ពិធីកោរជុក គឺជាពិធីដ៏សំខាន់មួយសំរាប់ក្មេងរៀបនិងពេញវ័យ។ ពិធីកោរជុកជាឈ្មោះផ្លូវការ តែតាមពាក្យសាមញ្ញគេហៅថា ពិធីកោរសក់ ឬកោរកំប៉ោយដែលក្មេងប្រុសស្រីទុកលើក្បាលតាំងពីអាយុ ៣ឆ្នាំ រហូតដល់ធំទើបកាត់ជុកនោះ។
ពិធីកោរជុក ជាទំនៀមទំលាប់ខ្មែរដ៏សំខាន់មួយ ដែលមានតាំងពីយូរលង់ណាស់មកហើយ។ ទំនៀមទំលាប់នេះមានឬសគល់តាំងពីសម័យដែលខ្មែរកាន់ព្រហ្មញ្ញសាសនាមកម្លេះ។ តួយ៉ាងនៅលើព្រះវិហារវត្តបូព៌ គេឃើញមានរូបគំនូរ រឿងរាមកេរិ៍្ត ដែលក្នុងនោះ ពាលីបានពអង្គទទៅលើតាបសឫសីកោរជុកនៅក្នុងពិធីមួយ។
នៅសម័យមុន ទំនៀមទំលាប់កោរជុកព្រះញាតិវង្សប្រហែលជាមានទូទៅពុំអាក់ខានឡើយ។ ជាក់ស្តែងនៅដើមសតវត្សទី២០ ពិធីកោរជុកនៃព្រះអង្គម្ចាស់ចន្ទលេខា (ព្រះរាជបុត្រនៃព្រះបាទនរោត្តម) មានសភាពអធិអធមណាស់ ពោលគឺមានរយៈពេល៧ថ្ងៃឯណោះ។ នាពេលបច្ចុប្បន្ន ពិធីកោរជុកនេះស្ទើរតែវិនាសបាត់បង់ទៅហើយ ព្រោះគេឃើញមានរៀបចំម្តងម្កាលនៅតាមនិគមជនបទខ្លះៗប៉ុន្នោះ ដូចជានៅតាមភូមិខ្លះនៅតំបន់អង្គរក្នុងខេត្តសៀមរាប និងភាគខាថជើង ឬភាគពាយព្យនៃប្រទេស។
This article uses material from the Wikipedia ភាសាខ្មែរ article ប្រពៃណីកោរជុក, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.