Fixica

Ai tempi antighi se ciammava fixichi anche i stüdioxi de quelle disciplinn-e che, con l'aumento da conoscensa, sun ancö cunscideræ disciplinn-e a parte, comme a Biologia, l'Astronomia o a Chimica.

Fixica a l'è o stüdio di fenomeni da natua non vivente, in ti quæ no gh'agge importansa eccesciva e trasfurmaziuin de sustanse, ni i moti o e proprietæ di corpi çelesti. Se tratta de unna definizion un po' didattica e schemattica; segundo o pai de E. e G. Amaldi, esponenti da scöa romana de Via Panisperna, famosa pe di scienzati comme Orso Mario Corbino, Enrico Fermi, Ettore Majorana e Bruno Pontecorvo, in realtæ o solo moddo pe fäse un'idea seria de cose segge a fixica o l'è affrontâne o stüdio in moddo scistemattico.

Sciübben che in te squæxi tutti i fenomeni intervegne ciù ambiti da fixica, che a no pö perciò esse cunsciderä a compartimenti stagni, pe pratiçitæ se suddividde o sö stüdio in ciù parti:

• Meccanica
• Acustica
• Termologia
• Ottica
• Elettriçitæ
• Fixica Atomica, Fixica Nücleare e de Partiçelle Elementari.

•   Wiki Commons a contêgne di files in sce Fixica