Riil Jiizas Choch

Di Riil Jiizas Choch a wahn indipendant choch we taatop ina Biijing, Chaina ina 1917.

Tide, bout 2.5 milian memba ina di choch, frahn faati-iet konchri ahn six difrahn kantinent. Di choch bilangx tu di Pentikastal gruup a Kristianiti we kom bout ina di orli twentiet senchri. Dem a chrai fi priich di gaaspl tu ebribadi ina ebri nieshan bifuo di sekan komin a Jiizas.

Di ten mien dakchrin

Di ten mien dakchrin a di choch demya:

Di Uoli Pirit

Risiivin di Uoli Pirit, evidens bai piikin ina tong, a di giarantii a wi ineritans a di Kingdam a Ebn.

Baptizam

Waata Baptizam a di sakrament fi di rimishan a sin ahn fi rijinarieshan. Di baptizam mos tek plies ina nachral libn waata, laka riba, sii, ar pring. Di Baptis, uu get baptizam a waata ahn di Uoli Pirit aredi, kandok di baptizam ina di niem a di Laad Jiizas Krais. Ahn di smadi a risiiv di baptizam mosi fuli donk ina waata wid ed bou ahn fies dong.

Fut Washn

Di sakrament a Fut Washn mek smadi paat a di Laad Jiizas. Isaab az kanstant rimainda se smadi fi ab lob, uolinis, yumiliti, fagivnis ahn saabis. Ebri smadi uu risiiv waata baptizam mos get dehn fut dem wash ina di niem a Jiizas Krais. Myuuchual fut washn maita praktis weneba apruopriet.

Uoli Kamyuunian

Uoli Kamyuunian a di sakrament fi kamemariet di det a di Laad Jiizas Krais. I heniebl wi fi shier ina di flesh ahn blod a wi Laad ahn fi de ina kamyuunian wid Im so wi kiahn ab itornal laif ahn riezop pahn di Laas Die. Dis sakrament fi huol aafn az pasobl. Onggl wan anlevn bred ahn griep juus fi yuuz.

Sabat Die

Di Sabat Die, di sebn die a di wiik (Satide), a Uoli Die, blesid ahn sangtifai bai Gad. I fi absorv anda di Laad gries fi di kamemarieshan a Gad krieshan ahn salvieshan ahn wid di uop a itornal res ina di laif fi kom.

Jiizas Krais

Jiizas Krais, di Wod uu bikoms flesh, ded pahn di kraas fi di ridemshan a sina, rezarek pahn di tord die ahn asen a ebn. Im a di onggl Siebia a mankain, di Krieta a di ebn ahn ort, ahn di onggl chuu Gad.

Di Baibl

Di Uoli Baibl, kansis a di Uol ahn Niuu Testament, inspaya bai Gad, di onggl skripchral chuut, ahn di tandad fi Kristian libn.

Salvieshan

Salvieshan gi bai di gries a Gad chruu fiet. Biliiba mos rilai pahn di Uoli Pirit fi fala uolinis, fi hana Gad, ahn fi lob yuumaniti.

Di Choch

Di Choch, extablish bai wi Laad Jiizas Krais, chruu di Uoli Pirit juurin di taim a di 'lata rien', a di ristuor chuu choch a di hApastalik taim.

Fainal Jojment

Di Sekan Komin a Jiizas wi tek plies pahn di Laas Die wen Ihn disen frahn ebn fi joj di wol: di raichos wi risiiv itornal laif, wails di wikid wi itornali kandem.

Tags:

Riil Jiizas Choch Di ten mien dakchrinRiil Jiizas ChochChainaKristianiti

🔥 Trending searches on Wiki Jumiekan Kryuol:

DiktietashipThe BeatlesKuomaKuot a Aamz a JumiekaSpienAnbuk a JumiekaAbaashanBuenos AiresKalaraMyuuzikTyuubakuluosisYunivoersiti a di Wes IndizWiitKaanMountnMorishosMikelanjeloPitniRougeMangguoliaDimakrasiMatimatikal kanstantFizikal chraamaAntiiga ahn BaabyuudaDanyuubAstaraidKruoyeshaGobamentLatnMie PenBurundiSemikandoktaSuisaidIenshent IijipPuosmadanizimKiaribiyan SiiKinston Parish, JumiekaEstuoniaMeditarienian SiiBritish EmpayaDiaxiraibonyuukliik asidRonawe Bie, JumiekaMilki WieProclamashan a di Joerman EmpayaJamiekaDiskriminieshanLaifEdikieshanSekan Maruun WaarBoerkiina FasoFizixDisabilitiAngguolaKanfyuushanizimJacques CartierAtlantik UoshanBeliizFilipiinzYuuna MaasnIeja🡆 More