Narodny park je škitny status, kotryž so wěstemu teritorijej z přirodoškitnych přičin spožči.
Narodne parki maja wurjadnu přirodnu, wědomostnu, krajinowu abo kulturnu hódnotu. Prěni bě narodny park Yellowstone, kotryž bu 1872 w Zjednoćenych statach załoženy.
Mjezynarodna unija za zdźerženje přirody a přirodnych resursow (IUCN) je přewzała slědowacu definiciju za narodny park:
Škitane kónčiny, kotrež maja dołhodobnje škitać wobšěrne přirodne rumy hromadźe z jewjacymi družinami a ekosystemami. Tute maja tež stać k dispoziciji za dušine potrjeby, wědomosć, slědźenje a kubłanje, a za wočerstwjenje a wobhladanje.
Narodny park Yellowstone (Zjednoćene staty Ameriki) – prěni narodny park swěta, załoženy 1872.
Šwicarski narodny park (Šwicarska) – najstarši narodny park Alpow a jenički Šwicarskeje, załoženy 1914.
Białowieski narodny park (Pólska) – najstarši narodny park Pólskeje a škita jenički wulki pralěs w Europskej Nižinje; załoženy 1932.
Narodny park Bayerski Lěs (Němska) – najstarši narodny park Němskeje, załoženy 1970. Zhromadnje z čěskim narodnym parkom Šumawa twori najwjetše škitne pasmo srjedźneje Europy.
Narodny park Durmitor (Čorna Hora) – załoženy 1952, škita jedne z najdźiwišich horow Europy.
Narodny park Kakadu (Awstralska) – sławny za swoju zwěrinu a kulturu Aboridźinow, załoženy 1979.
Narodny park Serengeti (Tanzanija) – najsławniši narodny park Afriki, załoženy 1951.
This article uses material from the Wikipedia Hornjoserbsce article Narodny park, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.