Tizmekt Tazegzawt

Tizmekt tazegzawt
Addad n taggaẓt
Talmest yettwaggzen s umihi wengar  (IUCN 3.1)
Tasensartut
Adur	Chordata
Asmil	Mammalia
Tafesna	Artiodactyla
Tawacult	Balaenopteridae (fr)
Tawsit	Balaenoptera (fr)
talmest	Balaenoptera musculus Linnaeus, 1758
Taẓuni tarakalt
Isali amatan
Tadist	11,5 ayyuren
Aɣbalu agejdan n wučči	Euphausiacea (fr)
Teɣzi	27,1 m

Tafekka n tzemket tazegzawt d taɣezfant d tusdidt tettwaklu s waṭas n yiniten ifarayen anda azagur-is d azunɣid yezzegzun ma deg yidis n wadda d adnanes.

Tizmekt tazegzawt tgebber seg 3 n tdefrin ma drus, Tidefrin-a gant:

• B. m. musculus: tettidir deg ugafa n ugaraw anaṭlas d ugafa n ugaraw amelwi
• B. m. intermedia: tettidir deg ugaraw anaẓul
• B. m. brevicauda: tettidir deg ugaraw ahendi d unẓul n ugaraw amelwi, yakk d B. m. indica izemren ad yili d tadfert yeṭṭafaren tadulmest-a

Učči n tzemkin tizegrawin yezzi ɣef truca timeẓẓyanin kan yettusemman s tekrileyyin.

 

 

Tafekka n tezmekt tazegzawt d taɣezfant, talɣa-ynes tusdidt yerna yettbin-d yezzuɣzef s wassaɣ ɣer tfekkiwin n tzemkin niden yeččuren di tfekka. ma d talɣa n yixef-is isbeṭ, yemmug am usekkil n U. Yegber seg tefririyin tuffiɣin yezzuɣezfen seg wesmum alamma d acenfir imineg. Amur amezdat n yimi d azuran yerna yegber seg wazal n 300 n tfilin tifawin, ttcengilent-d seg uɣesmar imineg s akin ad tuɣal s wezgen n umiter (0,5 m) ɣer yimi. Dinna llan gar n 70 d 118 n yimrujen yettenfufuden deg ugerjum s umsadaɣ yakk d uzzuɣzen n tfekka-ynes, imrujen-a ttallent deg usufeɣ n waman seg yimi seld mi ara ad yečč

Tassacaft n uzagur n tezmekt tazegzawt d tin meẓẓiyen, anda teɣzi-ynes tga gar n 7/8 ar 70 cm ma d addud-is gar n 20 ar 40 cm, tasaccaft-a tettbin-d i kra n wakud kan mi ara ad tili treddeb. Teɣzi n tsaccafin n tezmekt tazegzawt tga gar n 3 ar 4 m, ini n wadisen-is iminigen han d izunɣiden yakk d tlisa tusdidin mellulen, ma d yidisen imazdaren d imellalen, ini n yini n uqerruy d wedfar gan d izunɣiden, dɣa tisacafin-is d wamuren-is iminigen ttilin deg waṭas n tikkal d iberbacen. Tazzla d urured n tezmekt tazegzawt tezmer ad taweṭ alamma d 50 km/s as mara ad tili tessedmir d tzemkin niden s umdemmer meẓẓiyen. Ma f tazzla-ynes tamudemt mi ara ad tili treddeb tettawaṭ ar 20 km/s, mi ara ad tili tettett tessedras deg tazzla-ynes alamma d 5 km/s

Tazmek tazegzawt tettidir iman-is deg tuget n wakuden neɣ d yiwet n tezmekt niden, ma deg yideggan anda yettili wučči s tuget zemrent ad gint tagrawt yugaren 50 n tzemkin deg tjumma meẓẓiyen, maca tizemkin tizegrawin ur d-tgint ara tigrawin yeqqnen am tid n tzemkin tibalinyin niden

 

Ableɣ

 

 

Tizmekt tazegzawt d aɣersiw ameqqran yettwassnen yakk ig ddren deg tegnit ama tura neɣ deg yal tallit yezrkn, ma d adinaẓur ameqqran yakk yettwassnen iga d Arjintinusawrus yeddren deg tallit n tudralmast. Azuk-is d win yellan yettawaṭ ɣer 90 n iṭunnen, ayen i d-immalen d akken d tizmekt tazegzawt i d-t-yugaren s waṭas. Dɣa azuk n tezmekt tazegzawt d win yemrayen i wakat s usrag n ubleɣ-is meqqren s waṭas. Akken i tga tegnit yakk d tzemkin timeqqṛanin niden i d-gemmren inegmaren, iwetmen n tezmekt tazegzawt werjin ttwaktan yakk, maca ttwagzamen ɣer igezzumen meẓẓiyen sin akin ad yifrir (ad yishil) wakat-nsen, dɣa anecta yeǧǧa isazalen n wazuk i d-ttafen d wid i d-itteffaɣen ur wwiṭen ara ɣer wazuk-is imdetti (n tidett) acku tizmekt mi ara ad tettwagzem tzelli (tesṛuḥay) aṭas seg yimazzalen-is d idammen-is

Tizemkin tizegzawin yettidiren deg ugaraw anaṭlas d ugaraw Amelwi ttilint meẓẓiy-it ɣef tid yettidiren deg yideggan yudsen ɣer tizgelt n unẓul, anda i d-ttujerden wazuken igan gar n 150 alamma d 170 n iṭunnen i tzemkin yessawaṭen di teɣzi ɣef 27 m, dɣa isindi aɣelnaw n temsuṭaṭ tiwlalin Amrikan yefkad asazel ɣef tzukt teɣzi-ynes 30 m s ugar n 180 n iṭunnen, ma d tazmek meqqren yakk i d-tuzen s talɣa tufrint Tella d tawtemt azuk-is yessaweṭ ɣer 177 n iṭunnen.