Kenneth Wehr: Wikipedialiortartoq Tysklandiminngaanneersoq
Kenneth Wehr („Kiiniteeraq“; inunngorpoq aggustip 22-anni 1999-imi Langenhagenimi, Tysklandimi) Wikipedialiortartuuvoq.
_(1).jpg)
Inuunera
Kenneth Wehr Tysklandimi inunngorsimavoq peroriartorsimallunilu. 2016-imi atuartuunini naammassigamiuk aanaalu Kalaallit Nunaannut krydstogterput Nuummi, Sisimiuni Qaqortumilu unillutik. Nuna taanna nuannarileqaa, uteqqammerlunilu Wikipediami Kalaallit Nunaat pillugu qupperniliortalerpoq. Pseudonymi Kenny McFly atortarpaa. 2017-imi Berlinimi Humboldt-Universitetimi historisk lingvistikkimik skandinavistikkimillu ilinnialerpoq. 2020-imi naammassinnippoq Danmarkimullu nuulluni. Tassani Københavns Universitetimi Grønlandske og Arktiske Studier-nik ilinniarpoq. 2022-imi bachelorinngorpoq, massakkullu kandidatinngorniarpoq. Kalaallit oqaasiisa oqaluttuarisaanerannik paasisimasaqarluarpoq. 2021-imit 2022-mut Arktisk Institut suliffigaa, taava 2022-mit Oqaasileriffik suliffigaa. Avalak Københavnimi siulersuisunut ilaasortaavoq.
Kalaallit Nunaanni tusaamasanngorpoq 2019-imi Sermitsiaq.AG suliaa pillugu allammat. Kiiniteeqqap quppernerit 1700-it missaat tyskisut allareerpai. Kalaallit Nunaat pillugu ilisimasat ilisimaneqartikkaluttuinnarniarpai. Taamaattumik kalaallisut Wikipediamik allatsitsiniarpoq – ajoraluartumik iluatsitsinngikkallarluni.
Ilisimasat kingoqqivii
- Sebastian Leber: Krieg der Schlauberger – Inside Wiki Kalaallisut. Tagesspiegel (decembarip 25-at 2017).
- Walter Turnowsky: Ung tysker fylder Wikipedia med viden om Grønland. Sermitsiaq.AG (novembarip 7-at 2019).
- Janina Wildermuth: Berliner Student hat 3/4 aller deutschsprachigen Wikipedia-Artikel über Grönland geschrieben. Spreewild (apriilip 22-at 2020).
- Horst Güntheroth: Die weite Welt der Alleskönner. P.M. Thema (2020). q. 56–61.
- Kenneth Wehr: Kan fake news blive sande? En fortælling om Grønland og Wiki Kalaallisut. Tidsskriftet Grønland (2022/4). q. 166–177.
This article uses material from the Wikipedia Kalaallisut article Kenneth Wehr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Indholdet er udgivet under CC BY-SA 4.0 medmindre andet er angivet. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kalaallisut (DUHOCTRUNGQUOC.VN) is an independent company and has no affiliation with Wiki Foundation.