កែវ សារ៉ាត់
កែវ សារ៉ាត់ (ជាអក្សឡាតាំង: Keo Sarath)(កើតនៅថ្ងៃទី១០ មីនា ឆ្នាំ ១៩៥៦) គឺជាអ្នកចម្រៀងខ្មែរនៅសម័យមុន ដ៏ល្បីល្បាញមានរហស្សនាមថា អធិរាជថ្គាមខ្លា មហាទំនួញ។ បន្ទាប់ពីភាពល្បីល្បាញរបស់គាត់ លោកកែវ សារ៉ាត់ បានទទួលមរណៈភាពក្នុងឆ្នាំ១៩៩១នៅនិងអាយុ៣៥ឆ្នាំ(នៅទឹកដីសហរដ្ឋអាមេរិក)ដោយសារជំងឺរលាកថ្លើមប្រភេទបេ(B)។
លោក កែវ សារ៉ាត់ | ||
|---|---|---|
| ជីវប្រវត្តិសង្ខេប | ||
| នាមពេញ | កែវ សារ៉ាត់ ឬ ឈុំ តេះឬឈុំកែវសារ៉ាត់ពេជ្រ | |
| រហស្សនាម | អធិរាជថ្គាមខ្លា មហាទំនួញ | |
| សញ្ជាតិ |  កម្ពុជា | |
| អាជីព | អ្នកចម្រៀង | |
| ជំនាញ | អ្នកចម្រៀង | |
| ថ្ងៃខែឆ្នាំកំណើត | 10 មីនា 1956 | |
| ថ្ងៃទទួលមរណភាព | 05 កញ្ញា 1991 | |
| ទទួលមរណភាពដោយសារ | រោគថ្លើមប្រភេទB នៅ សហរដ្ឋអាមេរិក(United States of America) | |
| ស្រុកកំណើត | ភូមិវត្តកំផែង ក្រុងបាត់ដំបង ខេត្តបាត់ដំបង | |
| ឪពុក | យ៉ត ឈុំ | |
| ម្តាយ | គ្រិត សារ៉ាន់ | |
| ភរិយា | ចន្ធូរ | |
| បុត្រ | កូនរបស់លោកមាន3នាក់ | |
ប្រវត្តិ
កែវ សារ៉ាត់ (១៩៥៦-១៩៩១)មានឈ្មោះពិត ឈុំ តេះ កើតនៅថ្ងៃទី១០ ខែមីនា ឆ្នាំ១៩៥៦ នៅក្នុងភូមិវត្តកំផែង ស្រុងបាត់ដំបង ខេត្តបាត់ដំបង ។ លោកជាកូនទី២ ក្នុងចំណោមបងប្អូន៧នាក់ ដែលមានឳពុកឈ្មោះ យ៉ត ឈុំ និងម្ដាយឈ្មោះ គ្រិត សារ៉ាន់ ដែលពួកគាត់ទាំងពីរបានបាត់បង់ជីវិតនៅក្នុងឆ្នាំ១៩៧៧ ។ ក្រោយមកលោក កែវ សារ៉ាត់ បានរត់ចូលក្នុងជំរំជនភៀសខ្លួនខាវអ៊ីដាងនៅក្នុងទឹកដីប្រទេសថៃ។ លោកកែវ សារ៉ាត់ បានរួមរស់ជាមួយនារីម្នាក់ហើយមានកូនមួយ បន្ទាប់មកនារីនោះក៏នាំកូនរត់ចោលលោកបាត់ទៅ។ ក្រោយមកលោកក៏សម្រេចចិត្តរៀបការជាមួយនារីម្នាក់ទៀតឈ្មោះ ចន្ធូរ ហើយបាននាំគ្នាភៀសខ្លួនពីជំរំនោះទៅរស់នៅសហរដ្ឋអាមេរិក។ ឆ្នាំ១៩៨៥ លោកចាប់ផ្ដើមច្រៀងដើម្បីយកប្រាក់មកទ្រទ្រង់គ្រួសារ។ លោកបានច្រៀងថតកាស្សែតឲ្យផលិតកម្ម មយូរា បានប្រហែលជា ៤០ ទៅ៥០បទ ហើយក៏បានងាកមកនិពន្ធបទចំរៀង និងបង្កើតផលិតកម្មខ្លួនឯងនៅក្នុងឆ្នាំ១៩៨៨ ដោយដាក់ឈ្មោះថា ជួងមាស និងចាបមាស ។ បទចម្រៀងដែលធ្វើឲ្យលោកទទួលបានភាពល្បីល្បាញគ្រប់ទិសទីគឺបទ ស្រណោះដីខ្មែរ, ពិសាខដើមឆ្នាំ ជាដើម ។ លោកកែវ សារ៉ាត់ ទទួលមរណភាពនៅថ្ងៃទី០៥ ខែកញ្ញា ឆ្នាំ១៩៩១ នៅទីក្រុងឡុងប៊ិច, សហរដ្ឋអាមេរិក ដោយរោគថ្លើមប្រភេទបេ (B) ។
ចម្រៀងទោល
- កញ្ញាដកម៉ៃ
- ស្រណោះដីខ្មែរ
- រំដួលក្រចេះ
- គាប់ជួនថ្ងៃបុណ្យ
- រងារផ្កាគរ
- សម្រស់នារីខ្មែរ
- ស្រីក្រមុំ
- រូបខ្ញុំអ្នកក្រ
- ឈាមអនាថា
- ថាមពលដុល្លា
- ស្នេហាថ្មោងថ្មី
- ខ្លាចហើយចិត្តស្រី
- ដាច់ចិត្តអ្វីម៉េះ
- ខាវអីដាងដួងចិត្ត
- ឆ្នាំមុន
- ស្រីចិត្តចុងស្រល់
- ទទួលសំបុត្រ
- ពិសាខដើមឆ្នាំ
- ព្រៃភ្នំជុំចិត្ដ
- ក្រមុំឈៀងម៉ៃ
- ស្ដាយពន្លកស្នេហ៍
- ពីរឆ្នាំកន្លង
- អូនយកថ្មីចុះ
- ចង់បានកូនប្រើ
- ចម្លើយឆ្លើយប្រាប់
- នេះរឺកម្មខ្ញុំ
- សូរិយាគងភ្នំ
- អកព្រាត់ទ្រនំ
- បងស្រឡាញ់ស្រីខ្មៅ
- នឹកអូនណាស់
- ទំនួញជីវិត
- ឆ្ងាយពីអូន
- គោកធ្លកជម្រកខ្ញុំ
- ស្រម៉ៃនិស្ស័យស្នេហ៍
- កុកហើរកាត់ក្រុង
- មហាស្រណោះ
- ស្មានរកគ្មាន
- សួនស្នេហ៍ឡុងប៊ិច
- សូមអុនមេត្តា
- សាងភ្នួសចុះអូន
- តូចតន់មាសបង
- សន្ទូចបងមួយ
- រងារផ្កាគរ
- បើស្រីស្លកុក
- សុបិន្តចម្លែក
- សុពណ៌ទេវី
- ភ្នំពេញអនុស្សា
- កវីសេកសោម
- ជាប់ទោសព្រោះស្នេហ៍
- លាអូនឆ្លងដែន
- ក្បូនជីវិត
- ដង្កូវប្រែរូប
- វណ្ណៈស្នេហ៍
- ចំណងដៃទឹកភ្នែក
- រដូវភ្លៀងធ្លាក់
- ស្វាយគោបនិមិត្ត
- ដំណើរឆ្លងដែន
- រសៀលជ្រៀលជ្រេ
- មើលវាលធំធេង
- សុរិយាគងព្រៃ
This article uses material from the Wikipedia ភាសាខ្មែរ article កែវ សារ៉ាត់, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.