Inhlonipho yindlela yekutiphatsa lehluka ngesive ngesive.
Indlela lokhuluma ngayo isho kutsi uyahlonipha nobe awuhloniphi, ngesiSwati kungahloniphi kutsi nawukhuluma ubesolo ufaka inhlamba, kanye nemagama etitfo letifihlekile. Nawukhuluma nemuntfu lomdzala kufanele uwakhetse emagama lowashoko
Nekutiphatsa nako kuyinhlonipho, sib. Kudzakwa akumange sekubeyinhlonipho. Etiveni tase-afulikha akusiko kuhlonipha kukhuluma nemuntfu lomdzala ube umutse njo! etinhlavini temehlo.
Sive ngesive sinendlela yaso yekuchaza inhlonipho. Emangisi akutsatsa ngekungahloniphi kudla ngesandla kantsi tsine maSwati asiboni sono lapho. Kuletinye tive kubhodla nawudla kwedzelela, kuletinye usuke ukhombisa kutsi lokudla kwehle ngemgogodla. Kuletinye tive livi lenkhosi nguleligcinako, kuletinye kugcina lebantfu lababuswako.
Ngaloko bekunene inhlonipho yemangisi akusiyo inhlonipho yemaswati, inhlonipho yebakaZulu akusiyo inhlonipho yebaShweshwe. Kepha inhlonipho lenkhulu kuhlonipha emasiko, imihambo, timvo nemibono yalesinye sive.
This article uses material from the Wikipedia SiSwati article Inhlonipho, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki SiSwati (DUHOCTRUNGQUOC.VN) is an independent company and has no affiliation with Wiki Foundation.