Grenlandine Kit

? Grenlandine kit
Grenlandižed kitad veden al
Tedoklassifikacii
Valdkund: Živatad Tip: Sel'gjäntkeižed (Chordata) Klass: Imetaiživatad (Mammalia) Heimkund: Kitanšorpkabjaižed (Cetartiodactyla) Infraheimkund: Kitanvuiččed (Cetacea) Sugukund: Siledad kitad (Balaenidae) Heim: Grenlandižed kitad (Balaena Linnaeus, 1758) Erik: Grenlandine kit
Latinankel'ne nimi
Balaena mysticetus Linnaeus, 1758
Areal
kuivma      eländtahod
Kuvad Vikiaitas ITIS 180533 NCBI 27602

Grenlandine kit vai polärine kit (latin.: Balaena mysticetus) om Kitanvuiččiden infraheimkundan levitadud meriživat. Balaena-heimon üks'jäine erik, mülüb Siledad kitad-sugukundha.

Ned kitad elädas Pohjoižen mapoliškon viluiš polärižiš veziš kaiken elon, koume millionad vozid jo. Kaikiš suvižemb populäcii eläb Ohotskan meres 54 gradushasai pohjoižlevedust, kaclend vedase Šantarižiš sarišpäi. Živatan oiged kaclend om jüged soraviden arvoimižiden tagut.

Erik kaičese vspäi 1935 ristitun mectust vaste. Nügüdläine populäcii om keskitadud Čukotkan, Beringan i Bofortan meriš tobjimalaz, lugumär ülitab kümne tuhad eričuid.

Grenlandižen kitan kaikiš suremb piduz om 18 m ižoil i 20..22 m emil, veduz — 75..100 tonnad i 150 tonnhasai.

Živatad sätas migracijoid suvhe sügüzel i pohjoižhe kevädel, ei navet'koi eläda jänke pindal. Äikerdoičemine zavodiše keväz'kezal. Kohtuz jätktase 13 kud, läz nell'metrine poigaine sündutase formiruidud razvšoidunke. Elon keskmäine hätkeližuz om 40 vot, no püdihe ižačuid enamba mi sada vot igänke, i voib eläda kaks'sadaha vodhesai ezimeletaden. Se om kaikiš hätkemba eläjiš imetaiživatoišpäi, ühtes rives grenlandiženke Somniosus microcephalus-akulanke.

Kit čukloitelese 200 metrad süvüdehesai, voib jäda čuklos 40 minuthasai. Ujub läz 20 kilometrad časpigudenke keskmäras. Sötlese planktonal vaiše, üks' erič voib söda sidä 1,8 tonnhasai päiveses. Fil'truindplatod oma henomb mi toižil kitoil.

• Kitoiden allei