កំនាព្យខ្មែរ
អ្នកល្ងង់ធំបានតែក្នុងផ្ទះខ្លួន អ្នកមានមាំមួនក្នុងភូមិអាត្មា គេបូជាស្ដេចតែក្នុងរដ្ឋា អ្នកមានវិជ្ជានោះទើបសព្វកាល
ប្រវត្តិកំនាព្យខ្មែរ
អត្ថបទពេញលេញនៅ ប្រវត្តិកំនាព្យខ្មែរ
ទំនាក់ទំនងរវាងកំណាព្យ និងទម្រង់សិល្បៈដទៃទៀត
បើយើងសង្កេតមើលស្នាដៃផ្នែកអក្សរសាស្ត្រ ដែលបុព្វបុរសដូនតាយើងបានបន្សល់ទុកដល់យើងសព្វថ្ងៃនេះ យើងនឹងឃើញភ្លាមថាភាគច្រើនសុទ្ធតែជាកំណាព្យកាព្យឃ្លោង ដូចជារឿងរាមកេរ្តិ៍ រឿងទុំទាវ រឿងទិព្វសង្វារ រឿងកាកី ច្បាប់ប្រុស ច្បាប់ស្រី ច្បាប់កេរ្តិ៍កាល ច្បាប់ក្រម ល្បើកជុចនិងត្រី (។ល។និង។ល។) នេះជាសក្ខីភាពបញ្ជាក់អំពីវិធីសាស្ត្រអប់រំបែបបុរាណរបស់ដូនតាយើង ដែលយករូបភាពកំណាព្យ “ពិរោះត្រចៀក” ជាមធ្យោបាយ ដើម្បីងាយស្រួលបញ្ចូលខ្លឹមសារនៃការអប់រំទូន្មានទាំងឡាយ ដែលលោកចង់បាន ឲ្យទៅដក់ជាប់ចាំជាប់ក្នុងសតិអារម្មណ៍របស់កុលបុត្រកុលធីតារបស់ ខ្លួន។
នៅក្នុងសង្គមកម្ពុជាយើង កំណាព្យមានឥទ្ធិពលធំណាស់។ ក្រៅពីការរស់នៅនិងបំពេញតួនាទីដោយឯកឯង(ស្មូត្រ ឬសូត្រកំណាព្យ) កំណាព្យបានជះឥទ្ធិពល និងមានទំនាក់ទំនងយ៉ាងជិតស្និទ្ធបំផុតជាមួយនឹងទម្រង់សិល្បៈដទៃ ទៀតរបស់ខ្មែរយើង ដូចជា៖ ភ្លេងអារក្ស ភ្លេងប្រពៃណី”ភ្លេងការ” របាំប្រពៃណី របាំបុរាណ ល្ខោនស្រមោល(ស្បែកធំ-ស្បែកតូច) ល្ខោនខោល(ល្ខោនពាក់មុខ) យីកេ អាប៉េ ល្ខោនមហោរី ល្ខោនបាសាក់ អាយ៉ៃ ចាប៉ី(។ល។និង។ល។)។ ទម្រង់សិល្បៈទាំងអស់នេះត្រូវការកំណាព្យជាចាំបាច់ សម្រាប់ជួយកម្រិតទម្រង់ជួយលើកសម្ផស្សនិងសោភ័ណរបស់ខ្លួន។
ចំពោះ អ្នកសិក្សាទម្រង់សិល្បៈខ្មែរវិញ កំណាព្យក៏ជាកត្តាមួយសំខាន់ក្នុងកត្តាច្រើនទៀត ដែលជួយបញ្ជាក់អំពីចំណាស់ និងទម្រង់សិល្បៈនីមួយៗ។ ផ្ទុយទៅវិញទម្រង់សិល្បៈដទៃទៀតក៏បានជះឥទ្ធិពលធំធេងដែរ សម្រាប់បញ្ជាក់អំពីចំណាស់នៃកំណាព្យនីមួយៗរបស់យើង។ ដូច្នេះបើចង់សិក្សាកំណាព្យខ្មែរ គួរសិក្សាពីទម្រង់សិល្បៈខ្មែរដទៃទៀតផង ហើយបើចង់សិក្សាពីទម្រង់សិល្បៈដទៃទៀត ក៏មិនអាចបោះបង់ចោលកំណាព្យបានដែរ។
សិល្បៈតែងកំនាព្យខ្មែរ
អត្ថបទពេញលេញនៅ សិល្បៈតែងកំនាព្យខ្មែរ
ប្រភេទកំនាព្យខ្មែរ
- បទពាក្យ៤
- បទកាកគតិ
- បទបថ្យាវត្ត
- បទកាកគតិ
- បទព្រហ្មគីតិ
- បទពំនោល
- បទបន្ទោលកាក
- បទភុជង្គលីលា
- បទពាក្យ៦
- បទពាក្យ៧
- បទពាក្យ៨
- បទពាក្យ៩
- បទពាក្យ១០
- បទពាក្យ១១
- បទនមោ
- បទកខ
- បទអក្សរលូន
- បទអក្សរសង្វាស
- បទកង្កែបលោតកណ្ដាលស្រះ
- បទកង្កែបលោតលើគោក
- បទកង្កែបលោតស្លាក់ពេជ្រ
- បទកង្កែបលោតផាត់ខ្ចៅ
- បទកាគបរិព័ទ្ធ
- បទនាគគៀវក្រវាត់
- បទនាគរាជប្លែងឫទ្ធិ
- បទសឹង្ហតោលេងកន្ទុយ
- បទពាក្យ៦
- បទរមាំងដើរព្រៃ
- បទផ្កាឈូករីក
- បទក្របចក្រវាឡ
- បទម្ករខ្ជាក់កែវ
- បទឆ័ត្រវីជាន់
- បទរលោកយោលយាវ
- បទរលកខ្ទប់ជ្រាំង
- បទសហរា
- បទវិវិធមាលី
- បទពស់លេបកន្ទុយ
- បទថយក្រោយចូលព្រែក
- បទសត្វកាងស្លាប
- បទរមាំងបើកបាស
- បទទន្សាយទីសទាស
- បទមាន់ទឹកបណ្ដើរកូន
- បទសរថីទាញរថ
- បទអើយរ៉ា
- បទត្រឡាចឡើងទ្រើង
- បទសុក្រទិនវិសាល
- បទសៅរ៍ទិនវិសាល
- បទយត្តិភ័ង្គ
- បទសបាត់សប៉ឹង
- បទជាប់ទង
- បទត្រីពិធព័ន្ធ
- បទសឡាបលូន
- បទវង្សវិចិត្រ
- បទព្រះចន្ទ្របាំងឆ័ត្រ
This article uses material from the Wikipedia ភាសាខ្មែរ article កំនាព្យខ្មែរ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.