ភិក្ខុសោម
ព្រះបទុវមត្ថេរ សោម (១៨៥៣-១៩៣២)
ជីវប្រវត្តិ
- កវី សោម កើតឆ្នាំ ១៨៥២ នៅឃុំកំព្រៅ ស្រុកស៊ីធរកណ្ដាល ខេត្តព្រៃវែង។
- បិតានាម ងួន មាតានាម យិន ជាកសិករ។
- អាយុ ១៥ ឆ្នាំ បានរៀនអក្សរ-លេខនព្វន្តនៅក្នុងស្រុកកំណើត ហើយបានបួសជាសាមណេរពីវស្សា ក៏សឹកមកជួយធ្វើការងាររកស៊ី។
- អាយុ ២១ ឆ្នាំ បានឧបសម្បទាជាភិក្ខុ ក្នុងសំណាក់ឧបជ្ឈាយ៍នាម រស់ មាននាមបញ្ញត្តិថា បទុមត្ថេរ និងបានបន្តការសិក្សានៅក្នុងក្រុងភ្នំពេញអស់ជាច្រើនឆ្នាំ ហើយវិលទៅធ្វើជាចៅអធិការនៅវត្តកំព្រៅវិញ។
- មាននិស្ស័យស្លូតបូត ចូលចិត្តអានសាស្ត្រាគម្ពីរ ស្ដាប់ចម្រៀង ចាប៉ី រហូតចេះតែងកាព្យដ៏ប៉ិនប្រសប់។
- លោកសុគតនៅ គ.ស. ១៩៣២ ក្នុងកំណត់ជន្មាយុ ៨០ ឆ្នាំ។
ស្នាដៃ
- រឿង ទុំទាវ (សរសេរពី ព.ស. ២៤៥៨ គ.ស. ១៩១៥)
- រឿងសព្វសិទ្ធិ (មិនមែន សព្វសិទ្ធិ របស់ ម៉ឺនភក្ដីអក្សរតន់ ទេ)
អត្ថបទដកស្រង់
- ...កាលនោះនាងនោជាពិលៀង
- នាងទាវបានឆៀងចរយាត្រា
- កាន់ក្អមថ្និតថ្នមនឹកប្រាថ្នា
- ចូលទៅស្ដាប់ការណ៍ដឹងសេចក្ដី។
- ឈរទ្រឹងខ្លួនពួនចាំស្ដាប់
- ពីរឿងហាក់ផ្កាប់មុខដល់ដី។
- ស្រងាកស្រងោចស្រងល់ស្រី
- នោនឹងបេតីមិនស្ដីសោះ។
- ចាំទៅដល់ផ្ទះប្រាប់ទាវគ្រប់
- ទាវនៅក្នុងម្លប់សមស្រណោះ
- នាងជាម្ដាយទាវមានរបស់
- កូនស្រស់រូបស្រេចដាច់ស្រីផង។
- នោនឹងក្នុងចិត្តគិតស្រេចស្រាប់
- ដងទឹកងូតឆាប់ដើរផ្អៀងផ្អង
- ដល់ផ្ទះនោឡើងទៅជាម្ដង
- សាសងរ៉ាយរាប់ប្រាប់ទៅថា។
- ទាវអើយទាវស្រីសេចក្ដីនេះ
- នេនមួយនោះចេះមើលសាស្ត្រា។
- ពីរោះស្រួយស្រាប់សព្វភាសា
- ដូចសត្វសារិកាពិសាចេក។
This article uses material from the Wikipedia ភាសាខ្មែរ article ភិក្ខុសោម, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.