Ilulissat
Ilulissat (siusinnerusukkut atia: Jakobshavn) Qaasuitsup kommunia-ta illoqarfittut pingaarnersaraa.
Ilulissat Kalaalit Nunaata illoqarfiit anginersaata pingajoraat, Nuuk Sisimiullu tulleralungit. Ilulissat Kalaallit Nunaata kitaani inissisimavoq, Sermeq Kujalliup avannaata tungaaniilluni. Qaasuitsullu killeqarfiata 350 kilometer-inik avammut ungasissuaniilluni. Ukioq 2015 ilanngullungu 4491-nik inuttussuseqarpoq.
| Ilulissat | |
|---|---|
 Ilulissat   Ilulissat |
Ilulissat Sermeq Kujalliup eqqaaniinnera, UNESCO-llu nunarsuarmioqatigiittut eriangisassatut kingornussassanngortitaasimaneranut, sermillu iigartartup eqqaaniinneranut Ilulissat avataa iluliarpassuaqartarneranut ilisarnaatigaa. Kalaallit Nunaanni illoqarfik qimminik qimuttunik inuit amerlaqatingajaanik peqarnera, aalisakkanik kinguppannillu tunisassiornera aammattaaq takornariaqarfiunera Ilulissat ilisarnaatingaa.
Oqaluttuassartaa
Umiarsualiviup oqaluffiullu nutaanngitsup eqqaani illut 1700-kunni 1800-kunnilu sanaat takuneqarsinnaapput. Oqaluffiup ungasinngisaani inissisimasoq Ilulissani Katersugaasivik iserneqarsinnaavoq, ataavartumik angalatooq Knud Rasmussen-i pillugu takusassaqartitsisoq, taanna Ilulissani inuuvoq peroriartorluni.
Sermeq Kujalleq, 40 km-imik isorartutingisoq, nunarsuup avannarpiarsuani kaanngartitsinerpaat ilagaat sukkanerpaartaralugulu. Kangerluk sikorsuarnik immeqqasarpoq, kangerluullu anillariaani illoqarfiup avataani unittarlutik immap 2-300 meter-inik ikkannera peqqutaalluni.
Ilulissat kangerlua (qallunaatut atia: Ilulissat Isfjord) 2004-mi UNESCO-p allattugaasiviani nunarsuarmioqatigiittut eriangisassatut kingornussassanngortitanngorneqarpoq, taamaammallu eqqissisimatitaaffiulluni.
Kalaallit Nunaata avannaani ukiukkut qimusserneq piniartumut aalisartumulu sakkuuvoq pingaarutilik, tamannalu ingerlanneqarsimalluni ukiuni hundredeni arlaqartuni.
1. jan. 2009 aallarnerfigalugu Ilulissat Qaasuitsup kommunianut atalerpoq. Nunaqarfii qanittut ukuupput:
- Saqqaq
- Oqaatsut
- Ilimanaq
- Qeqertaq
Naleqqiussat
 | Wiki Commons assinik nipinilluunniit peqarpoq, uunga tunngasunik: |
Una allaaserisaq aallarniutaannaavoq. Wikipedia ikiorsinnaavat nangikkukku.
This article uses material from the Wikipedia Kalaallisut article Ilulissat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Indholdet er udgivet under CC BY-SA 4.0 medmindre andet er angivet. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kalaallisut (DUHOCTRUNGQUOC.VN) is an independent company and has no affiliation with Wiki Foundation.