ភូមិស្យាបឹងវែង

ភូមិស្យាបឹងវែង ( ខ្មែរ: ស្យាបឹងវែង ; ឡាតាំង​ “Sya Boeng Vaeng”) ជា ភូមិមួយស្ថិតនៅភូមិស្យាបឹងវែង ឃុំបារាយណ៍ ក្នុង ស្រុកស្រីសន្ធរ ខេត្តកំពង់ចាម ប្រទេសកម្ពុជា ។| ភូមិស្យាបឹងវែង ( Sya Boeng Veng) ជាភូមិមួយស្ថិតនៅក្នុង ឃុំបារាយណ៍ ស្រុកស្រីសន្ធរ ខេត្តកំពង់ចាម ។ ទីតាំង ភូមិស្យាបឹងវែមានព្រំប្រទល់ខាងកើតជាប់ភូមិក្សេរ ឃុំព្រែករំដេង ខាងលិចជាប់ ឃុំបារាយណ៍ ខាងត្បូងជាប់ព្រំប្រទល់ខេត្តព្រៃវែង ខាងជើងជាប់បឹងស្យា ។ ភូមិនេះជាទីតាំងប្រវត្តិសាស្រ្ត រាជ្យសម័យព្រះបាទពញាយ៉ាត ពេលព្រះអង្គបានបោះបង់ទីក្រុងអង្គរ មកតាំងនៅក្រុងទួលបាសាន ក្នុងនោះមានភូមិស្យាបឹងវែងមួយ ជាភូមិដែលជាប់នឹងឃុំបារាយណ៍ ដែលជាតំបន់ប្រាសាទបុរាណ គឺ ប្រាសាទទួលបាសាន​ ហើយភូមិស្យាបឹងវែងមានប្រជាជនរស់នៅប្រហែលជាង ៦០០​ គ្រួសារ ដោយប្រជាជននៅក្នុងភូមិភាគច្រើនប្រកបមុខរបរចិញ្ចឹមជីវិតដោយពឹងផ្អែកទៅលើកសិកម្ម ជាពិសេស ដំណាំស្រូវ និងចិញ្ចឹមសត្វ ។ ដំណាំស្រូវដែលប្រជាជនធ្វើបែងចែកជាតាមរដូវ មានពីរប្រភេទ គឺដំណាំស្រូវរដូវវស្សា និងដំណាំស្រូវរដូវប្រាំង ។