಬೆಯ ಉತ್ಪಾದನೆಯಲ್ಲಿ ಮುಂಚೂಣಿಯಲ್ಲಿತ್ತು.

ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ 
2012 lemon producer countries
ಪ್ರಪಂಚ ಹೆಚ್ಚು ಲಿಂಬೆ ಬೆಳೆಯುವ ದೇಶಗಳು -೨೦೧೧
(ಮಿಲಿಯ ಮೆಟ್ರಿಕ್ ಟನ್ನುಗಳಲ್ಲಿ)
ಸ್ಥಾನ ದೇಶ ಬೆಳೆ
(ಟನ್ನುಗಳಲ್ಲಿ)
1 ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ  ಚೀನಾ 2,318,833
2 ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ  ಮೆಕ್ಸಿಕೋ 2,147,740
3 ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ  ಭಾರತ 2,108,000
4 ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ  ಅರ್ಜೆಂಟೀನ 1,228,656
5 ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ  Brazil 1,126,736
6 ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ  ಅಮೇರಿಕ ಸಂಯುಕ್ತ ಸಂಸ್ಥಾನ 834,610
7 ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ  ಟರ್ಕಿ 790,211
8 ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ  Spain 773,620
9 ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ  ಇರಾನ್ 560,052
10 ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ  Italy 483,088
ಪ್ರಪಂಚ 13,887,894
Source: UN Food & Agriculture Organization

ಇವುಗಳನ್ನೂ ನೋಡಿ

ನಿಂಬೆ: ವಿವರಣೆ, ವ್ಯಾಪ್ತಿ ಮತ್ತು ಮೂಲ, ಬೆಳೆಯುವ ವಿಧಾನ 
ವಿಕಿಸೋರ್ಸ್ ನಲ್ಲಿ ಲಭ್ಯವಿರುವ ಲೇಖನದ ವಿಷಯವನ್ನು ಇಲ್ಲಿ ಅಳವಡಿಸಲಾಗಿದೆ:

ಉಲ್ಲೇಖಗಳು

Tags:

ನಿಂಬೆ ವಿವರಣೆನಿಂಬೆ ವ್ಯಾಪ್ತಿ ಮತ್ತು ಮೂಲನಿಂಬೆ ಬೆಳೆಯುವ ವಿಧಾನನಿಂಬೆ ಉಪಯೋಗಗಳುನಿಂಬೆ ಉತ್ಪಾದನೆನಿಂಬೆ ಇವುಗಳನ್ನೂ ನೋಡಿನಿಂಬೆ ಉಲ್ಲೇಖಗಳುನಿಂಬೆ

🔥 Trending searches on Wiki ಕನ್ನಡ:

ಕ್ಯಾರಿಕೇಚರುಗಳು, ಕಾರ್ಟೂನುಗಳುಜೋಗಿ (ಚಲನಚಿತ್ರ)ಅಲರ್ಜಿಜಾತಿಹಸ್ತ ಮೈಥುನಈಸ್ಟರ್ಕ್ರಿಕೆಟ್ನಾಯಕನಹಟ್ಟಿಇಂಡಿಯನ್ ಪ್ರೀಮಿಯರ್ ಲೀಗ್ಶಬ್ದಆಧುನಿಕ ಶೈಕ್ಷಣಿಕ ತಂತ್ರಜ್ಞಾನ ಪರಿಚಯಟೊಮೇಟೊವಾಣಿವಿಲಾಸಸಾಗರ ಜಲಾಶಯಸಾಮಾಜಿಕ ಸಮಸ್ಯೆಗಳುಹೊಯ್ಸಳ ವಾಸ್ತುಶಿಲ್ಪಅಕ್ಬರ್ಅಮೇರಿಕ ಸಂಯುಕ್ತ ಸಂಸ್ಥಾನಉತ್ತರ ಕನ್ನಡಮಹಾತ್ಮ ಗಾಂಧಿಗಾದೆಕಾಲಾಯ ತಸ್ಮೈ ನಮಃ (ಚಲನಚಿತ್ರ)ವೇಳಾಪಟ್ಟಿಭಾರತದಲ್ಲಿ ಮೀಸಲಾತಿಸುಗ್ಗಿ ಕುಣಿತಕರ್ನಾಟಕ ಜನಪದ ನೃತ್ಯಹಸಿರು ಕ್ರಾಂತಿಪ್ರಧಾನ ಮಂತ್ರಿ ಮಾತೃ ವಂದನಾ ಯೋಜನೆಬೇಲೂರುತುಂಬೆಗಿಡಹರ್ಷವರ್ಧನಪ್ರಜಾಪ್ರಭುತ್ವದಲ್ಲಿ ರಾಜರ ರಾಜ್ಯಗಳ ವಿಲೀನಚಂದ್ರಶೇಖರ ಕಂಬಾರಆಹಾರ ಸಂರಕ್ಷಣೆಕನ್ನಡ ವ್ಯಾಕರಣವಾಯು ಮಾಲಿನ್ಯಭಾರತ ಸಂವಿಧಾನದ ಪೀಠಿಕೆಭಾರತದಲ್ಲಿ ಕೃಷಿತ. ರಾ. ಸುಬ್ಬರಾಯವಿಜಯದಾಸರುಗುಪ್ತ ಸಾಮ್ರಾಜ್ಯಅವರ್ಗೀಯ ವ್ಯಂಜನಸರ್ಪ ಸುತ್ತುಅಲಿಪ್ತ ಚಳುವಳಿಸಿದ್ದರಾಮಯ್ಯಯೋಗಮಾರುಕಟ್ಟೆಭಾರತ ಬಿಟ್ಟು ತೊಲಗಿ ಚಳುವಳಿಕದಂಬ ರಾಜವಂಶಕೆ. ಎಸ್. ನಿಸಾರ್ ಅಹಮದ್ಪ್ರಜಾವಾಣಿರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳಲ್ಲಿ ಕನ್ನಡದ ಪಾಲುಪಾಲಕ್ರನ್ನಬಂಡಾಯ ಸಾಹಿತ್ಯಒಂದನೆಯ ಮಹಾಯುದ್ಧಗ್ರಾಹಕರ ಸಂರಕ್ಷಣೆವೃದ್ಧಿ ಸಂಧಿವಿಜಯಪುರ ಜಿಲ್ಲೆಭಾರತ ಚೀನಾ ಗಡಿ ವಿವಾದಆರ್.ಟಿ.ಐದೇವತಾರ್ಚನ ವಿಧಿಶಿವಕೋಟ್ಯಾಚಾರ್ಯಶ್ರೀವಿಜಯಅಂಬಿಗರ ಚೌಡಯ್ಯನವ್ಯಶಿವಕುಮಾರ ಸ್ವಾಮಿಸಾರ್ವಜನಿಕ ಹಣಕಾಸುಕರ್ನಾಟಕದ ಏಕೀಕರಣಪರ್ಯಾಯ ದ್ವೀಪಫುಟ್ ಬಾಲ್ಮೂಢನಂಬಿಕೆಗಳುಹೃದಯಕರ್ನಾಟಕದ ವಾಸ್ತುಶಿಲ್ಪಹಳೆಗನ್ನಡಚಿಕ್ಕ ದೇವರಾಜಭಾಸಕುದುರೆಶಿವಮೊಗ್ಗ🡆 More