ភាសាវិទ្យា គឺជាការសិក្សាអំពីភាសាតាមបែបវិទ្យាសាស្ត្រអំពីភាសា។ គេមិនគួរច្រឡំភាសាវិទ្យា និងវេយ្យាករណ៍ឡើយ ព្រោះចំពោះភាសាមួយវេយ្យាករណ៍ជាក្បួនខ្នាតមានលក្ខណៈប្រពៃណីជាង ហើយមានប្រធានបទខ្លះគេសិក្សាក្នុងភាសាវិទ្យាតែពុំមានសេចក្ដីលម្អិតក្នុងវេយ្យាករណ៍ប្រពៃណីឡើយ។ ភាសាវិទ្យាសិក្សាផ្នែកផ្សេងៗនៃភាសា មានដូចជា ការបញ្ចេញសម្លេង ការកត់ត្រាសម្លេង ន័យរបស់ពាក្យ របៀបរៀបលំដាប់ពាក្យឱ្យមានន័យស្ដាប់បាន របៀបប្រើប្រាស់ភាសាតាមបរិបទ និងលក្ខណៈជាច្រើនទៀត។ សាខារបស់ភាសាវិទ្យា ចេះតែកើនឡើងជាបន្តបន្ទាប់តាមកាលសម័យ។ ការរៀបរាប់លម្អិតអំពីភាសាដែលមានវ័យចំណាស់គឺ ការវិភាគភាសាសំស្ក្រឹត ឈ្មោះថា អស្តធ្យយិ (Ashtadhyayi)របស់បាណិនិ (Pāṇini)។ ចំណែកឯ Philology កើតមានមុនភាសាវិទ្យាបច្ចុប្បន្ន តែកាលនោះគេសិក្សាតែពីវេយ្យាករណ៍ និងការប្រើប្រាស់ភាសាដោយផ្អែកលើសម័យកាល ឬ ប្រវត្តិនៃភាសាប៉ុណ្ណោះ។
វិទ្យាស្ថានជាតិភាសាខ្មែរជាផ្នែកមួយនៃរាជបណ្ឌិត្យសភាកម្ពុជា។
ស្ថាប័ននេះ កើតចេញពីអនុក្រឹត្យលេខ ១៨ អនក្រ.បក ចុះថ្ងៃទី៥ មីនា ឆ្នាំ២០០៧ ហើយរលាយទៅវិញស្របពេលដែលក្រុមប្រឹក្សាជាតិភាសាខ្មែរកកើត។
ក្រុមប្រឹក្សាជាតិភាសាខ្មែរ កើតឡើងពីព្រះរាជក្រឹត្យលេខ នស/រកត/០៦១១/៦០០[តំណភ្ជាប់ខូច] ចុះថ្ងៃទី២០ ខែមិថុនា ឆ្នាំ២០១១។ ក្រុមប្រឹក្សាជាតិភាសាខ្មែរ ឋិតនៅក្រោមរដ្ឋបាលនៃទីស្ដីការគណៈរដ្ឋមន្ត្រី។ ក្រុមប្រឹក្សាជាតិភាសាខ្មែរផ្សាយព្រឹត្តិបត្រ និង សទ្ទានុក្រមផ្សេងៗទាក់ទងនឹងភាសាជាតិ។ មកទល់បច្ចុប្បន្ន ការផ្សាយភាគច្រើននិយាយអំពីការប្រើប្រាស់ពាក្យ និងពាក្យថ្មីៗដែលក្រុមប្រឹក្សាប្រកាសឱ្យប្រើ ហើយគេពុំសូវឃើញមានការផ្សាយពីទម្រង់សំនេរច្រើននៅឡើយទេ។
This article uses material from the Wikipedia ភាសាខ្មែរ article ភាសាវិទ្យា, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.