Barack Hussein Obama (Honolulu (Hawaï), 4 ogustus 1961) is een Amerikoanschen polletieker, advocoat en professor uut Chicago.
En is lid van de Democroatische Party. Up 5 november 2008 is 'n met en grôte vôorsproung de 44sn president van de Vêrenigde Stoatn ekommn (2009-2017). Ze noemn nem ouk wel De zwortn Kennedy.
Barack Obama is upevolgd deur Donald Trump.
Zyn voader wos e Kenioan, zyn moeder is een Amerikoansche. Ze zyn eschid toun dat Obama twi joar oud wos. Sedert zyn 10 joar is Obama opebrocht deur zyn grôotouders in Honolulu. Achter een ende in Jakarta gezeten t'ein, studeerdige ie vo politicoloog in New York an de Colombia University. In 1985 veruusnde na Chicago. In 1988 begostn were te lêern: e volgde Rechtn an de gerenommeerde Harvard-universiteit. Ze vrouwe, Michelle Robinson, studeerde doar ouk, moa z'en makoar moa lêern kenn op 't werk by een advocoatnbureau. In 1992 zyn ze etrouwd.
In 2004 dei Obama mei voun senateur te kommn. E won en azo wos 'n 'n vuufdn zwortn senateur in Amerika. In de Senaat doet Obama surtout zyn beste voor onderwys, immigroasje en e-government. Over 't feit dat 'n zwort is, wilt 'n nie te vele spil moakn; azo zei 'n eki: D'r is gin zwort Amerika, e latino Amerika en een Aziatisch Amerika; d'r is ollêne de Verenigde Stoatn van Amerika.
Beistn de vôorverkieziengn van de democroatn wont 'n van Hillary Clinton. In de verkieziengn zevve is zyn republikeinschn teegnstander John McCain, dat 'n up 5 november 2008 me gemak klopte (en oalde à peu près 350 kiesmann, McCain oalde der nog gin 200).
Ofbeeldiengn die ier by passn ku je vien in de categorie Barack Obama van Wiki Commons. |
This article uses material from the Wikipedia West-Vlams article Barack Obama, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.