ប្រភេទមុខងារនៃបណ្ណារក្ស
នៅកម្ពុជា ជាទូទៅបណ្ណារក្សត្រូវបានចែកតួនាទីដាច់ៗពីគ្នាទៅតាមមុខងាររបស់បណ្ណារក្ស មានរៀបរាប់ដូចខាងក្រោម៖
- ប្រធានបណ្ណាល័យ៖ ទទួលបន្ទុកការងាររដ្ឋបាលច្រើនជាង ផ្នែកបច្ចេកទេស ជាអ្នកដេកនាំ គ្រប់គ្រងចាត់ចែងការងារឲ្យបុគ្គលិកទាំងអស់ ព្រមទាំងទទួលបន្ទុកទំនាក់ទំនងខាងក្រៅ។ ទទួលខុសត្រូវសកម្មភាពទាំងអស់និងមានបន្ទុកអំពីគោលការណ៍ នៃការងារឯកសាររបស់បណ្ណាល័យ។
- អនុប្រធាន៖ ជាជំនួយការរបស់ប្រធាន និងជំនួសមុខប្រធាន ពេលប្រធានអវត្តមាន។ ទទួលបន្ទុកលើផ្នែកណាមួយនៃបណ្ណាល័យ ព្រមទាំងមានសិទ្ធិសម្រេចនូវការងារមួយចំនួនជំនួសមុខឲ្យប្រធាន។
- បុគ្គលិករដ្ឋបាល៖ នៅបណ្ណាល័យធំៗ មានរបុគ្គលិកដ្ឋបាលទទួលខុសត្រូវធ្វើលិខិតស្នាមរដ្ឋបាលផ្សេងៗ រៀបចំទុកដាក់ ថែរក្សាឯកសារទុកជាកាលប្បវត្ត។ ឬអាចមានតួនាទីជាអ្នកតាន់ឃ្លាំង និងទទួលខុសត្រូវផ្គត់ផ្គង់សម្ភារបរិក្ខា ដល់ផ្នែកនានារបស់បណ្ណាល័យទាំងមូល។
- បុគ្គលិកទទួលបន្ទុកកាតាឡុក៖ ទទួលខុសត្រូវផ្ទៀងផ្ទាត់ និងត្រួតពិនិត្យឯកសារ ដែលបានចូលមកបណ្ណាល័យ។ បន្ទាប់មកវិភាគខ្លឹមសារ ហើយចុះកូដ ចុះបញ្ជី និងធ្វើកាតាឡុក រៀបចំឡើងធ្នើរ។
- បុគ្គលិកទទួលបន្ទុកខ្ចី-សង៖ ទទួលខុសត្រូវ រ៉ាប់រងចុះឈ្មោះអ្នកអានដែលមចង់ខ្ចីសៀវភៅ និងផ្តល់ព័ត៌មានផ្សេងៗដល់សាធារណជន។ ទទួលខុសត្រូវ ការធ្វើកាតខ្ចី-សងសៀវភៅ និងត្រួតពិនិត្យសៀវភៅដែលត្រឡប់មកវិញ។
- បុគ្គលិកទទួលបន្ទុកវប្បធម៌៖ ទទួលខុសត្រូវ រៀបចំសកម្មភាពវប្បធម៌ផ្សេងៗដូចជា ការតាំងពិព័រណ៍ ជំនួបផ្សេងៗ សន្និសិទ សិក្ខាសាលា ការបណ្ដុះបណ្ដាល ព្រមទាំងទំនាក់ទំនងជាមួយដៃគូរបណ្ណាល័យ និងស្ថាប័ណនានា។
- បុគ្គលិកព័ត៌មានវិទ្យា៖ នៅតាមបណ្ណាល័យធំៗ ដែលមានកុំព្យូទ័រច្រើន ដែលអាចមានបន្ទប់កុំព្យូទ័រច្រើន គេតែងតែមានបុគ្គលិក ផ្នែកព័ត៌មានវិទ្យា ដើម្បីគ្រាប់គ្រង និងទទួលខុសត្រូវ រៀបចំបណ្ដាញកុំព្យូទ័រ ជួសជុល ។ ត្រួតពិនិត្យ និងទទួលខុសត្រូវថែរក្សាណែនាំអ្នកអានឲ្យចេះប្រើប្រាស់ អ៊ីនធឺណិត។ល។
- បុគ្គលិកអ្នកជួសជុលសៀវភៅ៖ បណ្ណាការក្សប្រភេទនេះ ទទួលរ៉ាបរងជួសជុលសៀវភៅ ឯកសារចាស់ៗ ដែលមានអាយុកាលរាប់សិបឆ្នាំ។ បណ្ណរក្ស ឬអ្នកបណ្ណរក្សបន្ទុកជួសជុល ត្រូវតែត្រួតពិនិត្យសៀវភៅជាប្រចាំព្រោះថាមានអ្នកស្រាវជ្រាវមួយចំនួន មិនបានសូវជួយថែរក្សាសៀវភៅ ដូចនេះអាចធ្វើឲ្យសៀវភៅងាយនិងខូច។
- បុគ្គលិកអ្នកយាម សន្ដិសុខ/សម្អាត៖ នៅតាមបណ្ណាល័យធំៗ គេតែងមាន អ្នកយាម ឬសន្ដិសុខ ត្រូវទទួលរាប់រងយាម ឆ្មាំកន្លែង ត្រូតពិនិត្យ លើកដាក់សៀវភៅចូលចេញ ត្រួតពិនិ្យសកម្មភាព អ្នកចូលបណ្ណាល័យ ក្រែង មានអ្នកបន្លំ ឬលួច សម្ភារបណ្ណាល័យ។ អ្នកសម្អាត មានតួនាទីអនាម័យ ក្នុងបណ្ណាល័យ ទាំងក្នុងក្រៅ និងពិសេស សៀវភៅក្នុងបណ្ណាល័យ ជៀសវាងករណីមានសត្វចង្រៃ លូចស៊ី កាត់ នាំឲ្យខូចខាត សម្ភារបណ្ណាល័យ។
This article uses material from the Wikipedia ភាសាខ្មែរ article បណ្ណារក្ស, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.