កិច្ចតែងការ
កិច្ចតែងការ (Lesson Plan) ជាអត្តបទ ដែលគេសរសេរត្រៀមមុនបង្រៀន ។ កិច្ចតែងការ ត្រូវបានសរសេរដោយប្រើវិធីខុសៗ គ្នា ទៅតាម តំបន់ ប្រទេស ឬ ឯកទេសរៀងៗខ្លួន។ ប៉ុន្តែ ភាគច្រើន កិច្ចតែងការតែងតែមានគំរូនៃការសរសេរច្បាស់លាស់។ មុននឹងចូលដល់ខ្លឹមសារមេរៀន គេចាំបាច់កំណត់វត្ថុបំណងជាមុនសិន។ ត្រូដឹងថា តើអ្វីជាការកំណត់ក្នុងមេរៀន។ តើសិស្សនឹងទទួលបានអ្វីខ្លះ ក្រោយពីបញ្ចប់មេរៀន។ ការកំណត់ វត្ថុបំណង មានការចៀសវាង ប្រើកិរិយាខ្លាំង ខ្លះៗ ដូចជា អាចជាដើម។ ការគូរប្លង់កិច្ចតែងការ មានគំរូផ្សេងៗគ្នា ដែលក្នុងភាសាខ្មែរ មុខវិជ្ជាភាគច្រើន គេគូរ ៣ ប្លង់គឺ សកម្មភាពគ្រូ សកម្មភាពសិស្ស និង ខ្លឹមសារមេរៀន។ ជួនកាល គេគូរតែ ពីរប្លង់ប៉ុណ្ណោះ គឺ សកម្មភាពគ្រូ និង សកម្មភាពសិស្ស ប៉ុណ្ណោះ ដែលខ្លឹមសារមេរៀន គេដាក់ចូលទៅ សកម្មភាពគ្រូ ឬ សកម្មភាពសិស្ស ឬ មិនដាក់តែម្ដង។ មានគ្រូបង្រៀនខ្លះទៀត គាត់សរសេរតែ មួយប្លង់ប៉ុណ្ណោះ ដែលជាប្លង់សំនួរចំលើយតែម្ដង ហើយ សកម្មភាពផ្សេងៗ ត្រូវសរសេរក្នុង វង់ក្រចក។ មិនតែប៉ុណ្ណោះ ក៏មានការសរសេរជា ៤ និង ៥ ប្លង់ផងដែរ។ គ្រប់ប្លង់នីមួយៗ គេចែកជាជំហានៈ
- ជំហានទី១៖ ការស្វាគមន៍ គេសរសេរពីសកម្មភាពផ្សេងៗ ដែលទាក់ទងនឹងការស្វាគមន៍ បូករួមទាំងការរំលឹកមេរៀនចាស់ និងការនាំអារម្មកូនសិស្សផងដែរ។
- ជំហានទី២៖ ការរំលឹកមេរៀនសិស្ស ឬ ល្បែងផ្សេងៗ ដើម្បីទាញអារម្មសិស្ស។
- ជំហានទី៣៖ មេរៀនថ្មី បូករួមទាំងការ បញ្ចូល នីតិវិធី អត្តបទ និង ឆ្លើយសំនួរ។
- ជំហានទី៤៖ ពង្រឹងចំណេះដឹង។
- ជំហានទី៥៖ បណ្ដាំផ្ញើ ការផ្ដែរផ្ដាំចុងក្រោយ ឬ ការដាក់កិច្ចការផ្ទះ។
This article uses material from the Wikipedia ភាសាខ្មែរ article កិច្ចតែងការ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.