Iurum humanorum declaratio universalis est professio a conventu generali Consociationis Nationum apud Palatium de Chaillot Lutetiae die 10 Decembris 1948 rite decreta, 48 suffragiis adsentientibus, nullo opponente, octo autem abstinentibus.
Liber primatum memorandorum hanc declarationem mundi documentum omnino in plurimis linguis conversum appellat. Declaratio ex clade belli mundani alterius orta est, cuius inter auctores Renatus Cassin, Iacobus Maritain, Alienora Roosevelt, Carolus Malik erant. Origo omnis internationalis iurum humanorum legis ac prima perscriptio globalis iurum, quae omnes humani per se possident, est. Consistit in triginta capitulis, quae in insequentibus foederibus inter civitatibus, regionalibus iurum humanorum instrumentis, et constitutionibus legibusque civitatum elaborata sunt .
Declaratio dicit omnes homines dignitate et iure pares nasci. Vetat discrimen propter sexum, genus, linguam, religionem, opiniones politicas; vetat servitutem et supplicium. Lex debet omnes aeque protegere. Omnes patriam habent, in qua possunt libere se movere; possunt alias civitates visitare et in patriam revenire. Declaratio dicit omnes homines se in matrimonio iungere et familiam condere posse. Dicit omnes libertatem habere opinionis, religionis, cogitationis. Omnes opera administrationis rem publicam possunt facere, vel directe vel per legatos, et "populi consensus principium est publicae potestatis." Omnes ius habent otii et negotii.
Haec commentatio vicificanda est ut rationibus qualitatis propositis obtemperet. |
Vide Iurum humanorum declaratio universalis apud Vicifontem. |
This article uses material from the Wikipedia Latina article Iurum humanorum declaratio universalis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.