Maniitsup kommunea (Qallunaatut: Sukkertoppen) 1782-mi tunngavilerneqarpoq, Maniitsorlu eqqarsaatigigaanni eqqaaneqanngitsoorneqarsinnaanngillat apussuit, ukioq naallugu minnerunngitsumillu aasakkut sisorarfigineqarsinnaasoq.
Qularnanngitsumik siunissami ineriartortinneqarluariarpat nunaniit allaniit takornarissanik tikerarneqarluarsinnaasoq. Maniitsup eqqagisaa ikkarloqarfissuuvoq aamma, alutornarlutik aammali ulorianarsinnaallutik. Maniitsoq ullumikkut 3.632-nik inoqarpoq nunaqarfii ilanngukkaanni, ukuusullu: Kangaamiut inuttunersaasoq (398-nik inoqarluni), nunatsinnilu nunaqarfiit annersaralugu. Napasoq (103), kiisalu Atammik (239). Maniitsup kommunea aalisarneq inuutissarsiutitut annersaraat, kisianni 2005-imi Olivin-isiorfik Maniitsup eqqaani pilersinneqarpoq. Tamanna Maniitsup kommuneanut Kalaallit nunaanullumi aningaasaqarniarnikkut, isertitaqarnikkut, suliffissaqarniarnikkullu siunissami iluaqutaasussaalluni pingaaruteqarluassaaq.
Maniitsoq | |
---|---|
1890-mi
|
Maniitsup kommuneani Arctic Greenfood aamma inissisimavoq.
Alla suliffeqarfik nutaalluinnartoq, avatangiisinullu ilaatigut maligassiulluillartoq taaneqarsinnaasoq, tassaavoq kalaalimeerniarfik. Maniitsoq timersornikkut aamma tusaamasaavoq, angusaqarluartarnikuulluni, ullumikkumut aamma. Kaassassuk Aqissiarlu taaneqaannarsinnaapput.
Maniitsup Kommunea Nunatta kitaata sineriaani 64.45' aamma 66.15' avannarpasitsigisumiippoq. Kujataaniit avannamut katillugu195 km-nik takissuseqarpoq.
Angissusaa katikkaanni 79.500 km²-nik annertussuseqarpoq, tassanngaanniit nuna sikumik qaller-simanngitsoq 17.000 km²-nik annertussuseqarluni.
Wiki Commons assinik nipinilluunniit peqarpoq, uunga tunngasunik: |
Maniitsoq sisimiullu Kommuneqatigiipput. Qeqqata Kommunea.
This article uses material from the Wikipedia Kalaallisut article Maniitsoq, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Indholdet er udgivet under CC BY-SA 4.0 medmindre andet er angivet. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kalaallisut (DUHOCTRUNGQUOC.VN) is an independent company and has no affiliation with Wiki Foundation.