សេរីនិយមគឺជាសិទ្ធិមនុស្សក្នុងការរស់រានមានជីវិត សេរីភាព កម្មសិទ្ធិ សមភាពចំពោះមុខច្បាប់ សេរីភាពក្នុងការបញ្ចេញមតិ ការបោះពុម្ពផ្សាយ ការប្រជុំ ការចូលរួមក្នុងការសម្រេចចិត្តរបស់រដ្ឋ។ មាគ៌ាអភិវឌ្ឍន៍របស់ពួកសេរីនិយមគឺ កំណែទម្រង់ ជៀសវាងដាច់ខាតមាគ៌ាបដិវត្តន៍។ ពួកសេរីនិយមទាមទារកាត់បន្ថយសកម្មភាពអំណាចរដ្ឋតាមរយៈច្បាប់ និងអនុម័តយកនូវការបែងចែកស្ថាប័នអំណាចជាបីដោយឯករាជ្យពីគ្នា។ គោលការណ៍នេះចេញមកពីទ្រឹស្តីរបស់ទស្សនវិទូអង់គ្លេសលោក ចន ឡុក និងទស្សនវិទូជនជាតិបារាំងលោក ឆាលល្វី ម៉ុងតេស្គីយឺ។ ដោយឈរលើគោលការណ៍សេរីបុគ្គល ពួកសេរីនិយមបានធ្វើសេចក្តីសម្រេចចិត្តចិត្តបញ្ហាបុគ្គលដោយអះអាងថា មនុស្សម្នាក់ៗត្រូវទទួលខុសត្រូវលើភាពសុខដុមរមនារបស់ខ្លួនឯង។ ក្នុងវិស័យសេដ្ឋកិច្ចពួកសេរីនិយមមានគោលការណ៍គាំទ្រដល់ប្រព័ន្ធសេដ្ឋកិច្ចទីផ្សារសេរី និងការប្រកួតប្រជែងរវាងសហគ្រិន ដោយគ្មានអ្នកណានៅពីក្រោយ គ្មានអាជ្ញាកណ្តាល តែទទួលជ័យជំនះដោយសុច្ចរិត។ អ្នកសុទិដ្ឋិនិយមទាមទារមិនឱ្យមានការធ្វើអន្តរាគមន៍ពីអំណាចរដ្ឋនៅក្នុងដំណើរប្រកួតប្រជែងដោយស្មោះត្រង់។ រដ្ឋមានសមត្ថកិច្ចតែម្យ៉ាងគឺត្រូវការពារ និងធានាសេរីភាពតាមច្បាប់ដលសហគ្រាសឯកជន ធ្វើយ៉ាងណាដកខ្លួនឱ្យផុតដោយមិនលូកដៃចូលក្នុងបញ្ហាទំនាក់ទំនងទីផ្សារ ពោលគឺរដ្ឋមាននាទីជា ឆ្មាំពេលយប់ ការពារទ្រព្យសម្បត្តិ។
This article uses material from the Wikipedia ភាសាខ្មែរ article សេរីនិយម, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.