ទំនៀមទំលាប់ខ្មែរ ជាប្រពៃណីម៉្យាងដែលមានវ័យចំណាស់មួយក្នុងចំណោមប្រទេសក្នុងទ្វីបអាស៊ី ហើយទំនៀមទំលាប់ខ្មែរដូចជា ការធ្វើពិធី អាពាហ៍ពិពាហ៍តាមរបៀបខ្មែរ បុរាណ ពិធីចែចូវ អាណាព្យាបាលកូនប្រុសកូនស្រីជ្រើសយកស្រីណាម្នាក់នៅក្នុងភូមិជាអ្នកមានគូស្រករត្រឹមត្រូវតាមប្រពៃណីដែលមានប្ដីរស់នៅសព្វថ្ងៃ(ចាស់ថា មិនបែកមែកបែកធាង)ជាអ្នកមានចិរិយាសម្បត្តិល្អនិយាយទៅរកនរណាក៍គេស្ដាប់ គេជឿទុកចិត្ត មានជីវភាពធូធារមានកាយសម្បទាគ្រប់គ្រាន់ អោយនាងចូលទៅនិយាយ ការជាមួយឪពុកម្ដាយឬ អាណាព្យាបាលខាងស្រីដោយពាក្យពេចន៍ផ្លែផ្កាជាមុនសិន ដូចពាក្យថា ទឹកដីភូមិនេះស្រស់បំព្រង ដំនាំដាំដុះគ្រប់បែបយ៉ាងដាក់ចុះដុះឡើងអញ្ចឹង បានជាគេមកចង់ផ្ញើរសាច់ផ្ញើរឈាមចង់រួមរស់នៅលើទឹកដីដ៍មានជីជាតិនេះ។ ខាងម្ចាស់ផ្ទះកូនស្រីឮសំដីនេះមិនទាន់តបថាមិចទេគ្រាន់តែសួរថាអីនាង (ឬអ្នកតាមដែលគេអាចហៅបាន) មានការអី?ទឹកដីជ័យភូមិអី?មកអង្គុយលេងសិន (រួចសួរសុខទុក្ខ)រួចបន្តថាមានការអីដែរ។ នាងដែលយើងពឹងនិយាយត្រង់ថា សូមទោសបង (ឬអ្នកតាមស្និទស្នាល)មានគេពឹងពររកខ្ញុំអោយមកចូលចែចូវភ្ជាប់សាច់ភ្ជាប់ឈាមជាមួយ.....។ ម្ដាយឬ ឪពុកខាងស្រីសួរឈ្មោះកូនប្រុស ពូជពង្ស គ្រួសារ គេមានកូនប៉ុន្មាននាក់ ប្រុសប៉ុន្មាន ស្រីប៉ុន្មាន?ហើយត្រូវជាកូនទីប៉ុន្មាន?អាណាព្យាបាលខាងស្រីមិនថាអីទេ ចាំពីគ្រោះជាមួយឪវា ឬ ប៉ាវានិងសួរបងប្អូនសិន។ តាមពិតគេចង់ពិនិត្យលើពូជពង្ស និង ចិរិយាសម្បត្តិរបស់សមីខ្លួន។ នាងដែលគេត្រូវគេពឹងពរនោះត្រូវទៅពីរ បី បួនដង រហូតដល់បានដំណឹងជាវិជ្ជមាន។
This article uses material from the Wikipedia ភាសាខ្មែរ article ទំនៀមទំលាប់ខ្មែរ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.