真耶穌教會

真耶穌教會
一間喺馬來西亞波德申嘅教會訓練中心
性質	基督教會
總部	美國加州 Lakewood
成員	150-300萬
官方語言	任何有教會嘅地方話
主要機構	International Assembly
下屬	非宗派教會
網站	tjc.org

呢個教會嘅目標係更正其他教派對《聖經》嘅錯誤解釋，同埋將拯救萬民嘅真福音傳遍到去全世界，迎接耶穌再嚟。依家教會主要分佈喺中國各地，包括廣東、香港、臺灣、新加坡、日本、同韓國等等，亦喺美國同英國有教會。

真耶穌教會包括二十世紀初由美國傳入嘅安息日會、信心會、神召會等等教派嘅某啲教義。佢哋亦強調相信獨一真神，反對三位一體教義；靠趕鬼、禱告、同醫病，所以唔需要睇醫生同食藥。禮拜嘅時候，要求信徒跪低同聲祈禱、或者唱靈歌、跳靈舞。

1. 信耶穌：信耶穌係道成肉身，為咗拯救罪人代死喺十字架上，第三日復活、升天；佢係人類唯一嘅救主，天地嘅主宰，亦係獨一真神。
2. 信聖經：信新約聖經同埋舊約聖經係神所默示嘅，為證明真道係唯一嘅根據，同埋信徒喺生活嘅準則。
3. 信浸禮：信水浸係赦罪重生嘅典禮，一定要係由已經受咗浸嘅人，奉主耶穌嘅聖名，喺活水之中幫受浸嘅人完全由頭落腳嘅浸禮。
4. 信聖靈：信受聖靈係得天國基業嘅憑據，而講方言（英文：Speaking in tongues）係受聖靈嘅證明。
5. 信聖餐禮：信聖餐係為咗紀念主嘅死，同時領受主嘅肉同主嘅血，同主聯合，能夠得到永生，係喺末日復活嘅典禮。聖餐要經常做，但係一定要用無酵餅同提子汁嚟做嘅。
6. 信安息日：信安息日（禮拜六）係神賜福嘅日子。但要喺恩典之下，紀念創造同救贖嘅恩，並且因為盼望嚟世嘅永遠安息而要守住。
7. 信救贖：信得救係本乎恩，亦因著信。但係一定要依靠聖靈而追求聖潔、實踐經訓，敬神同愛人。
8. 信審判：信主耶穌一定會喺世界末日，由天降臨，審判萬民；義人會得到永生，而惡人就會受到永刑。
9. 信教會：信教會係耶穌基督藉晚雨聖靈所設立嘅，為咗復興使徒時代嘅真教會。
10. 信洗腳禮：信洗腳禮係同主有份嘅禮儀，係用嚟教訓相愛、聖潔、謙卑、服事、同饒恕嘅典禮。對每一位受浸者，要奉主耶穌嘅聖名至少洗一次腳，而必要時亦可以互相洗腳。

五大嘅基本教義係：洗禮、洗腳禮、聖餐禮、安息日、同聖靈。

• 洗禮：認為洗禮除咗象徵同耶穌一齊死、一齊葬、同一齊復活等等嘅意義之外，亦含有赦罪、重生、成聖、同得救嘅實質功效。由於教會提倡「一神觀」，所以只奉耶穌嘅名為信徒施洗。喺受洗嘅時候，主張信徒以面朝下嘅低頭方式，全身咁浸入水入面。
• 洗腳禮：聖職人員要奉主耶穌嘅名，為信徒做一次洗腳禮。主張洗腳禮係對主嘅愛同謙卑服事嘅表現，代表住「與主有分」。
• 聖餐禮：每年舉行嘅次數沒限制。
• 安息日：認為係星期六，所以崇拜係喺呢一日舉行。安息日係神喺萬物造成嘅時候所設立嘅。
• 聖靈：主張真正嘅教會一定要得著聖靈嘅浸。教會認為神所應許嘅聖靈，分兩次嘅賜下：第一次喺使徒時代嘅聖靈叫做「秋雨」（或者「早雨」）；第二次就喺末世主再臨前賜下，叫做「春雨」（或者「晚雨」）。唯有切望受聖靈嘅人，先至有神嘅生命。受咗聖靈嘅信徒禱告嘅時候，會講方言（英文：Speaking in tongues）同埋震動身體。