ដែនជម្រកសត្វព្រៃនៅកម្ពុជា
ដែនជម្រកសត្វព្រៃ ជាដែនធម្មជាតិដែលធានានូវលក្ខខណ្ឌធម្មជាតិចាំបាច់ក្នុងការការពារប្រភេទសត្វព្រៃ និង រុក្ខជាតិរបស់ជាតិសំខាន់ៗ និង សហគមធម្មជាតិ ឬ លក្ខណៈរូបសាស្ត្ររបស់បរិស្ថានជាទីដែលភាវៈទាំងនេះត្រូវការ ជាពិសេសនូវអន្តរាគមន៍ពីមនុស្សសំរាប់ភាពស្ថិតស្ថេររបស់វា។ តំបន់នេះមានសារៈសំខាន់សំរាប់អ្នកទេសចរណ៍ដែលចង់ស្វែងយល់ពីប្រភេទសត្វព្រៃនៅកម្ពុជា។
ដែនជម្រកសត្វព្រៃនៅកម្ពុជាមាន១១កន្លែងគឺ៖
- ភ្នំឱរ៉ាល់ ៖ ស្ថិតនៅក្នុងខេត្តកោះកុង ខេត្តពោធិសាត់ ខេត្តកំពង់ឆ្នាំង ដែលមានផ្ទៃដី ២៥៣ ៧៥០ ហិចតា។ តំបន់នេះសំបូរខ្លា និងដំរី។
- ពាមក្រសោប ៖ ស្ថិតនៅក្នុងខេត្តកោះកុង ដែលមានផ្ទៃដី ២៣ ៧៥០ ហិចតា។ តំបន់នេះសំបូរសត្វស្លាប។
- ភ្នំសំកុស ៖ ស្ថិតនៅក្នុងខេត្តកោះកុង មានផ្ទៃដី ៣៣៣ ៧៥០ ហិចតា។ តំបន់នេះមានដំរី។
- រនាមដូនសំ ៖ ស្ថិតនៅក្នុងខេត្តបាត់ដំបង មានផ្ទៃដី ១៧៨ ៧៥០ ហិចតា។
- គូលែនព្រហ្មទេព ៖ ស្ថិតនៅក្នុងខេត្តសៀមរាប ខេត្តព្រះវិហារ និង ខេត្តឧត្តរមានជ័យ មានផ្ទៃដី ៤០២ ៥០០ ហិចតា។
- បឹងពែរ ៖ ស្ថិតនៅក្នុងខេត្តកំពង់ធំ មានផ្ទៃដី ២៤២ ៥០០ ហិចតា។
- លំផាត់ ៖ ស្ថិតនៅក្នុងខេត្តរតនគិរី និង ខេត្តមណ្ឌលគិរី ដែលមានផ្ទៃដី ២៥០ ០០០ ហិចតា។ តំបន់នេះសំបូរ ខ្ទីង ទន្សោង។
- ភ្នំណាមលៀរ ៖ ស្ថិតនៅក្នុងខេត្តមណ្ឌលគិរី មានផ្ទៃដី ៤៧ ៥០០ ហិចតា។ តំបន់នេះមាន ដំរី ខ្លា និងប្រភេទសត្វស្លាបព្រៃភ្នំជាច្រើនប្រភេទ។
- ភ្នំព្រេច ៖ ស្ថិតនៅក្នុងខេត្តមណ្ឌលគិរី និងខេត្តក្រចេះ ដែលមានផ្ទៃដី ២២២ ៥០០ ហិចតា។ តំបន់នេះមានគោព្រៃ។
- ស្នួល ៖ ស្ថិតនៅក្នុងខេត្តក្រចេះ មានផ្ទៃដី ៧៥ ០០០ ហិចតា។
- ព្រះរការ ៖ ស្ថិតក្នុងខេត្តព្រះវិហារ មានផ្ទៃដី ៩០ ៣៦១ ហិចតា។
This article uses material from the Wikipedia ភាសាខ្មែរ article ដែនជម្រកសត្វព្រៃនៅកម្ពុជា, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.