Fizik
Fizik (amuižgrek.: φυσική fisika «londuseline» φύσις-sanaspäi fisis «londuz») om tarkoiged tedo londusen ülembaižiš käskusiš, materijas da sen strukturas, likundas i transformacijan ohjandimiš.
Fizikan tärtused da käskused oma kaiken londusentedon alusikš.
Aristotel' mainiti «fizik»-terminan ezmäižen 4. voz'sadal EME. Hätken aigan filosofii i fizik lugetihe sinonimoikš, šingotihe ühtes i napriba sel'gitada Mail'man funkcioniruindan käskusid. Fizikan erigoittud šingotez zavodihe 16. voz'sadan tedorevolücijan jäl'ghe.
Fizikan znamoičend om luja nügüd'aigaižes mirus. Materialine erind nügüdläižen i enččiden voz'sadoiden ristitkundan keskes om melestehtud kalud fizižiden avaidusiden alusel, oz., elektromagnetizman tedoidused veiba telefonan löudusele, avaidused termodinamikan sarakos laskiba avton sädandad, elektronikan šingotez tuli kompjuteran sauvondale. Nügüd'aigaine fizik ei voi sel'gitada londusen kaikid nägusid täuzin, kacmata kogotud tedoiden ogibalha lugumärha, i voib vaiše toštta niid paksus.
Sarakod
- mehanik (klassine, kovan hibjan, gidroaeromehanik, kvantmehanik, statistine)
- kondensiruidud olendan fizik (kristallografii, fazpäličmänendad, materijan olendad)
- termodinamik
- lainhiden fizik
- atomfizik
- molekulärine fizik
- optik
- elektromagnetizm (elektrostatik, elektrodinamik, magnitostatik, elektročepid)
- südäitukuine fizik
- henegiden fizik
- relätivižusen teorii
| Fizik Vikiaitas |
 | Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Fizik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.