Թագուհի Մադլեն Թերեզիա Ամելիա Յուսեֆինա
Թագուհի Մադլեն Թերեզիա Ամելիա Յուսեֆինա (շվեդ.՝ Prinsessan Madeleine av Sverige, hertiginna av Hälsingland och Gästrikland հունիսի 10, 1982(1982-06-10), Դրոտտինգհոլմ, Էկերյո, Ստոկհոլմի լեն, Շվեդիա Շվեդիայի թագավոր Կառլ XVI Գուստաֆի և թագուհի Սիլվիայի երկրորդ աղջիկը (երրորդ երեխան)։ Կնունքի ժամանակ նրան տրվել է Հելսինգլանդի և Եստրիքլանդի դքսուհու տիտղոսը։ Համարվում է նաև Շվեդիայի արքայադուստր։
| Թագուհի Մադլեն Թերեզիա Ամելիա Յուսեֆինա | |
|---|---|
 | |
| Ծնվել է | հունիսի 10, 1982 (41 տարեկան) |
| Ծննդավայր | Դրոտտինգհոլմ, Էկերյո, Ստոկհոլմի լեն, Շվեդիա |
| Քաղաքացիություն |  Շվեդիա |
| Մայրենի լեզու | շվեդերեն |
| Կրոն | Շվեդիայի եկեղեցի |
| Կրթություն | Ստոկհոլմի համալսարան (հունվարի 23, 2006), Enskilda Gymnasiet? (2001), Smedslättsskolan? և Carlssons skola? |
| Գիտական աստիճան | Բակալավր |
| Մասնագիտություն | բարձրաշխարհիկ հեղինակություն, ազնվական, բարեգործ և դիվանագետ |
| Ամուսին | Christopher O'Neill? |
| Ծնողներ | հայր՝ Կառլ XVI Գուստաֆ, մայր՝ Սիլվիա (Շվեդիայի թագուհի) |
| Պարգևներ և մրցանակներ |        և  |
| Երեխաներ | Princess Leonore, Duchess of Gotland?, Prince Nicolas, Duke of Ångermanland? և Princess Adrienne, Duchess of Blekinge? |
 Princess Madeleine, Duchess of Hälsingland and Gästrikland Վիքիպահեստում | |
Կրթություն
Սովորել է Էնսկիլդի գիմնազիայում, որի հիմնական դասընթացն ավարտել է 1998 թվականի օգոստոսի 20-ին։ Երկու տարի անց Էնսկիլդի դպրոց գիմնազիայում մշակույթի բակալավրի դիպլոմ է ստացել։
Նախասիրություն
Զբաղվել է պրոֆեսիոնալ ձիասպորտով։ Մասնակցել է ձիասպորտի մրցաշարերի։ Հանդիսանում է Ստոկհոլմի Faeltrittklub ձիասպորտի ակումբի անդամ։ 1998 թվականի ապրիլին Քյոնիգի մրցաշարում զբաղեցրել է երկրորդ տեղն ու ստացել արծաթե գավաթ։ Մրցաշարերին նա մասնակցել է Աննա Սվենսոն անվամբ, որպեսզի մամուլում և հասարակության մեջ լրացուցիչ իրարանցում չառաջանա։
Սիրում է ճամփորդել։
Անձնական կյանք
Մադլենը երկար ժամանակ հարաբերությունների մեջ է եղել իրավաբան Յունաս Բերգստրյոմի հետ (lang-sv|Jonas Bergström, ծնվել է 1979), սակայն զույգը չի ամուսնացել, որովհետև, օրենքի համաձայն՝ թագավորական ընտանիքի կրտսեր դուստրը կարող է ամուսնանալ միայն ավագ դստեր ամուսնությունից հետո։ 2009 թվականի փետրվարի 24-ին Շվեդիայի թագուհի Վիկտորիան հայտնել է նշանադրության մասին, իսկ արդեն 2009 թվականի օգոստոսին հայտարարվել է թագուհի Մադլենի և Յունասի նշանադրության լուրը։ Նշանադրությունը հանկարծակի չեղյալ է հայտարարվել 2010 թվականի ապրիլի 24։
2012 թվականի հոկտեմբերի 24-ին թագուհու հայրը՝ թագավոր Կառլ Գուստաֆը հայտնել է Մադլենի և Քրիստոֆեր Օ Նիլի նշանադրության մասին։ Զույգը ծանոթացել է երկու տարի առաջ՝ Նյու Յորքում։ Քրիստոֆերը մասնակցել է Մադլենի զարմուհու՝ Վիկտորիայի դստեր՝ թագուհի Էստելի կնունքին։ Թագուհի Մադլենի և Քրիստոֆեր Օ Նիլի հարսանիքը տեղի է ունեցել 2013 թվականի հունիսի 8-ին՝ Ստոկհոլմ քաղաքում։ Հարսի զգեստի հեղինակը Վալենտինան էր, այն մետաքսից էր, փղոսկրե երանգով, ժանյակներով կատարված ապլիկացիաներով, գոտկատեղի հատվածում առկա էին մանր ուղղահայաց դարսեր, քղանցքը չորս մետր։ Ամուսնությունից հետո զույգը շարունակել է ապրել Նյու Յորքում, որտեղ թագուհին աշխատել է Համաշխարհային մանկական հիմնադրամ World Childhood Foundation բարեգործական կազմակերպությունում, որը ստեղծվել է 1999 թվականին՝ Մադլենի մոր՝ Սիլվիայի մասնակցությամբ (հիմնադրամը զբաղվում է ամբողջ աշխարհում, մասնավորապես՝ անբարենպաստ շրջաններում բնակվող երեխաների կենսապայմանների բարելավմամբ)։
Զույգն ունի երեք երեխա
- Լեոնոր Լիլիան Մարիա<, Գոթլանդի հերցոգուհի, ծնվել է 2014 թվականի փետրվարի 20-ին՝ Նյու Յորքում։
- Նիկոլաս Պաուլ Գուստաֆ, Օնգերմանլանդի հերցոգ։ Ծնվել է 2015 թվականի հունիսի 15-ին՝ Ստոկհոլմի ժամանակով 13:45-ին։ Պաուլ և Գուստաֆ անունները տրվել են ի պատիվ հայրական և մայրական պապերի՝ Պոլ Օ Նիլի և Շվեդիայի թագավոր Կառլ XVI Գուստաֆի։
- Ադրիենա Ժոզեֆինա Ալիսա, Բլեքինգեի հերցոգուհի։ Ծնվել է 2018 թվականի մարտի 9-ին։ Նորածնի առաջին անունը ընտրվել է ծնողների կողմից, Ժոզեֆինա անունը արքայատոհմի կողմից հաճախ է կիրառվել, Ալիսան թագուհի Սիլվիայի մոր անունն է։
Ներկայումս ընտանիքը բնակվում է Լոնդոնում։
Տոհմածառ
Պատկերասրահ
.jpg)
.jpg)
.jpg)
.jpg)
Մրցանակներ
- Շվեդիա։
- Սերաֆիմի շքանշան
- Կառլ XVI Գուստաֆի ընտանեկան թագավորական շքանշան
- Շվեդիայի թագավոր Կառլ XVI Գուստաֆի 50-ամյակի մեդալ
- Կառլ XVI Գուստաֆի հոբելյանի ռուբինե մեդալ
- Շվեդիայի թագավոր Կառլ XVI Գուստաֆի 70-ամյակի հուշամեդալ (30 ապրիլի 2016)
Բրազիլիա: Ռիու Բրանկոյի մեծ խաչի շքանշան (2007)
Գերմանիա : «Գերմանիայի Դաշնային Հանրապետության համար մատուցած ծառայությունների դիմաց» շքանշան (2003)
Հորդանան: Հորդանանի աստղի շքանշան (2003)
Լատվիա : Երեք աստղի շքանշան (22 մարտի 2005)
Լյուքսեմբուրգ: Ադոլֆ Նասաուի Մեծ խաչի շքանշան (04/2008)
Մալայզիա : Մալազիայի գահի լոյալության շքանշան (P.S.M. — 2005)
Նորվեգիա: Սուրբ Օլաֆի Մեծ խաչ շքանշան (2005)
Ռումինիա : «Հավատարիմ ծառայության համար» շքանշան (2008)
Ծանոթագրություններ
Արտաքին հղումներ
This article uses material from the Wikipedia Հայերեն article Թագուհի Մադլեն Թերեզիա Ամելիա Յուսեֆինա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.