Tasiilaq Ammassalik kommunea tunumi kangitsinni inissisimavoq, nunaqarfiilu tallimat ilanngukkaanni 3.067-inik inoqarpoq.
Tasiilap kommunea 1963-mi pilersinneqarpoq, isorartussusaalu annertulluni. Oqaluttuarisaanermi tunu pingaarutilimmik tikinneqarpoq 1885-imi Gustav Holm-ip ilisimasassarsiorneranut tunngatillugu. Tunu aamma tikinniarneqartarsimavoq qallunaatsiaat kingulliit ujariaraluarlugit, iluatsinngittumilli. 1500, 1600-ikunni arfanniarneq annertuseruttormat, arfanniarpassuit Europameersut tunup eqqaani aamma arfanniartarsimapput, oqaatigiuminaapporli tunumiut naapittarsimaneraat. Tunumilu sikorsuit aamma aporfiusarsimaqaat.
Tasiilaq Ammassalik | |
---|---|
|
Ammassalik, taaguutaata aappaa, tallimanik nunaqarfeqarpoq, ukuusullu: Kulusuk qeqertamiippoq (302)-nillu inoqarluni, nunaqarfinnilu annersaat tulleraat, mittarfeqarfiulluni. Kuummiut (402) nunaqarfinni annersaavoq, Tasiilamiillu 60 km-t avannarpasissumi kangiatungaani inissisimalluni. Eqqumiittuliortoq Karale Andreassen 1890-mi Kuummiuni inunngorpoq, tusaamaneqaatigalugulu. Tiniteqilaaq (153) Ammassalimmiit avannarpasissumi inissisimavoq.
Sermiligaaq (212) avannarpasissumi Sermiligaap kangerluani inissisimavoq. Ikatseq kangerlumi Sermiligaaq Kuummiullu eqqaani Amerikamiut mittarfikuat Bluie 2 aamma inissisimanikuuvoq, Kulusummilli kingusinnerusukkut nuunneqarpoq. Isortoq (110) kujasissumi qeqertami Tasiilamiit 80 km-t inisseqqavoq, Tasiilallu nunaqarfiini minnersaalluni.
Tasiilap kommuneanut takornariaqarneq inuutissarsiutini immaqa annertunersaavoq, aalisarnerli piniarnerlu aamma pingaaruteqaqaat. Tasiilaq, tunumiut aamma tusaamassutigaat inngertarnertik (tivaneq), sumiorpalussusaallu tusarnersoq.
Wiki Commons assinik nipinilluunniit peqarpoq, uunga tunngasunik: |
Una allaaserisaq aallarniutaannaavoq. Wikipedia ikiorsinnaavat nangikkukku.
This article uses material from the Wikipedia Kalaallisut article Tasiilaq, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Indholdet er udgivet under CC BY-SA 4.0 medmindre andet er angivet. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kalaallisut (DUHOCTRUNGQUOC.VN) is an independent company and has no affiliation with Wiki Foundation.