ಬಿಡುವು ಶಬ್ದವನ್ನು ಹಲವುವೇಳೆ ಅನುಭವದ ಗುಣಮಟ್ಟ ಅಥವಾ ಪುರುಸೊತ್ತಿನ ಸಮಯ ಎಂದು ವ್ಯಾಖ್ಯಾನಿಸಲಾಗಿದೆ.
ಪುರುಸೊತ್ತಿನ ಸಮಯವೆಂದರೆ ವ್ಯಾಪಾರ, ಕೆಲಸ, ಕೆಲಸದ ಹುಡುಕಾಟ, ಮನೆಗೆಲಸ, ಮತ್ತು ಶಿಕ್ಷಣ, ಜೊತೆಗೆ ನಿದ್ದೆ ಮತ್ತು ತಿನ್ನಾಟದಂತಹ ಅಗತ್ಯ ಚಟುವಟಿಕೆಗಳಿಂದ ದೂರ ಕಳೆಯಲಾದ ಸಮಯ. ಸಂಶೋಧನೆಯ ದೃಷ್ಟಿಯಿಂದ, ಈ ವಿಧಾನವು ಕಾಲ ಮತ್ತು ಸಮಯದ ಕುರಿತು ಅಳೆಯಬಹುದಾದ ಮತ್ತು ಹೋಲಿಸಬಹುದಾದ ಅನುಕೂಲಗಳನ್ನು ಹೊಂದಿದೆ.
ಅನುಭವವಾಗಿ ಬಿಡುವು ಸಾಮಾನ್ಯವಾಗಿ ಗ್ರಹಿಸಿದ ಸ್ವಾತಂತ್ರ್ಯ ಮತ್ತು ಆಯ್ಕೆಯ ಆಯಾಮಗಳಿಗೆ ಪ್ರಾಧಾನ್ಯನೀಡುತ್ತದೆ. ಇದನ್ನು ಅನುಭವ ಮತ್ತು ಒಳಗೊಳ್ಳುವಿಕೆಯ ಗುಣಮಟ್ಟಕ್ಕಾಗಿ ಮಾಡಲಾಗುತ್ತದೆ. ಮನರಂಜನೆ ಬಿಡುವಿನಿಂದ ಭಿನ್ನವಾಗಿದೆ, ಹೇಗೆಂದರೆ ಮನರಂಜನೆಯು ಚಟುವಟಿಕಾ ಸಂದರ್ಭಗಳಲ್ಲಿ ಬಿಡುವಿನ ಅನುಭವವನ್ನು ಒಳಗೊಳ್ಳುವ ಒಂದು ಉದ್ದೇಶಪೂರ್ವಕ ಚಟುವಟಿಕೆ.
ಬಿಡುವು ಮತ್ತು ತಪ್ಪಿಸಲಾಗದ ಚಟುವಟಿಕೆಗಳ ನಡುವಿನ ವ್ಯತ್ಯಾಸ ಕಟ್ಟುನಿಟ್ಟಾಗಿ ವ್ಯಾಖ್ಯಾನಿಸಲಾದದ್ದೇನಲ್ಲ, ಉದಾ. ಕೆಲವೊಮ್ಮೆ ಜನರು ಕೆಲಸ-ಉದ್ದೇಶಿತ ಕಾರ್ಯಗಳನ್ನು ಸಂತೋಷಕ್ಕಾಗಿ ಜೊತೆಗೆ ದೀರ್ಘಾವಧಿಯ ಉಪಯುಕ್ತತೆಗಾಗಿ ಮಾಡುತ್ತಾರೆ. ಖಂಡಿತವಾಗಿ ಬಹುತೇಕ ಜನರ ಬಿಡುವಿನ ಚಟುವಟಿಕೆಗಳು ಸಂಪೂರ್ಣವಾಗಿ ಮುಕ್ತ ಆಯ್ಕೆಯಾಗಿರುವುದಿಲ್ಲ ಮತ್ತು ಸಾಮಾಜಿಕ ಒತ್ತಡಗಳಿಂದ ನಿರ್ಬಂಧಿತವಾಗಿರಬಹುದು, ಉದಾ. ನೆರೆಹೊರೆಯ ತೋಟಗಳ ಗುಣಮಟ್ಟಕ್ಕೆ ಸರಿಸಮನಾಗುವ ಅಗತ್ಯದಿಂದ ಜನರು ತೋಟದ ಕೆಲಸದಲ್ಲಿ ಕಾಲ ಕಳೆಯುವುದಕ್ಕೆ ಅಥವಾ ಸಾಮಾಜಿಕ ಒತ್ತಡಗಳ ಕಾರಣದಿಂದ ಪಾರ್ಟಿಗಳಿಗೆ ಹೋಗುವುದಕ್ಕೆ ಒತ್ತಾಯಕ್ಕೊಳಪಟ್ಟಿರಬಹುದು.
ಸಾಮಾಜಿಕ ಬಿಡುವು ಒಂದು ಸಂಬಂಧಿತ ಪರಿಕಲ್ಪನೆಯಾಗಿದೆ. ಇದು ಸಾಮಾಜಿಕ ಸನ್ನಿವೇಶದಲ್ಲಿ ಬಿಡುವಿನ ಚಟುವಟಿಕೆಗಳನ್ನು ಒಳಗೊಳ್ಳುತ್ತದೆ, ಉದಾಹರಣೆಗೆ ಪಠ್ಯೇತರ ಚಟುವಟಿಕೆಗಳು, ಕ್ರೀಡೆ, ಕ್ಲಬ್. ಕುಟುಂಬದವರೊಡನೆ ಬಿಡುವು ಮತ್ತೊಂದು ಸಂಬಂಧಿತ ಪರಿಕಲ್ಪನೆಯಾಗಿದೆ. ಇತರರೊಂದಿಗಿನ ಸಂಬಂಧಗಳು ಸಾಮಾನ್ಯವಾಗಿ ತೃಪ್ತಿ ಮತ್ತು ಆಯ್ಕೆ ಎರಡರಲ್ಲೂ ಪ್ರಮುಖ ಅಂಶವಾಗಿರುತ್ತವೆ.
ಬಿಡುವಿನ ಚಟುವಟಿಕೆಗಳು ತೀರಾ ಅನೌಪಚಾರಿಕ ಹಾಗೂ ಸಾಂದರ್ಭಿಕದಿಂದ ಹಿಡಿದು ತೀರಾ ಸಂಘಟಿತ ಮತ್ತು ದೀರ್ಘಾವಧಿಯ ಚಟುವಟಿಕೆಗಳವರೆಗೆ ವಿಸ್ತರಿಸುತ್ತವೆ. ಹವ್ಯಾಸಗಳು ಬಿಡುವಿನ ಚಟುವಟಿಕೆಗಳ ಒಂದು ಗಮನಾರ್ಹ ಉಪವರ್ಗವಾಗಿವೆ. ಹವ್ಯಾಸಗಳನ್ನು ವೈಯಕ್ತಿಕ ತೃಪ್ತಿಗಾಗಿ ಕೈಗೊಳ್ಳಲಾಗುತ್ತದೆ, ಸಾಮಾನ್ಯವಾಗಿ ನಿಯಮಿತವಾಗಿ. ಕೌಶಲ್ಯ ಅಭಿವೃದ್ಧಿ ಅಥವಾ ಗುರುತಿಸಲ್ಪಟ್ಟ ಸಾಧನೆಯ ಮೂಲಕ ಇವುಗಳಿಂದ ತೃಪ್ತಿ ಸಿಗುತ್ತದೆ. ಹವ್ಯಾಸಗಳ ಪಟ್ಟಿ ಸಮಾಜ ಬದಲಾದಂತೆ ಸದಾ ಬದಲಾಗುತ್ತಿವೆ.
This article uses material from the Wikipedia ಕನ್ನಡ article ಬಿಡುವು, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.